الموضوع: عمرو حمزاوي:المطالبة بالدستور أولاً إنقلاب على الشرعية والديمقراطية ونتيجة الإستفتاء

أتفق معه طبعا ،،

و الإستفتاء كان واضح و صريح

لو حصل و تم الإلتفاف علي نتيجة الإستفتاء

محدهش يقف تاني طابور تلت ساعات في الشمس عشان يدي صوته

لأنه هيكون بيضيع وقته زي أيام مبارك

و تكون الصناديق مالهاش لازمة ، و اللي بيمشي الدنيا النخبة الحلوة في الآخر برده

ملحوظة ( أنا صوت ب لأ في الإستفتاء )

رأي الشعب حتى لو كان غلط لازم ينفذ في المرحلة دي
متفق وصوت بلا

أنا قلت لأ في الاستفتاء لكن بمجرد اعلان النتيجة خلاص الموضوع انتهي بالنسبة لي
و مش عارف اللي بيطالبوا بالدستور اولا و الالتفاف علي رأي الاغلبية دول عايزين ايه بالظبط.... هي الديموقراطية اننا نرضي برأي الأغلبية ولا اننا نمشي ورا رأي اللي صوته أعلي و مستعد ينزل ميدان التحرير و ينام في وسط الشارع عشان يمشي كلامه علي الناس

عمرو حمزاوي انسان ذكي و عارف يعني ايه ديمقراطية عشان كده انا مش مستغرب الكلام الي قاله رغم اختلافي معاه في بعض اراءه الاخري

المشاركة الأصلية كتبت بواسطة skybird

رغم اقتناعي ان ارادة الشعب تم تزويرها في الاعلان الدستوري حين استبدلت كلمة رئيس الجمهورية بكلمة المجلس العسكري حيث ان الشعب وافق على انتخابات رئاسية قبل البرلمانية
وكذلك تم تجاوز الارادة الشعبية بالغاء دستور 71 لان الشعب صوت على تعديله لا الغاءه
ورغم انني قلت ان مطلب الدستور اولا هو موقف سياسي يسجل للتاريخ
فانني ارى ان الاصرار على تنفيذ مطلب الدستور اولا قد يسبب فتنه لا يريدها احد
فلنمضي في خطة المجلس العسكري التى هي ليست خطة الشعب وكل انسان يتحمل نتيجة خطأه

+11111111111111111111


أنا برضه قلت لأ ....... و كل يوم بتأكد أكتر إن النتيجة الإستفتاء دي حتلبسنا اسود


بس أنا ملتزم تماماً بالنتيجة دي


بس نفسي في نفس الوقت الناس تعرف إن المجلس العسكري أول واحد ضرب بالنتيجة دي عرض الحائط