الموضوع: الفقراء أولاً ياولاد ال....

للأسف لم أحضر جمعة الغضب في القاهرة كما كنت انتوي لاعتقالي وقتها، لكن ابن خالتي حكى لي شهادته عن ما حدث يومها، وبالتأكيد ما شاهده هو نموذج لما تكرر في كل مكان في مصر .. كان قد نزل للتظاهر السلمي المعتاد مع مجموعة محدودة من أصدقاءه، صلوا الجمعة في مسجد السيدة عائشة وبمجرد بدايتهم الهتاف انهالت عليهم قوات الأمن بالضرب وقنابل الغاز والرصاص و.... "وأنا وأصحابي جرينا ندور على حتة نستخبى فيها، والرصاص وقنابل الغاز دخلو بلكونات البيوت فلقينا الناس أهل المنطقة عمالين ييجو وهما بيهتفو (........* أمك .. يا مبارك) (حكومة وسخة .. يا ولاد الوسخة) و ( ولاد الـ ............ .. باطل)، وكل واحد نازل بسنجة ولا بمطوة واللي يطول عسكري أو ظابط يغزه، والستات من البيوت كل واحدة منزلة سبت، كنت فاكرهم بينزلو خل طلعو بينزلو قزايز غاز والعيال تعملها مولتوف وترمي على العربيات والعساكر، مفيش ساعتين تلاتة وكان كل العربيات ولعت والعساكر والظباط هربو والقسم اتحرق!"

صديق آخر من الجيزة حكى لي قصة مشابهة "...قلت أنا لازم أنزل النهاردة أضرَب وأضرِب، لقيت عيال المنطقة نازلين بعد الصلاه فنزلت معاهم طلعو عيال سيس أول ما العساكر يضربوهم وياخدو منهم كام واحد ويضربو قنابل الغاز يرجعو يجرو، شوية ولقيت عيال الطالبية - منطقة شعبية قريبة - جايين قلت بس هما دول .. الواد منهم يضرب الترامادول - أقراص مخدرة - وينط فوق المدرعة يجيب العسكري اللي فيها وينزل بيه! .. شوية وعرفو يسحبو العساكر على المنطقة عندهم وفي ثواني كانو حلقو عليهم من قدام وورا والعيال من فوق السطوح ترمي طوب ومولتوف، مفيش ساعة وكانت الداخلية كلها هربت والظباط قلعو هدومهم قبل ما يجرو ملط

لو صحت شهادة الشاب ده (و تتفق معها شهادة علاء الاسواني) , فالسيناريو اللي بيحصل كان كالآتي
تتجمع مظاهرة في الحي الفلاني استعدادا لأنها تاخد طريقها للتحرير(و ده شفته بعيني) ,
تهاجمها قوات الشرطة بالطريقة اللي هو وصفها دي
الاهالي تتعصب من المنظر و يتلموا و يحصل اللي حصل زي ما بالظبط وصفه الاخ ده و زي ما وصفه علاء الاسواني

تعامل الشرطة مع المتظاهربن ورد المتظاهرين سبب انهيار الشرطة
اغلب اللى كتبت عنها مناطق تتسم بقلة الدخل وانها شعبية
تعامل الشرطة فى الايام العادية هناك بيكون سخيف وفيه عدم ادمية
نسبة كبيرة من اللى تعاركوا مع الشرطة بسبب انتقام منهم او بسبب احتكاك معاهم فى المظاهرات

لو صح الكلام ده , يبقى اللي اتقتلوا في اقتحام الاقسام شهداء فعلا , او على الاقل مش كلهم بلطجية , و نبقى كالعادة , اتضحك علينا

مش كل الاقسام اصلا كان عنده مظاهرات
فيه اقسام دمرت وكانت بعيدة عن المظاهرات

المشاركة الأصلية كتبت بواسطة tamer_a7

المقال دا بيدعم نظريه قويه جدا وكده تبقي صحيحه
وهيه انه كان من اهداف قياده المظاهرات 6 ابريل والمنظمين الدفع بشباب المناطق الشعبيه الي الاشتباك مع الشرطه
من شهادات الاعضاء هنا انا شايف ان هو دا اللي حصل
ويبقي كده فعلا تم تنفيذ اوامر ناس زي عمر عفيفي
كله بيتحدث عن الدفع بشباب المناطق الشعبيه لوجهه المظاهرات
مش عارف الامور مش مترتبه عندي كويس

ما شفتش الفيديو
و اظن الغالبية ما شافتوش الا بعد الثورة
عايز اوجه نظرك لحاجة , ماحدش ضرب الشرطة على ايدها عشان تعتدي على الناس و بالتالي تحصل اشتباكات بينها و بين الأهالي, ده طبعا في الاماكن اللي الاهالي ثاروا على الشرطة لأنهم اعتدوا على المظاهرات

صحيح , لسه حد عنده شك في تعامل الشرطة يوم 28 بعد كل "احنا اسيادهم" اللي قالوها مؤخرا دي ؟