يرضي مين الحال ده؟؟؟

**wael17** · 18-06-2011 04:42 PM

انا كنت طبيب امتياز سنة 2003 و كنا بناخد في الوقت ده 150 جنيه...بس طبعا 150 جنيه سنة 2003 أحسن من 240 دلوقتي

واضح من كلامك انك مش هاتتعين في الجامعة و بالتالي امامك سكتين
1- بعد انتهاء التعيين يتم تعيينك عن طريق وزارة الصحة و بيبقي في زي تنسيق ممكن تتعين في مستشفيات داخل القاهرة و ممكن تروح وحدات صحية في اماكن نائية....اللي لازم تعرفه انك مش هتلاقي شغل كويس غير لو عملت ماجيستير (لازم تبقي اخصائي عشان تعرف تشتغل)....هاتسجل ماجيستير في القصر العيني او عين شمس او اي جامعة حسب مكان اقامتك و طبعا الحكاية دي هتاخد منك علي الاقل 5 سنين و بعد كده هتلاقي شغل معقول....انت لسه امتياز و طبعا لازم تختار التخصص بتاعك كويس....يعني في تخصصات مش هاتأكلك عيش خالص....و في تخصاصات هتأكلك عيش و انت عندك 40 سنة و في تخصاصات هاتجيبلك دخل معقول و انت لسه صغير....يعني ما تروحش تتخصص جراحة مخ و اعصاب الا اذا كنت مرتاح ماديا و اهلك هايساعدوك عشان تاخد ماجستير و كمان دكتوراه و ده محتاج 10-15 سنة...لان مفيش عيان هايجيلك و يسيبك تعمله عملية في المخ من غير ما يكون معاك دكتوراه علي الاقل....بعكس تخصص زي النساء و الولادة...ممكن ممارس عام يفتح عيادة في منطقة شعبية و يكسب كويس....الناس مش هاتبطل خلفة و مش محتاجة استشاري عشان واحدة ست تولد...أكيد انت و زمايلك بتتكلموا مع اللي أكبر منكم و عارفين الكلام ده كويس...يعني اختيار التخصص مهم جدا في تحديد شكل مستقبلك

2- السكة التانية انك تبدأ في عمل معادلة او زمالة و انت و شطارتك و ممكن في سنتين او تلاته يبقي معاك شهادة معترف بيها في امريكا او انجلترا و احسن من الدكتوراه المصرية بس برده محتاج دعم مالي من الاهل لزوم الامتحانات و الكتب و السفر...و ما تسمعش كلام الناس اللي بتقولك امريكا و انجلترا مش عايزين دكاترة زي زمان...في اماكن كتير محتاجة دكاترة يعني في بعض الاماكن في كندا بتبقي بعيدة شوية في الشمال و طبعا جوها بارد جدا بس فيها نقص شديد في الدكاترة....استراليا برده محتاجة...و علي فكرة مش لازم لما تاخد شهادة اجنبية تشتغل بيها في امريكا و اوروبا...ممكن تلاقي بها شغل كويس في الخليج لانهم بيقدروا الشهادات دي و ممكن تاخد راتب احسن من اللي معاه دكتوراه مصرية لانهم في الخليج عارفين نظام الكوسة اللي عندنا في الجامعات و فاهمين ان مش كل واحد معاه دكتوراه يبقي دكنور شاطر

كلمة اخيرة...ما تقلقش علي مستقبلك...كلنا مرنا بالفترة دي و المستقبل كان ضباب قدمنا بس في الاخر الرزق بتاع ربنا و ان شاء الله لكل مجتهد نصيب

**nevozaky** · 18-06-2011 05:01 PM

المشاركة الأصلية كتبت بواسطة maserati

السلام عليكم و رحمة الله و بركاته

بص يا أخى العزيز, أنا على حسب مافهمت من كلامك, أنك لسه سنك صغير بدليل أنك طبيب امتياز و القرار و الpathway اللى أنت هتتبعه دلوقتى, هو اللى هيحدد حياتك الجااااااااااااااية كووووووووووولها هيكون شكلها ايه كطبيب.

