افضل مركز صيانه معتمد للغبور موضوع تجميعى

**magnifico007** · 24-06-2011 06:45 PM

المشاركة الأصلية كتبت بواسطة tarekabosdera

انا جريت مركز حورس ( مركز معتمد ) في الزمالك . كذا مرة . وده مركز جديد ونظيف بقاله سنة تقريبا

هو ظاهريا كويس . والمعاملة كويسة والاسعار زي التوكيل تقريبا

بس برضه ببقى قلقان عشان مببقاش شايف العربية وهي في الصيانة ...

شكرا على إهتمامك وردك يا أستاذ طارق.

طب ياترى فين مكانه وأوصله إزاى لو جاى من المهندسين ونازل على 26 يوليو فى الزمالك.

**tarekabosdera** · 24-06-2011 08:04 PM

المشاركة الأصلية كتبت بواسطة magnifico007

شكرا على إهتمامك وردك يا أستاذ طارق.

طب ياترى فين مكانه وأوصله إزاى لو جاى من المهندسين ونازل على 26 يوليو فى الزمالك.

:e_braces[1]:

لو جاي من المهندسين

هتطلع كوبري 15 مايو (26 يوليو ) وتنزل نزلة الزمالك ( طوالي ) مش النزلة الموازية للكورنيش
بحيث لما تنزل هتبقة ماشي تحت الكوبري .
او ما تنزل النزلة ده . عدي اول اشارة وكمل علطول .. تاني اشارة اعمل يوتيرن هتلاقي بنزينة مصر على ايدك اليمين خد اول يمين بعد البنزينة مباشرة . وخلي بالك الشارع صغير جدا او (الحارة ) متفوتهاش

مواعيد العمل . يوميا 8ص - 8 بالليل او 9

**magnifico007** · 24-06-2011 09:02 PM

المشاركة الأصلية كتبت بواسطة tarekabosdera

لو جاي من المهندسين

هتطلع كوبري 15 مايو (26 يوليو ) وتنزل نزلة الزمالك ( طوالي ) مش النزلة الموازية للكورنيش
بحيث لما تنزل هتبقة ماشي تحت الكوبري .
او ما تنزل النزلة ده . عدي اول اشارة وكمل علطول .. تاني اشارة اعمل يوتيرن هتلاقي بنزينة مصر على ايدك اليمين خد اول يمين بعد البنزينة مباشرة . وخلي بالك الشارع صغير جدا او (الحارة ) متفوتهاش

مواعيد العمل . يوميا 8ص - 8 بالليل او 9

ممتاز. شكرا يا فندم

أنا عارف البنزينة بس ما بخدش بالى من الشارع الضيق بعدها. نركز المرة دى

**Kareem.ElAraby** · 04-07-2011 07:14 PM

قليوب أحسن من أبو رواش

**midoibrahim** · 12-07-2011 04:30 AM

m3lesh ya gma3a momken a3raf markaz ykon 2orayeb lel tgamo3 w el 3enwan bta3o belzabl 3lshan fe 3rbya 3ayez akshef 3leha bokra darore

**jotime** · 12-07-2011 04:41 AM

اخى الكريم بلاش استعجال فى صيانة العربية يعنى اذا قعدو نصف ساعة هتقول كروتو الشغل ومشونى ولو قعدو 4 ساعات تقول الوقت طويل وملل طبعا ده كلام مش تمام بالمرة فارجو من حضرتك الهدوء والتريث لان الفنيين دول مش بيهزرو دول بيشتغلو بيهندسو فى حاجة انتا بتركبها بتروح بيها الشغل وتسافر بيها فلازم ياخدو وقتهم فى الصيانة بتاعتها وكمان زى ماقال اخونا الكريم المراكز كتير لكن الثقة هى الى بتفرق وزى ماقولتلك بلاش استعجال وربنا معاااك

**Mohatfhd** · 12-07-2011 06:10 PM

فيه مركز بعد محطة مترو الزهراء تحت الدائرى(أثر النبى) ...انا جربتة فى حاجة بسيطة , حد عندة فكرة عن المركز دة

**ismail911** · 18-07-2011 02:27 PM

بص انا لا أعرف غير مركز برقان أنترناشونال بس ده فى شارع العريش بالهرم هو كويس جدا بدون حجز - تقدر تكلم المهندس المسؤول بسهولة - الصيانة لا تسغرق ساعة أو ساعة ونصف بالكتير - بس أسعاره مثل غبور تماما و ده تليفونه39766080 - 39766020

**3zzoz** · 08-09-2015 10:33 PM

السلام عليكم اعضاء المنتدي الكرام
عندي سؤال مهم ارجو انكم تساعدوني فيه
انا معايا سيارة هيونداي ار بي وداخل علي صيانة ال 70000
وياريت تساعدوني في اختيار مركز صيانة معتمد محترم ويكون ثقة وخصوصا اليومين دول لأني لاحظت ان آخر مشاركة بقالها كتيييير والمراكز دي كل فترة بحال ... وياسلام لو مركز اقدر اشوف السيارة امامي أثناء الصيانة.
وشكرا ليكوا علي المساعدة مقدما...عضو جديد بقي وداخل علي طمع