عايز اركب موتور 1600 بتاع تمبرا في العربية و كنت عايز اعرف ايه سعره و احسن مكان اجيبوه منه
و لو حد ركبه يقول عمل ايه بالظبط و احتاج يغير ايه و ايه الي استخدمه من الموتور القديم
و لو في صور يكون احسن
عرض للطباعة
عايز اركب موتور 1600 بتاع تمبرا في العربية و كنت عايز اعرف ايه سعره و احسن مكان اجيبوه منه
و لو حد ركبه يقول عمل ايه بالظبط و احتاج يغير ايه و ايه الي استخدمه من الموتور القديم
و لو في صور يكون احسن
لو العربية موديل حديث(بعد 1985) بيعها وهات ريجاتا وستحصل على نفس النتيجة اللى انت عايزها من تركيب موتور تيمبرا وبنفس فرق التكاليف تقريبا مع المكسب فى فرق الحجم والبرستيج
لكن تركيب موتور تميبرا فى ال 128 سيجر تغيير 100 حاجة وراه وسيتكلف مصاريف باهظة وفى النهاية النتيجة لن تكون عظيمة لأن شاسيه ال128 هيضرب كل شوية ، ولازم تغير الفتيس بفتيس ريجاتا او تيمبرا ولازم تغير الميزان بتاع ال128 بميزات تانى، والغيارات مش هتكون مظبوط علشان اختلاف العاصاية عن الفتيس،
يعنى هتصرف لك 6 وللا 7 آلاف جنيه تعديلات ومش هتنبسط
لو بعت وحطيت 8 وللا 9 على تمن عربيتك وجبت ريجاتا هتحصل على كل اللى انت عايزه بدون وجع قلب
انا اسمع ان من احسن المواتير ال 1600 لل 128 هية اللانشيا
فعلا راى مضبوط زود واشترى ريجاتا
ايه ياجماعه فيه ايه مش لدرجه 7 الاف جنيه مصاريف تسقيط مش للدرجه دى طبعا........الموتور بالفتيس حوالى 1800 الى 2000 جنيه.......(موتور تمبرا 1600 كربراتير)....طبعا الواحد مش هيسقط موتور غير لما موتوره يكون بالسلامه ودع ومحتاج عمره كامله فبدل مايعمل عمره كامله يجيب موتور استيراد.....ولو كان موتورك سليم فخليك بيه احسن او بيعه بس مش عارف هيجبلك كام بس اكيد مش اقل من 1000 جنيه طبعا.....موضوع الموتور ال 1600 هياثر على العربيه مش كلام واقعى قوى لان موتور التمبرا مش قوى للدرجه الى هتاثر على الشاسيه وعموما الى بياثر على الشاسيه هو الطالعه الخاطئه بالسيارةمن لحظه الثبات ولكن بعد لما العربيه تتحرك بيبقى نسبه الخطورة على الشاسيه قليله......
بمعنى انك لو جيبت الغيارات بطريقه سليمه (دبرياج مع بنزين صح) مش هيبقى فيه مشكله على قواعد الموتور......طيب فى ناس فاكره ان الموتور بيبقى تقيل على الشاسيه والعافشه وده كلام خاطىء لانه تقريبا بيبقى نفس وزن موتور ال 128 الاصلى........(ممكن تركب فتيس ال 128 ال 4 غيار على موتور ال 1600 عادى) بس يستحسن تركيب الفتيس بتاع الموتور طبعا فيه تعديل علشان حوار ال 5 غيار والتعديل معروف (بالكتير قوى 1000 جنيه مصاريف تسقيط).....
الحوار ده يستاهل لو كان موتورك عايز عمره كامله فيستحسن تجيب موتور استيراد هات ريجاتا 1500 او 1600 ريجاتا اوتمبرا كل الكلام ده فى سعر واحد.....على فكره المواتير دى مش قويه ولا حاجه بس هتبقى لذيذه على العربيه 128......
1300 وال 1500 وال 1600 بتوع الريجاتا وال 1400 وال 1600 بتوع التمبرا هما هما موتور ال 128 ال 1100 سى سى بس بيغيرو الكربراتير وبيعدلو فى البساتم والبيلات بمعنى انهم من نفس الاصل الى هو محرك ال 1100 سىسى بتاع ال 128.......
انا بايد الموضوع ده بس فى حالته انك هتعمر موتور العربيه عمره كامله فيستحسن انك تجيب استيراد ولو مش عايز تركب فتيس 5 غيار ركبه على فتيس العربيه الاصلى بتاع ال 128 الى هو 4 غيار......
الموتور بيسقط على طول بدون مشاكل وشكله زى موتور ال 128 بالظبط مش هتعرف تفرقه الى من الكربراتير.............