يرضي مين الحال ده؟؟؟

**أحمد الجندى** · 19-06-2011 12:40 AM

أنا أول ما اتخرجت اشتغلت سنة ونص ببلاش علشان خاطر الخبرة وساعات كنت باخد 100 جنيه كل شهرين أو تلاتة كده ولا حاجة لو عملت حاجة كويسة !!! واعرف واحد قريبى أول ما اتخرج من كلية الحقوق اشتغل فى مكتب محامى كان بيديله 150 جنيه وبيلففه محاكم الجمهورية كلها فاحمد ربنا على اللى انت فيه.

بالنسبة للشغل فى الحكومة لما ربنا كرمنى وفات عليا بتاع 7 سنين خبرة فى شغلى وجاتلى فرصة فى الحكومة لقيت الناس كلها بتقولى اياك تسيبها ودى جامدة اخر حاجة ومرتبات تظبيط وفكر جديد واستقرار وكلام من ده روحت هناك والحمد لله ال 9 شهور اللى قعدتها فى الحكومة بقيت بستلف علشان اصرف على البيت !! وكان الفرق بينى وبين اللى شغال فى البوفيه 300 جنيه ، وده مش استقلال بمهنة ولا حاجة بس بوريك الغباوة اللى الواحد شافها فى الحكومة

**ahmedsamir5edr** · 19-06-2011 03:56 PM

السلام عليكم و رحمة الله و بركاته

بص, لو سيادتك, أنت أو أى طبيب خريج جديد, ماتفرقش معا التخصص, يعنى مانتش ميال ناحية تخصص معين, اختار الحاجة اللى هى Low risk زى الأشعة و الClinical pathology لأنها من الحاجات اللى بتجيب فلوس كتير و بسرعة و مافيهاش مخاطرة عالية للعلاقة بالمرضى, زى أطباء الباطنة و الجراحات و التخدير و غيرهم.

أنا تخصصى Vascular surgery و لأنى مخلص اجراءات هجرة لكندا و لو كان تخصصى أشعة, كنت -عالأقل- قدرت أول ما أروح كندا أنى أشتغل Ultrasound technician, على الأقل لحد ما أخلص المعادلة و شوف هعمل ايه بعد كده.

أما بأه لو أنت ميال لتخصص معين, خلاص, يبقى ربنا يكرمك و يوفقك.

بص, اللى أنا عاوز أوصلهولك, اوعى تحرق جاز عالفاضى هنا فى مصر, أنت لو ربنا يسر و اخترت الطريق اللى بقولك عليه و عملت اللى عليك و تعبت, هتلاقى الدنيا بالنسبة ليك كطبيب, بقى ليها شكل تانى خاااااااااااالص.

ربنا يوفقك يا دكتور و يكرمك .. أنت انسان محترم و انا متابع مشاركاتك كلها علي فكره

لو سمحت عندي سؤال .. هي الهجره لكندا Undergraduate بعد المعادله .. سهله الاجراءات و لا لأ ؟؟

و هل تخصص الباطنه مثلا متاح هناك ؟؟

و هل حضرتك هتسافر في تخصصك ك resident من الأول ؟؟ و لا بوضعك الحالي ؟؟

**MASERATI** · 19-06-2011 07:19 PM

المشاركة الأصلية كتبت بواسطة ahmedsamir5edr

ربنا يوفقك يا دكتور و يكرمك .. أنت انسان محترم و انا متابع مشاركاتك كلها علي فكره

لو سمحت عندي سؤال .. هي الهجره لكندا Undergraduate بعد المعادله .. سهله الاجراءات و لا لأ ؟؟

و هل تخصص الباطنه مثلا متاح هناك ؟؟

و هل حضرتك هتسافر في تخصصك ك resident من الأول ؟؟ و لا بوضعك الحالي ؟؟

السلام عليكم و رحمة الله و بركاته

ألف شكر لكرمك و ذوقك.

أفضل شئ أنك تقدم عالهجرة, أول ماتكمل 4 سنين بعد ماتخلص الامتياز و يا سلام لو أنت خلال ال4 سنين دول, تكون خلصت حاجتين:

1 - ماجستير فى التخصص بتاعك و ده عشان تاخد 3 نقط زيادة من ضمن ال67 بتوع الهجرة و كمان يبقى حاجة تقدر تشتغل و تسافر بيها كطبيب متخصص لو موضوع الهجرة مانفعش و لا حاجة لا قدر الله.

2 - المعادلة الكندية و دى بتكون 3 امتحانات, MCCEE , MCCQE1 and MCCQE2 , على الأقل خلص أول اتنين اللى هما الMCCEE و الMCCQE1 , الMCCEE ده امتحانه موجود هنا فى مصر فى الاميديست فى شارع مصدق فى الدقى و التانى اللى هو الMCCQE1 موجود فى كندا بس.

اذا عملت الاتنين دول خلال ال4 سنين اللى بعد ماتخلص الامتياز عالطول, يبقى أنت قطعت مشوار حلو و بدأت بداية صح ان شاء الله.

