انطباعى عن الالنترا 2011- بعد 8000 كم النترا

**msalah00** · 21-06-2011 07:10 PM

المشاركة الأصلية كتبت بواسطة SonaSteel

50 لتر .... تانك صغير ؟؟؟ ....... وانا حطيت لحضرتك لينك الاعضاء اللي معاهم صني وعربيات تانية ياباني وغيرها
بس ارجع واقول لحضرتك بتفرق من رجل سواق لرجل سواق اخر ... استأذنك بس تقولنا استهلاكها هي بالذات قد ايه
يعني كام في الصفيحة وظروف السواقة ايه ؟؟ في نفس اللينك ده
http://www.nilemotors.net/Nile/227761-180.html
بس لو اقل من 180 /الصفيحة متكتبوش ... ممكن حضرتك تكتبه هنا
شاكر جدا لمعاليك

شوف حضرتك أنا بتكلم عن تجربتي الشخصية وسواقتي أنا على أكتر من عربية في نفس المشاوير في نفس الجو نفس الوقت .. الصني كانت بتكلفني بنزين اد اللي 1800 و 2000cc مابتكلفني .. ولما اجرت لانسر وكرولا شفت الفرق .. حسبتي اسهل بكتير من اللي حضرتك عايزه أنا دلوقتي بفول تنك السوناتا مرة كل أسبوع وكنت بفول النيسان مرة كل 4 أيام .. واللانسر وكورولا مرة كل أسبوع برده .. عشان تنك السوناتا اكبر فده معوض فرق السي سي .. لكن النيسان تنكها اد تنك اللانسر .. تفسير حضرتك إيه بقى للموضوع ده غير إن العربية استهلاكها عالي!!! .. أنا مقدر دفاعك عن العربية لأني كنت زيك كده بـالظبط قبل ما ابيعها وقبل ما اجرب عربيات تانية من نفس الفئة فترة طويلة بس برده الحق يقال إن لو رجع بيا الوقت تاني عمري ما كنت هشتريها .

**SonaSteel** · 21-06-2011 08:21 PM

يا اخي الكريم... دفاعي ده جيه من مطلق الاشاعات اللي بتطلع والناس بتصدقها... واكتر من 15 عضو كاتبين استهلاكهم في النوضوع ده والعربية بيتعمل من 180 لغاية 320.... وده اكبر دليل ان العربية مش المقياس
لا.. السواقة وظروفها والسواق نفسه
ولو رجع بيا الوقت تاني هاشتريها.... لاني مقتنع تماما انها الاولي بفضل الله في الفئة بتاعتها... ومش كعربية بس
كله... ماتور وعفشة وتوكيل وقطع غيار... حتي لو استهلاك عالي شويه.. بس الحاجات التانية تخليني مستخسرش علشان 30 ولا 40 كم زياده ب 4 جنيه
وفي الاول والاخر نصيب.... واللي بيخليني اتكلم في المواضيع ديه.. ان الصني دلوقتي بتغطي شريحة كبيرة اوي للمستهلك وده هتلاحظوه بالانتشار الرهيب ومعظمهم بيخش يسأل عليها... واول حاجة تقال... غووووول بنزين... وليه علشان بتاكل بتاع 4 ولا 5 لتر زياده.. ومبيحطوش الاعتبارات التانية
وانا لما اتكلمت.. اتكلمت بتجارب الناس.. علشان انا كنت مكان اللي بيسأل واول ما دخلت المنتدي.. سمعت الكلام ره.... ولما ربنا كرمني بيها وبفضل الله سعفتني في مواقف كتيير... واتعاملت مع توكيل كويس جدااااا ... قلت ارد بتجربتي للعربية ككل... وربنا ييسر الخير
واقعدوا بالعافية

**thanks** · 22-06-2011 04:36 PM

فرامل الالنترا عظيمه ومشغل تكييف او لا عليها كفاءه موتور غير عاديه العيب اكيد عندك يا ريس

**chicobon** · 22-06-2011 11:59 PM

[frame="6 60"]تقرير متميز .... ويؤكد كلام ناس كتير عنها إنها عربية متميزة [/frame]...

**mohamed2015** · 23-06-2011 12:15 AM

السيارة زى الفل بس أنا مش معاك فى الثبات العربية دة عوامة جدا و ضبط زوايا و مفيش فايدة بعد 100 لو موتوسكل عدى من جنبى العربية تعوم

**HOSSAM99** · 23-06-2011 04:15 AM

المشاركة الأصلية كتبت بواسطة sonasteel

تؤمرني يا حسام باشا .... انا تحت امرك يا فندم
لا انا ناوي علي المورانو بأمر الله :))) ........ دعواتك انت بس :d

إن شاء الله تكون المورانو من نصيبك بكل خير بإذن الله

**ahmed255741** · 23-06-2011 12:36 PM

المشاركة الأصلية كتبت بواسطة sonasteel

360-380 ....... وعربية 1600 ؟؟
انا لو اعرف كده كنت جيبت الالنترا
دي التيوتا1300 ولا البولو1300 الللي كانت معايا مش بتعملهم
والرقم ده نظري ولا فعلي؟ .... التيدا نفسها معدتش 320 واللي بوجيهاتها بلاتينيوم
الرقم ده غريب انا مش مستريحله نفسيا ... ياريت بجد لو في تجربة او تقرير بالاستهلاك ده
والاخ الكريم اللي عمل 520 في 50 لتر تقريبا ... مهما حسن الظروف هايزيد 100 كم ؟؟؟ يعني من 260 الي 360 ؟؟

بصراحة استهلاك البنزين بسرعه اقل من 100 كم في الساعه اكثر من رائع بس طبعا ع الطريق السريع مش داخل المدينه
ومرة وحيدة حسبتها ع التنك فولت من اليكس وسافرت القاهره وحسبتها ع العداد 220 كم ورجعت فولت التنك خد 8 لتر مع استخدام التكييف والعربيه فيه 5 افراد