افضل مركز صيانه معتمد للغبور موضوع تجميعى

عايزن نعرف ايه افضل مركز صيانه معتمد لغبور اعمل فى الصيانه الدوريه ويكون مركز كويس وفيه فنين على مستوى عالى من الخبره
انا ليه تجربه ما ابو رواش

المكان كويس وكبير وفيه استراحه كويسه جدا
بس عيبوبه كتير اوى
العربيه بتاخد وقت طويل جدا جدا فى الصيانه يعنى بقعد اقل حاجه 4 ساعات ملل يعنى
تانى حاجه المهندسين فى حته والعربيه فى حته ومش بعرف اعمل كونكت مع اى حد خالص بخصوص العربيه
وقت الاستلام بيسلمونى العربيه فى وقت انتهاء العمل يعنى لو فيه حاجه من اللى قولت عليها متعملتش هتلبس انت الليله بقى
اخر حاجه طبعا بعد المكان يعنى انا ساكن فى مدينه نصر علشان اروح لهناك فده سفر وزحمه محور يعنى يوم كامل علشان اعمل صيانه للعربيه
فكنت عايز اعرف مركز يكون كويس ومعتمد اعمل فيه الصيانات

مركز تكنو وان
رائع بكل ما تعنيه الكلمة وأفضل من غبور نفسه
وكمان هتستفيد بعرض نايل موتورز 20% خصم على المصنعيات وبتاخد خصومات على قطع الغيار كمان
دا عن تجربة شخصية وعملت فيه صيانة ال 20000 كم وان شاء الله هحجز عشان اعمل صيانة ال 25000 كم يوم الخميس الجاي ان شاء الله

اقتباس:

---

المشاركة الأصلية كتبت بواسطة ashraf_ibrahim

مركز تكنو وان
رائع بكل ما تعنيه الكلمة وأفضل من غبور نفسه
وكمان هتستفيد بعرض نايل موتورز 20% خصم على المصنعيات وبتاخد خصومات على قطع الغيار كمان
دا عن تجربة شخصية وعملت فيه صيانة ال 20000 كم وان شاء الله هحجز عشان اعمل صيانة ال 25000 كم يوم الخميس الجاي ان شاء الله

---

+11111111111

ومودرن سيرفيس

ياجماعه حد يعرف حاجه عن مركز at auto "مركز خدمه هيونداى القطاميه

مكانه قرب مخرج 9 فى الدائرى "مخرج القطاميه

يارب حد يرد عليا المره دى

المراكز كتير ... بس الثقة مش موجودة خالص .....

اقتباس:

---

المشاركة الأصلية كتبت بواسطة ashraf_ibrahim

مركز تكنو وان
رائع بكل ما تعنيه الكلمة وأفضل من غبور نفسه
وكمان هتستفيد بعرض نايل موتورز 20% خصم على المصنعيات وبتاخد خصومات على قطع الغيار كمان
دا عن تجربة شخصية وعملت فيه صيانة ال 20000 كم وان شاء الله هحجز عشان اعمل صيانة ال 25000 كم يوم الخميس الجاي ان شاء الله

---

بالضبط انا روحت المركز دا في صيانة ال5000 وكان كويس جدا ...ان شاء الله هروحله الصيانه الجايه

ولا رد حتى الان

نفسي افيدك بس معرفش عنه حاجة !

ابو غالى العبور ممتاز عملت صيانة ال 1000 كم وبعد يومين اتصلوا بيا لو عندى شكوى من الصيانة وسالوا عن حالة العربية

لأهالي الصعيد
الشركة العالمية لصيانة السيارات - توكيل معتمد لهيونداي
سوهاج - حي الكوثر

بصراحة المكان كبير ومتابعه وانجاز وتستلم العربية اول ما تخلص
وقطع الغيار متوافرة

مفيش حاجة فى الهرم ؟

اقتباس:

