نجاح او فشل عمل طقم الشنبر بيعتمد على حاجات كتيرة اولها توفيق ربنا
ثانيا الخامة اللى انت هاتشتريها
ثالثا شمايز الموتور هل فيها عتب ....هل فيها بيضاوى وتجريح ام سليمة تماما
رباعا الحالة العامة للموتور
خامسا مدى مهارة الصنايعى وقدرتك على تليين الموتور
هانفترض ان ربنا وفقك ولقيت صنايعى شاطر والشمايز بتعتك سليمة وخالية من كل العيوب المذكورة يبقى ادام حضرتك الاتى
تعتمد على الله وتحل الوش وهو بارد تماما وتودية عند خراط محترم وانصجك بالزهار اللى فى المنطقة الصناعية بشارع جسر السويس ادام الشبراوى عندة مكن حديث ومعظمة plc
هايعمل اية الخراط هايفك الصبابات ويطمن انها كويسة والدلايل بتعتها كويسة ويغير اويلسيلات الصبابات ( جلد صباب ) ويطمن على استقامة الصبابات نفسها ويعمل رودية لقاعدة الصباب ودة مصلحة ليك عشان كبس الموتور يبقى تمام
نرجع بقى للميكانيكى اول حاجة ومهمة جداااااااااااااااااا يطمن على الشمايز ان مفهاش عتب
الميكانيكى كدة كدة حالل الكرتيرة عشان يحل البيلات فيكشف على الكرنك هل فية تاكل للسبيكة ولا لا
هاتروح حضرتك تشترى طقم شنبر وبما انك كورى يبقى الشرقاوى فى جسر السويس وما تنساش تجيب طقم جوانات معاك
بامر الله الميكانيكى يقفل الشنبر وتكون جبت الوش من عند الخراط واهم حاجة تغير كول الاويل سيلات المتوفرة للميكانيكى تغيرها زى مثلا اويل سيل الخلفى بتاع الكرنك
تجيب جركن زيت يمتاز بلزوجة خفيفة زى مثلا كالتكس 1000 كم بـ 47 جنية
وتدور العربية والميكانيكى بيشطب شغلة بليل يعنى وحضرتك تسهر جنب منها فاتح غطا الردياتير وتزود مية كل عشر دقايق لغاية الصبح ما يطلع وتبطل العربية وتكرر ما تمك تانى يوم باليل لغاية اما تحرق صفيحة بنزين
تتكل على الله الساعة واحدة بليل تمشى بالعربية لغاية الاسماعيلية مثلا على سرعة لا تتعدى الـ 60 كم
ترجع تغير زيت وفلتر
وبعد اما تمشى بالعربية مسافة 1000كم ترجع للميكانيكى يظبلط العربية تانى تقريط على وش السلندر
وبعدها تمشى زى من انتعاوز
وربنا يكرمك بامر الله
المفضلات