الموضوع: الفقراء أولاً ياولاد ال....

المشاركة الأصلية كتبت بواسطة funnymickey

ايا كان المقال المقصود به دس السم في العسل
ولا لا

مش كل اللي كانوا في الثوره ماتوا عشان الثوره
فيه اللي مات عشان كان بيسرق
واللي مات عشان اتهجم عالقسم وقتلوه
وفيه اللي مات وكان ماشي في حاله وخلاص
وفيه اللي مات عشان البلد وحاسس انه خلاص اتخنق

بس في النهايه ايه
ماتوا
ماتوا ليه
عشان فيه غيرهم زي ما قال وائل غنيم ماسك في الكرسي ومتبت فيه
كل الناس دي ماتت ليه
عشان فيه ناس تانيه مش هاين عليها تعيش وتسيب غيرها يعيش
لا
بيسرق كل حاجه واي حاجه وبياخد كل شئ لنفسه
اقسم بالله الناس دي لو اخذوا عهد من ربنا انهم مش حيموتوا وحيعيشوا للابد مش حيسرقوا السرقه دي

محدش يقولي الثوره ماتت وخلاص
الثوره اثبتت ان للصبر حدود
والمره دي الناس مش حتستني 30 سنه تاني
والناس بقي عندها ناس تفتكرها
وممكن يقوموا ب200 ثوره
الناس خلاص عرفت الطريق
وعرفت السكه
مشكلتنا حاجه واحده

نفس مشكله الرماه علي جبل احد
اما افتكروا ان المعركه خلصت ونزلوا يلموا الغنائم

لسه معركتنا مخلصتش
والمفروض مكناش ننزل نلم الغنائم
بس للاسف رمولنا شويه حاجات نزلنا عليها وسبنا الهدف الاساسي
بس ان شاء الله حنفوق
وحنبقي احسن
يارب انصرنا
وولي امورنا خيارنا

بصراحة انا عايز احييك على الكلمتين دول
:)

بس عاوز اعلق على نقطة واحدة

مش كل اللي كانوا في الثوره ماتوا عشان الثوره
فيه اللي مات عشان كان بيسرق
واللي مات عشان اتهجم عالقسم وقتلوه
وفيه اللي مات وكان ماشي في حاله وخلاص

لو صحت شهادة الشاب ده (و تتفق معها شهادة علاء الاسواني) , فالسيناريو اللي بيحصل كان كالآتي
تتجمع مظاهرة في الحي الفلاني استعدادا لأنها تاخد طريقها للتحرير(و ده شفته بعيني) ,
تهاجمها قوات الشرطة بالطريقة اللي هو وصفها دي
الاهالي تتعصب من المنظر و يتلموا و يحصل اللي حصل زي ما بالظبط وصفه الاخ ده و زي ما وصفه علاء الاسواني

لو صح الكلام ده , يبقى اللي اتقتلوا في اقتحام الاقسام شهداء فعلا , او على الاقل مش كلهم بلطجية , و نبقى كالعادة , اتضحك علينا