تحويل مراية 2005 الكهرباء بدون ضم إلى مرايات ضم كهربا مع السنتر... هل ده ممكن ؟؟؟

السلام علكيم يا شباب ..

أنا عربيتي لانسر 2005 .. مراياتها كهربا عادية بدون ضم .. و عندي طقم مرايات 2008 كهربا أصلي .. اللي هو بيكون فيه ضم المراية كهرباء مع السنتر لوك ......
هل ممكن أركب المرايات دي عندي ، و أغير ضفيرة الكهرباء اللي عندي في الباب ، و أركب كمان معاهم بالمرة وحدات رفع ، و يشتغلوا كلهم مع السنتر لوك الطبيعي بتاع العربية .. ؟؟؟؟

لو ده ممكن .... ياريت حد يقولي تفاصيل الشغلانه دي تتعمل إزاي .. و ماكينة الرفع 4 زجاج بتعمل كام لو نوع نضيف .. و هل اللعب في كهربة العربية ده ممكن يأثر سلبيا على اي حاجة تانية أو يعملي مشاكل بعد فترة ؟؟؟؟

القلوب عند بعضها ياباشا ...... كنت عايز اسأل على حاجة شبة كدة
بس انا معايا كريستالة كنت عايز أعمل مرايات كهربا وضم كدة ..... تتكلف كام وأجيبها منين
بالنسبة لوحد الرفع مركبها عندى فى الصينى وفى التيوانى للأربع زجاج ... الصينى بترفع واحد واحد اما التيوانى بترفع الاربعة مع بعض ... بس انا ماعرفتش كدة الى ماجبت الصينى وركبت زعلت قوى ..... بس الكهربائى قالى دة احسن بكتير علشان البطارية ويحافظ عليها فا قولت اقولك علشان ماتعزعلش زى كدة

طيب التايواني في وحدة الرفع بيعمل كام ؟؟

بالنسبة للكريستالة كمان كده أنا مش عارف فيه ليها أصلا مرايات ضم ولا لأ !!! بس أنا معايا مرايات الضم و عايز أركبها مكان المرايات العادية .. و مستيين حد يقولنا على الصح .......

احسن حاجه لوحدات الرفع
تجيب وحدتين لكل 2 زجاج
وتشغل واحده لكل جنب يمين وشمال وليس لقدام وورا

تمام .. موضوع وحدتين ده مفيد لعدم الضغط على البطارية .. هو أنا مش فاهم ليه اليمين لوحده و الشمال لوحده ، و ليه مايكونوش سيان قدام و ورا أو يمين و شمال .. لكن عموما الفكره معتبرة ... كل ده بسيط .... هل ده بقى هيأثر على العربية سلبيا في أيي شيء ... خصوصا لو حبيت أبيع العربية .. هل ده ممكن يقلل منها مش يرفع من سعرها ؟؟؟

اقتباس:

---

المشاركة الأصلية كتبت بواسطة dawns_mist

تمام .. موضوع وحدتين ده مفيد لعدم الضغط على البطارية .. هو أنا مش فاهم ليه اليمين لوحده و الشمال لوحده ، و ليه مايكونوش سيان قدام و ورا أو يمين و شمال .. لكن عموما الفكره معتبرة ... كل ده بسيط .... هل ده بقى هيأثر على العربية سلبيا في أيي شيء ... خصوصا لو حبيت أبيع العربية .. هل ده ممكن يقلل منها مش يرفع من سعرها ؟؟؟

---

هقولك ليه بقي يمين وشمال
علشان انت طول الوقت فاتح الزجاج اللي قدام
فا لما تيجي تقفل متحملش ال 2 علي وحده يبقي عليها كل الجهد والتانيه تبقي يعتبر مش شغاله
لكن انت لما تعمل كل جنب فا ده يخلي كل وحده تشتغل شويه
ومتقلقش مش بيأثر في حاجه

طيب سؤال يا هيما
لو انا ركبت وحدة رفع لكل زجاج,ايه اللي حيحصل؟؟
حيأثر على ايه؟؟؟
مشكور مقدما

هو في مرايات بومة ضم؟؟؟
أنا شفتها كتير في الكريستالة بس عمري ما شفتها في البومة
بالنسبة لوحدة الرفع مفيش منها مشاكل وانا مركبها من ساعة ما جبت العربية

موجودة المرايات الضم للكريستالة وسعرها فى حدود 300-400 بالزرار
بس عشان توصلها على السنتر هتضطر تستغنى عن القفل الاوتوماتيكى للسنتر
عشان لو سيبته شغال اول ما تدوس فرامل هتقفل المرايات
ويفضل تركبها مع الكونتاكت
تقتح الكونتاكت المرايات تفتح
وتقفل تقوم المرايات قافلة

السلام عليكم ورحمة الله وبركاته
يا باشا لو نويت تبيع جوز المرايات الضم انا جاهز اشترى
ابعتلى او كلمنى على 0106510326 عشان نتفق على السعر

انا مركبهم عندي ده الموضوع
http://www.nilemotors.net/Nile/220563-2-4.html

الراجل بيتكلم عن لانسر بومة مش كريستالة

طيب هل ينفع أربكهم و يكون دايرتهم مع الكونتاكت ؟