و يا سلام بأه لو كان تخصصك أشعة, ده زى ماقلت, هيتيح أنك تشتغل Ultrasound technician بعد ماتخلص كورس هناك و ده على فكرة بيدخل دخل حلو أوى لحد ماتمشى فى حوار التقديم على النيابات و كده.

بالتوفيق ان شاء الله.

**maka** · 19-06-2011 08:50 PM

المشاركة الأصلية كتبت بواسطة المناور

أنا أول ما اتخرجت اشتغلت سنة ونص ببلاش علشان خاطر الخبرة وساعات كنت باخد 100 جنيه كل شهرين أو تلاتة كده ولا حاجة لو عملت حاجة كويسة !!! واعرف واحد قريبى أول ما اتخرج من كلية الحقوق اشتغل فى مكتب محامى كان بيديله 150 جنيه وبيلففه محاكم الجمهورية كلها فاحمد ربنا على اللى انت فيه.

بالنسبة للشغل فى الحكومة لما ربنا كرمنى وفات عليا بتاع 7 سنين خبرة فى شغلى وجاتلى فرصة فى الحكومة لقيت الناس كلها بتقولى اياك تسيبها ودى جامدة اخر حاجة ومرتبات تظبيط وفكر جديد واستقرار وكلام من ده روحت هناك والحمد لله ال 9 شهور اللى قعدتها فى الحكومة بقيت بستلف علشان اصرف على البيت !! وكان الفرق بينى وبين اللى شغال فى البوفيه 300 جنيه ، وده مش استقلال بمهنة ولا حاجة بس بوريك الغباوة اللى الواحد شافها فى الحكومة

نفس الوضع الفرق المادى بينى و بين عامل البوفيه 200 جنيه

و الفرق التعليمى انا بكاليوس هندسة و هو ابتدائية ............... مع احترامنا لبتوع الابتدائية

**ahmedsamir5edr** · 19-06-2011 09:22 PM

المشاركة الأصلية كتبت بواسطة maserati

السلام عليكم و رحمة الله و بركاته

ألف شكر لكرمك و ذوقك.

أفضل شئ أنك تقدم عالهجرة, أول ماتكمل 4 سنين بعد ماتخلص الامتياز و يا سلام لو أنت خلال ال4 سنين دول, تكون خلصت حاجتين:

1 - ماجستير فى التخصص بتاعك و ده عشان تاخد 3 نقط زيادة من ضمن ال67 بتوع الهجرة و كمان يبقى حاجة تقدر تشتغل و تسافر بيها كطبيب متخصص لو موضوع الهجرة مانفعش و لا حاجة لا قدر الله.

2 - المعادلة الكندية و دى بتكون 3 امتحانات, mccee , mccqe1 and mccqe2 , على الأقل خلص أول اتنين اللى هما الmccee و الmccqe1 , الmccee ده امتحانه موجود هنا فى مصر فى الاميديست فى شارع مصدق فى الدقى و التانى اللى هو الmccqe1 موجود فى كندا بس.

اذا عملت الاتنين دول خلال ال4 سنين اللى بعد ماتخلص الامتياز عالطول, يبقى أنت قطعت مشوار حلو و بدأت بداية صح ان شاء الله.

و يا سلام بأه لو كان تخصصك أشعة, ده زى ماقلت, هيتيح أنك تشتغل ultrasound technician بعد ماتخلص كورس هناك و ده على فكرة بيدخل دخل حلو أوى لحد ماتمشى فى حوار التقديم على النيابات و كده.

بالتوفيق ان شاء الله.

شكرا جزيلا يا دكتور علي الرد
موفق ان شاء الله

**ashouhdy** · 19-06-2011 10:08 PM

كنت امتياز سنة 2005 بس أسنان

أمتياز هى سنة التعليم بلا منازع لو راحت عليك حتخسر كتير

حاول تلزق للدكاترة المحترمين وتحضر مؤتمرات و كورسات

متعديهاش فاضية ابدا

بعد كدة لو ناوى تستقر فى مصر يبقى عليك وعلى ماجيستير وتحاول تفتح عيادة خاصة فى مكان شعبى شوية فى اول 5 سنين

لو ناوى تطلع برة (على اساس اننا تحت وجوة) يبقى فكك تماما من اى ماجيستير واعمل بورد او معادلة ومضيعش وقت ..وابدأ فيها من دلوقتى كمان عشان تخلصها بعد سنتين بالكتير وتشم نفسك برة مصر اللى عمرها ما حتتعدل ابدا....

واعرف دايما ان فى الطب مفيش حد حيعلمك

انت اللى لازم تدفس و تحشر نفسك وتبقى غلس وتلزق عشان تتعلم ... لو عملت فيها ذوق و ايتيكيت وبتاع يبقى اقعد فى البيت أحسن .... متذعلش بس دى الحقيقة

تحياتى