طالما مش غاوي سرعات
الفيرنا كويسة
الاستهلاك عندي بيتراوح من 140 الى 170 في البلد بالتكييف والعربية اوتوماتك
لكن طبعا ما تحاولش تقارن مع الباسات ..... اكيد يبقى ظلم لأنهم فئات سعرية متفاوتة
عرض للطباعة
طالما مش غاوي سرعات
الفيرنا كويسة
الاستهلاك عندي بيتراوح من 140 الى 170 في البلد بالتكييف والعربية اوتوماتك
لكن طبعا ما تحاولش تقارن مع الباسات ..... اكيد يبقى ظلم لأنهم فئات سعرية متفاوتة
النهاردة اخدت عربية بتاعة زميلى فى الشغل عشان اجربها
هى فيرنا 2007 عاملة 122 الف كيلو ............ بس هو مهتم بصيانتها جدا
المهم
رأيى فى العربية
اول مأعدت فى العربية لقيتها مريحة الى حد كبير ووضع القيادة مش مدايقنى
العربية فعلا جراية و موتورها جيد
التكييف جيد جدا ..... بس تكييف الباسات احلى
العفشة جيدة جدا و بالنسبالى لاهى ناشفة اوى ولا طرية اوى
الثبات احسن مما توقعت من كلام الناس عنها 000000 ثبات مناسب جدا بالنسبالى
العيوب
العزل سىء جدا
الكنبة اللى ورا ضيقة
الشنطة مش كبيرة اوى
المواد المستخدمة فى الصالون كان ممكن تبقى احسن من كده
الفرامل محستهاش بالقوة الكافية........... يمكن اقوى شوية من فرامل اللانوس بس تظل مش بالقوة الكافية
طبعا العربيات اللى سوقتها كتير مأثرة على حكمى و منها باسات 99و لانوس 2000 و لانسر 2007
و فى النهاية انا شايفها انسب عربية لمتطلباتى فى الفترة القادمة
و مش مضايقنى غير العزل السىء
و اعتقد مع الوقت و اكيد مع الكاسيت مش هايضيقنى
ممكن بس حد يقولى موديل 2012 بينزل على امتى
و هل ممكن العربية تزيد الف و لا الفين عشان فرق الموديل
جميييييلة جدا وبالنسبة ليا عربية رياضية بجد موتور 1600 16 فالف 2 كامة
بس كدة ..
قطع الغيار متوفرة ورخيصة برة التوكيل
ومش لازم تروح التوكيل من أصله لأن أى ميكانيكى هايبقى فاهم فيها أوي