أنا من رأيى أنك -لو كانت الأمور المادية معاك متيسرة بعض الشئ- أنك تبدأ تذاكر أى معادلة, بتاع أميركا و لا كندا و لا استراليا, بحيث, أنك على ماتخلص الامتياز و تمرمطلك شوية هنا سواء فى الجامعة و لا فى الصحة, تكون خلصتها و يكون ان شاء الله, ليك مكان كويس كطبيب مبتدئ فى دولة من دول, مع الأخذ فى الاعتبار -و أنت سيد العارفين- أن الطريق مش مفروش بالورود, لكن أديك شوفت الوضع هنا عامل ازاى و لو سألت, آلاف من شباب الأطباء هيحكولك على حاجات يندى لها الجبين خجلا, لكن لو ذاكرت المعادلة و ربنا يسرلك و كملت حياتك كطبيب بره فى بلد من دول, أنت عارف هتبقى عيشتك شكلها ايه و وضعك عامل ازاى و أكيد الفرق كبير جداااااااااااا و بالتالى , الفرق ده أنت لازم تدفع قصاده فلوس و مجهود و تعب.

أنت لسه فى أول الطريق و أمامك الاختيارين واضحين وضوح الشمس و أنت عليك أنك تستخير ربنا -سبحانه و تعالى- و تختار, بس خلى بالك, اذا فضلت أنك تفضل فى مصر و رضيت بالوضع بتاع مصر, اياك, أنك تيجى بعد 7 - 8 سنين و تلعن اليوم اللى بقيت فيه طبيب فى مصر و تشتكى, لأن, تذكر دائما, أنك و أنت فى أول الطريق (دلوقتى يعنى), كانت أودامك الفرصة أنك تغير كووووووووووووووووووول القرف ده و أنت اللى ماعملتش.

شكرا و آسف للاطالة و ربنا يوفقك.

احيى راْى حضرتك الصحيح والعملى جدا والواقعى .
لا ن فعلا هوه ده الحل اللى حضرتك قلت عليه بالطريقة السليمة والصح.
بس المساْلة محتاجة تعب ومجهود شويتين .
بس مش مهم التعب المهم نوصل للى احنا عاوزينه .
وعامة هون على نفسك يا دكتور hm_414 .وربنا يوفقك ان شاء الله

**dr.hazem** · 18-06-2011 05:41 PM

المشاركة الأصلية كتبت بواسطة wael17

انا كنت طبيب امتياز سنة 2003 و كنا بناخد في الوقت ده 150 جنيه...بس طبعا 150 جنيه سنة 2003 أحسن من 240 دلوقتي

واضح من كلامك انك مش هاتتعين في الجامعة و بالتالي امامك سكتين
1- بعد انتهاء التعيين يتم تعيينك عن طريق وزارة الصحة و بيبقي في زي تنسيق ممكن تتعين في مستشفيات داخل القاهرة و ممكن تروح وحدات صحية في اماكن نائية....اللي لازم تعرفه انك مش هتلاقي شغل كويس غير لو عملت ماجيستير (لازم تبقي اخصائي عشان تعرف تشتغل)....هاتسجل ماجيستير في القصر العيني او عين شمس او اي جامعة حسب مكان اقامتك و طبعا الحكاية دي هتاخد منك علي الاقل 5 سنين و بعد كده هتلاقي شغل معقول....انت لسه امتياز و طبعا لازم تختار التخصص بتاعك كويس....يعني في تخصصات مش هاتأكلك عيش خالص....و في تخصاصات هتأكلك عيش و انت عندك 40 سنة و في تخصاصات هاتجيبلك دخل معقول و انت لسه صغير....يعني ما تروحش تتخصص جراحة مخ و اعصاب الا اذا كنت مرتاح ماديا و اهلك هايساعدوك عشان تاخد ماجستير و كمان دكتوراه و ده محتاج 10-15 سنة...لان مفيش عيان هايجيلك و يسيبك تعمله عملية في المخ من غير ما يكون معاك دكتوراه علي الاقل....بعكس تخصص زي النساء و الولادة...ممكن ممارس عام يفتح عيادة في منطقة شعبية و يكسب كويس....الناس مش هاتبطل خلفة و مش محتاجة استشاري عشان واحدة ست تولد...أكيد انت و زمايلك بتتكلموا مع اللي أكبر منكم و عارفين الكلام ده كويس...يعني اختيار التخصص مهم جدا في تحديد شكل مستقبلك

