طلب رأى المشرفين والاعضاء فى اضافة للدايو لانوس 1 ؟

**vip6** · 18-06-2011 02:04 PM

اخوانى الكرام

كنت عاوز اخد رايكوا فى حاجه عاوز اعملها فى عربيتى

وهى ان عربيتى شركه بره وجوه بس للاسف فيها حكات فى الرفرف اليمين بسيطه وعضات فى الكبوت بسيطه وطبعا للانها موديل 2000 فلونها قلب من ذهبى الى شامبين يعنى برضوا العربية بصراحه بحالتها بس عاوزه نظافة بسيطه علشان تبقى شكلها شيك

ففكرت انى اشدها كلها استيكر علشان يبقى شكلها شيك وده علشان ابعد عن انى ارشها بره علشان ما يقلش من سعرها عند البيع لما اجى افكر اغيرها

السؤال هنا بقا :-

هل الاستيكر ممكن يشيل دهان بلادها ؟؟؟

وهل الاستيكر عند البيع ممكن يقلل من تمن العربية ويعيبها ؟؟؟

وايه رايكم فى الفكرة ؟؟؟

اخر حاجه : العتب اليمين عندى شكله مش ظريف خالص فيه حكات كتير ( انا شارى العربية بالحاله دى ) حد عنده فكرة لتحسين الصورة بدون اللجوء الى سمكرة العتب او دهانه ؟؟؟

ولكم جزيل الشكر

**vip6** · 01-07-2011 04:27 PM

Up Up Up

**mostafa mahmod** · 01-07-2011 07:04 PM

متهيالى رشها احسن مش هتنزل من سعرها كتير اوى يعنى
و كده كده هو موديل قديم شويه و انت فى مصر - ام الدنيا - يعنى العربيه بتتفحت خرابيش

و لما هتحطلها استيكر هيتكلف كتير و هتشيله برضه لانك مش هتعرف تبيعها بيه اللى هيشتريها هيعوز يطمن عالعربيه و هيشيل الاستيكر

رشها و توكل على الله و اتمتع بشكلها الجديد

ملحوظه :
واحد صاحبى مشترى عربيه 2005 راشه حزام نظافه و عادى خالص

**sala7** · 02-07-2011 12:10 PM

لو حطيت الاستكر يبقا احسن .. مضيعش بوية الفبريكة

و بعدين عند البيع اللي مش مصدق انها بوية الفبريكة خليه يروح معاك يفحص و كل هناك بيبان
ده رأيي

**ramyraby** · 02-07-2011 01:16 PM

حتى لو رشتها يا ريس هتحك تاني الطرق والناس في مصر اصبحت اسواء والله المستعان
انا كنت عامل زي حضرتك وبعدين بعد تفكير كبير رحت وتوكل على الله ورشتها حزام وزي الفل كانت تحفة والحمد لله واحد (حسبي الله ونعم الوكيل ) مسك مسمار وكتب لي على جنب العربية كله وحتى الكبوت هعمل اية
الله المستعان

**Akram** · 02-07-2011 03:50 PM

كلنا عارفين ان اي عربية معرضة للخرابيش أو لحكات أو خبطات بسيطة , فانا شايف ان رش الحزام مش هيقلل من تمن العربية ,
و لو انت مش ناوي تبيع دلوقتي يبقى رشها و اتمتع انت بشكلها و هي جديدة ,
و ربنا يحفظهالك .