الموضوع: اقتراح لملاك الاسبرانزا بخصوص العيوب و الوكيل

لسلام عليكم و رحمة الله و بركاته

النهارده لقيت اعلان لابو الفتوح عن سيارات اسبرانزا جديدة هينزلها السوق, قلت لنفسى هو كان ظبط مشاكل العربيتين اللى فاتوا لما ينزل جديد

فقلت اكتب لكم عن اقتراح ممكن يساهم ملاك السيارة لاخذ كامل حقوقهم من ابو الفتوح, و ضمان عدم تلاعبه باحلام الناس

قبل اما ابدأ, اللى بنتكلم عليها دى عربية, يعنى سواء فى مؤيدين او معارضين لاقتراحى, احنا فى الاول و الاخر بنتكلم على عربية

انا رأى ان ابو الفتوح استهان بملاك الاسبرانزا بسبب تسرعه فى اخراج السيارة للنور, بدون اجراء اى تجارب فعلية للسيارة لضمان كفائتها و موائمتها للسوق المصرى, هذا التسرع نتج عنه عيوب فى التقفيل, و قطع غيار رديئة الجودة بالاضافة الى استمراره حتى وقت قريب من تسليم عربيات للناس و هو يعلم تمام العلم بالعيوب اللى فيها

هذا بالاضافة, لسياسته المستفزة بتعطيش السوق اللى اتبعها من قبل مع الدايو , و اعطاء مواعيد طويلة الامد للحاجزين, و ده نتج عنه استغلال حاجة الناس و احلامهم فى اقتناء السيارة عن طريق السوق السوداء

مبدئيا, انا رأى ان ده احسن وقت للقيام بموقف حازم مع ابو الفتوح, بخصوص تهاونه مع ملاك السيارة, و تأخره فى اصلاح العيوب, و خلافه, لانه بصدد توسيع قائمة الموديلات, و اكيد مش محتاج اى موضوع يأثر على الملايين النتظرة

ايمانا منى بالدور اللى هو انشأ من اجله Nile Motors الى جانب امداد عشاق السيارات بمعلومات عن موديلات السيارات المختلفة و الفروق الموجودة, الخ..., هو القيام بدور اجابى و مؤثر فى هذا المجتمع, للتصدى لجشع الوكلاء و استهانتهم بالمستهلك و تهاونهم فى خدمته, و ده طبعا لا ينطبق على ابو الفتوح بس, هناك قائمة طويل منهم, لكن بسبب كون هذه السيارة الاكثر اثارة للجدل حاليا, فمعظم الكلام عنها.

الاقتراح بتاعى هو اجماع اعضاء هذا النتدى على مجموعم منكم (ممكن خمسة) من اكثر الاعضاء دراية يالسيارة, الى جانب تمتعهم بالكاريزما و اللباقة فى الكلام.

تقوم هذه المجموعة بتجميع ملف عن سيارة كل عضو متضمنة كل المعلومات عنها, من عيوب, و مشاكل وجهتهم فى الصيانة, او مشاكل مع الوكيل, و خلافه

يتم مخاطبة الاصحفيين الثوريين فى مجلات السيارات المختلفة, اللى متخذين مهنتهم دى بامانة, مش مجرد مندوب اعلانات يكتب كلام وهمى عن السيارة. الاسماء اللى موجودة حاليا على الساحة هى هشام الزينى فى اهرام السيارات و خالد اباظة رئيس تحرير اخبار السيارات بالاضافة الى حسين صالح رئيس مجلس ادارة مجلة عالم السيارات. كل دول صحف و مجلات مهمة و مؤثرة فى سوق السيارات و الناس المهتمة بهذا المجال بتحرص على انها تتابعهم

مقابلة هؤلاء الكتاب و عرض عليهم الملفات و المطالبة بمساعدتكم فى نشر الحقيقة اللى بالتاكيد هتمثل اداة ضغط على ابو الفتوح, و من ثم خدمة افضل ليكم, و مستوع اعلى من الجودة لان هؤلاء الوكلاء تعودوا على السلبية من العملاء, يعنى كل واحد يقول معلش, ما هم عليهم ضغط, سماح المرة الدى و الكلام ده يبقى كده الحق بيضيع و لما تيجى تتطلبه يبقى فات الاوان

الموضوع كمان ممكن يتطور لاكتر من كده, و تخاطبوا برامج مثل البيت بيتك, القاهرة اليوم, 90 دقيقة, العاشرة مساء و اكيد فى واحد منهم على الاقل هيبقى مهتم بعرض القضية المهمة.

الموضوع ده راجع لكم تماما, بس الفكرة كانت فى دماغى فقلت اعرضها عليكم

معاذ