2- السكة التانية انك تبدأ في عمل معادلة او زمالة و انت و شطارتك و ممكن في سنتين او تلاته يبقي معاك شهادة معترف بيها في امريكا او انجلترا و احسن من الدكتوراه المصرية بس برده محتاج دعم مالي من الاهل لزوم الامتحانات و الكتب و السفر...و ما تسمعش كلام الناس اللي بتقولك امريكا و انجلترا مش عايزين دكاترة زي زمان...في اماكن كتير محتاجة دكاترة يعني في بعض الاماكن في كندا بتبقي بعيدة شوية في الشمال و طبعا جوها بارد جدا بس فيها نقص شديد في الدكاترة....استراليا برده محتاجة...و علي فكرة مش لازم لما تاخد شهادة اجنبية تشتغل بيها في امريكا و اوروبا...ممكن تلاقي بها شغل كويس في الخليج لانهم بيقدروا الشهادات دي و ممكن تاخد راتب احسن من اللي معاه دكتوراه مصرية لانهم في الخليج عارفين نظام الكوسة اللي عندنا في الجامعات و فاهمين ان مش كل واحد معاه دكتوراه يبقي دكنور شاطر

كلمة اخيرة...ما تقلقش علي مستقبلك...كلنا مرنا بالفترة دي و المستقبل كان ضباب قدمنا بس في الاخر الرزق بتاع ربنا و ان شاء الله لكل مجتهد نصيب

كلامك هون عليا كتير ياعزيزي
موضوع اختيار التخصص معقدني حبتين لكن ربنا ييسر الاحوال ان شاء الله
وان شاء الله الضباب ينقشع وكله يبان
كنت بفكر اني اشتغللي سنتين بعد ما اخلص في احد دول الخليج لكن واضح ان السكه دي مش سهله خالص

الله يعين

تحياتي للجميع

**د.أحمد السعيد** · 18-06-2011 09:41 PM

ربنا يعينك يا حزوم و لازم تتعلم كويس فى السنه دى بأى طريقة
و ان متعلمتش فى اللى ناوى تتخصص فيه فعلى الاقل لازم تجيد الممارسه العامة كويس علشان لو تعرضت لموقف يخص أحد اقربائك او جيرانك .......

و انا كنت امتياز فى 2004 و الحال كان كذلك و لكن من يريد التعلم و يصر عليه ربنا بيفتح له الطرق المغلقة ....

حاول تعرف انت ناوى على تخصص ايه و ركز قوى فيه و تعرف على نواب القسم و اشتغل معاهم تطوعا بصورة وديه و تعرف على المدرسين و احضر معاهم عيادتهم ....

و انا فى الامتياز كان همى الاول هو التعليم و مابقى من الوقت اشتغلت فيه private نوبتجيات طوارى يوم او اتنين فى الاسبوع كان مرتبنا حوالى 160 جنيه و كنت بشتغل private بحوالى 300 مثلا ... فى حين ان كثير من اصحابى كان بيقفل ال 1000 و مطنش العلام و الحضور خالص

لا تيأس و المستقبل مش ظلمه قوى بس حاول تعرف ان الوقت اللى انت فيه هو وقت التعلم ....

و اهم حاجة انك تحدد هتتخصص فى ايه و تاخد خبرة الجامعة على الاقل فىالتخصص دا .....

ربنا يوفقك

**ahmedsamir5edr** · 18-06-2011 09:58 PM

المناقشه ممتعه لأبعد الحدود

**ahmedsamir5edr** · 18-06-2011 09:59 PM

بالمناسبه انا سنه 5

**MASERATI** · 18-06-2011 10:56 PM

السلام عليكم و رحمة الله و بركاته

بص, لو سيادتك, أنت أو أى طبيب خريج جديد, ماتفرقش معا التخصص, يعنى مانتش ميال ناحية تخصص معين, اختار الحاجة اللى هى Low risk زى الأشعة و الClinical pathology لأنها من الحاجات اللى بتجيب فلوس كتير و بسرعة و مافيهاش مخاطرة عالية للعلاقة بالمرضى, زى أطباء الباطنة و الجراحات و التخدير و غيرهم.

أنا تخصصى Vascular surgery و لأنى مخلص اجراءات هجرة لكندا و لو كان تخصصى أشعة, كنت -عالأقل- قدرت أول ما أروح كندا أنى أشتغل Ultrasound technician, على الأقل لحد ما أخلص المعادلة و شوف هعمل ايه بعد كده.

أما بأه لو أنت ميال لتخصص معين, خلاص, يبقى ربنا يكرمك و يوفقك.

بص, اللى أنا عاوز أوصلهولك, اوعى تحرق جاز عالفاضى هنا فى مصر, أنت لو ربنا يسر و اخترت الطريق اللى بقولك عليه و عملت اللى عليك و تعبت, هتلاقى الدنيا بالنسبة ليك كطبيب, بقى ليها شكل تانى خاااااااااااالص.