---

المشاركة الأصلية كتبت بواسطة ashraf_ibrahim

مركز تكنو وان
رائع بكل ما تعنيه الكلمة وأفضل من غبور نفسه
وكمان هتستفيد بعرض نايل موتورز 20% خصم على المصنعيات وبتاخد خصومات على قطع الغيار كمان
دا عن تجربة شخصية وعملت فيه صيانة ال 20000 كم وان شاء الله هحجز عشان اعمل صيانة ال 25000 كم يوم الخميس الجاي ان شاء الله

---

فين مكانه لو سمحت مركز تكنو وان و هل بلحجز ولا اروحلهم في اي وقت ؟ :b4_611:

انا داخل على صيانة ال60 ولسه ماعرفش مركز محترم
ده عيب هيونداي للأسف

طيب عايزين المراكز بالعناوين و تكلفة الصيانه و مدي توافر قطع الغيار يعني تجربه حضراتكم كامله

اقتباس:

---

المشاركة الأصلية كتبت بواسطة chicobon

فين مكانه لو سمحت مركز تكنو وان و هل بلحجز ولا اروحلهم في اي وقت ؟ :b4_611:

---

تكنو وان في مدينة السلام
حضرتك لو جاي من ناحية موقف العاشر باتجاه الاسكندرية الزراعي هتنزل اول نزلة تقابلك -نزلة السلام-
وبعد ما تنزل هتاخد شمال تعدي من تحت الدائري في اول يمين هتلاقي مركز تكنو وان على ايدك الشمال

تقدر تروح بدون حجز وتقدر تحجز طبعا
لو محجزتش هيستلموا منك العربية عادي جدا لا تقلق مش هيعملوا زي التوكيل ويقلك استنى دورك وكدة
وناس رائعة بحق الكلمة !

ياترى إيه أقرب مركز محترم للمهندسين.محتاج أعمل صيانة 5000 للإلنترا. أبو رواش مش بعيد لكن مش عاوز أكرر تجربة صيانة 1000 والإنتظار يوم كامل فى حاجات بسيطة.

شكرا للنصيحة.

:satelite:

متابع باهتمام ...ياريت اللي يعرف مركز قريب من المعادي ويكون جربه يقول عليه

متابع

اقتباس:

---

المشاركة الأصلية كتبت بواسطة magnifico007

ياترى إيه أقرب مركز محترم للمهندسين.محتاج أعمل صيانة 5000 للإلنترا. أبو رواش مش بعيد لكن مش عاوز أكرر تجربة صيانة 1000 والإنتظار يوم كامل فى حاجات بسيطة.

شكرا للنصيحة.

:satelite:

---

ايه يا جماعة هو مفيش حد جرب مراكز معتمدة لهيونداى قريب من المهندسين أو الدقى أو الزمالك وينصح بيه.

متابع

اقتباس:

---

المشاركة الأصلية كتبت بواسطة magnifico007

ايه يا جماعة هو مفيش حد جرب مراكز معتمدة لهيونداى قريب من المهندسين أو الدقى أو الزمالك وينصح بيه.

متابع

---

انا جريت مركز حورس ( مركز معتمد ) في الزمالك . كذا مرة . وده مركز جديد ونظيف بقاله سنة تقريبا

هو ظاهريا كويس . والمعاملة كويسة والاسعار زي التوكيل تقريبا

بس برضه ببقى قلقان عشان مببقاش شايف العربية وهي في الصيانة ...

اقتباس:

---

المشاركة الأصلية كتبت بواسطة tarekabosdera

انا جريت مركز حورس ( مركز معتمد ) في الزمالك . كذا مرة . وده مركز جديد ونظيف بقاله سنة تقريبا

هو ظاهريا كويس . والمعاملة كويسة والاسعار زي التوكيل تقريبا

بس برضه ببقى قلقان عشان مببقاش شايف العربية وهي في الصيانة ...

---

شكرا على إهتمامك وردك يا أستاذ طارق.

طب ياترى فين مكانه وأوصله إزاى لو جاى من المهندسين ونازل على 26 يوليو فى الزمالك.

:E_braces[1]:

اقتباس:

---

المشاركة الأصلية كتبت بواسطة magnifico007

شكرا على إهتمامك وردك يا أستاذ طارق.

طب ياترى فين مكانه وأوصله إزاى لو جاى من المهندسين ونازل على 26 يوليو فى الزمالك.

:e_braces[1]:

---

لو جاي من المهندسين

هتطلع كوبري 15 مايو (26 يوليو ) وتنزل نزلة الزمالك ( طوالي ) مش النزلة الموازية للكورنيش
بحيث لما تنزل هتبقة ماشي تحت الكوبري .
او ما تنزل النزلة ده . عدي اول اشارة وكمل علطول .. تاني اشارة اعمل يوتيرن هتلاقي بنزينة مصر على ايدك اليمين خد اول يمين بعد البنزينة مباشرة . وخلي بالك الشارع صغير جدا او (الحارة ) متفوتهاش

مواعيد العمل . يوميا 8ص - 8 بالليل او 9

اقتباس:

---

المشاركة الأصلية كتبت بواسطة tarekabosdera

لو جاي من المهندسين

هتطلع كوبري 15 مايو (26 يوليو ) وتنزل نزلة الزمالك ( طوالي ) مش النزلة الموازية للكورنيش
بحيث لما تنزل هتبقة ماشي تحت الكوبري .
او ما تنزل النزلة ده . عدي اول اشارة وكمل علطول .. تاني اشارة اعمل يوتيرن هتلاقي بنزينة مصر على ايدك اليمين خد اول يمين بعد البنزينة مباشرة . وخلي بالك الشارع صغير جدا او (الحارة ) متفوتهاش

مواعيد العمل . يوميا 8ص - 8 بالليل او 9

---

ممتاز. شكرا يا فندم :16:

أنا عارف البنزينة بس ما بخدش بالى من الشارع الضيق بعدها. نركز المرة دى :grin54:

قليوب أحسن من أبو رواش

m3lesh ya gma3a momken a3raf markaz ykon 2orayeb lel tgamo3 w el 3enwan bta3o belzabl 3lshan fe 3rbya 3ayez akshef 3leha bokra darore

اخى الكريم بلاش استعجال فى صيانة العربية يعنى اذا قعدو نصف ساعة هتقول كروتو الشغل ومشونى ولو قعدو 4 ساعات تقول الوقت طويل وملل طبعا ده كلام مش تمام بالمرة فارجو من حضرتك الهدوء والتريث لان الفنيين دول مش بيهزرو دول بيشتغلو بيهندسو فى حاجة انتا بتركبها بتروح بيها الشغل وتسافر بيها فلازم ياخدو وقتهم فى الصيانة بتاعتها وكمان زى ماقال اخونا الكريم المراكز كتير لكن الثقة هى الى بتفرق وزى ماقولتلك بلاش استعجال وربنا معاااك

فيه مركز بعد محطة مترو الزهراء تحت الدائرى(أثر النبى) ...انا جربتة فى حاجة بسيطة , حد عندة فكرة عن المركز دة

بص انا لا أعرف غير مركز برقان أنترناشونال بس ده فى شارع العريش بالهرم هو كويس جدا بدون حجز - تقدر تكلم المهندس المسؤول بسهولة - الصيانة لا تسغرق ساعة أو ساعة ونصف بالكتير - بس أسعاره مثل غبور تماما و ده تليفونه39766080 - 39766020

السلام عليكم اعضاء المنتدي الكرام
عندي سؤال مهم ارجو انكم تساعدوني فيه
انا معايا سيارة هيونداي ار بي وداخل علي صيانة ال 70000
وياريت تساعدوني في اختيار مركز صيانة معتمد محترم ويكون ثقة وخصوصا اليومين دول لأني لاحظت ان آخر مشاركة بقالها كتيييير والمراكز دي كل فترة بحال ... وياسلام لو مركز اقدر اشوف السيارة امامي أثناء الصيانة.
وشكرا ليكوا علي المساعدة مقدما...عضو جديد بقي وداخل علي طمع :top_posters: