تعالى اقوللك ... يعنى اية شنبر واية لزمتة ؟؟؟؟ خش بس يا راجل

**abdalah_hashem** · 18-06-2011 03:55 PM

السلام عليكم ورحمة الله وبركاتة
هتكلم شوية عن الشنابر كدة من واقع حدود معرفتى البسيطة
ويارب ينول اعجابكم

بص يا سيدى انت عندك البساتم داخلة جوة الاسطوانة دائرة البستم اصغر شوية من دايرة الاسطوانة فالشنبر دوة زى حزام بيركب تلاتة حولين البستم نفسة عشان يسدو الفراغ اللى بينة وبين الاسطوانة عشان لما البنزين يتحرق وينتج ضغط يزق البستم ميسربش من الفاصل اللى بين البستم والاسطوانة

والشنبر برضة بيمنع وصول الزيت لداخل غرفة الاحتراق نفسها (الاسطوانة يعنى )
فى تلت شنابر بيركبوا الاولانى فيهم من تحت دوة بيبقى بتاع الزيت اللى بيمسح الزيت اللى اتطرتش على جسم الاسطوانة والمكبس بيضغط البنزين والهوا يعنى والمكبس فوق

ولما الشنبر يقفش يعنى الموتور سخن جدا والسنبر اتمدد على الاخر لدرجة انة زنق فى الاسطوانة جامد والموتور مبقاش قادر يوقة لتحت
ولما يحصل تاكل فى جسم الاسطوانة الداخلى مع الوقت نتيجة الاتكاك بين جسم الاسطوانة والسنابر والنار الولعة اللى بتبقى جوة دية فتلاقى الشنبر مبقاش حابك مع الاسطوانة يعنى المسافة بينهم بقت كبيرة فيتسرب الضغط من الاسطوانة ويتسرب الزيت من تحت للاسطوانة ويبقى الموتور بقى مفوت او (خفيف ) وهنا لازم عمر كاملة لان المتعارف علية يقلوللك اعمل نص عمرة وغير طقم شمبر بس لكن فى مشكلة

هما الناس اللى بتصنع فى التصنيع لجسم الاسطوانة نفسها اللى هو بقى ( الشيميز ) بيبقوا عاملين حساب كام عمرة ممكن تعملها للماتور دوة
وعلى اساس كدة بتلاقى مقاسات مختلفة من بساتم الموتور دوة نازلة من الشركة الام ومقاسات مختلفة من الشنابر برضة
لما الموتور بيفوت الشنبر دوة بيبقى لية سوكة ( حرف حامى عشان يمسح الاطوانة زى مقلنا كويس ) بيبقى مع الوقت تلم لما الموتور بيفوت + ان الشيميز اتاكل شوية فالمفروض فى العمرة انك عند الخراط بتشيل ربع مللى (0.25 ملليميتر ) من القطر الداخلى للشيميز
فلو غيرت شنابر شوية والسوكة هتتلم بسرعة وتحتاج تغيرها تانى او تعمل عمرة كاملة

مشكلتنا كمصريين اننا بنسيبها لحد متبقى خربانة ومش قادرة تمشى تتنفس ولا تتزحزح من مكانها فتروح للخراط يضطر يشيل نسبة اكبر من الربع مللى اللى قلنا علية فوق دوة فالحل بيبقى عمرة كاملة من الاول وتريح دماغك
وتسيبك بقى من الزيت بتاع الشمبر والكلام دة كلة لانة كلام مسكنات لكن المرض مازال موجود
يارب تنول اعجابكم
والله الموفق
والسلام عليكم ورحمة الله وبركاتة

**romieh** · 18-06-2011 05:42 PM

أحييك بشدة على الموضوع الممتاز ده

لانه هيسهل على ناس كتير انها تفهم يعنى ايه طقم الشنبر ووظيفته فى الموتور

بس فيه تعديل بسيط بس على كلام حضرتك

ولما يحصل تاكل فى جسم الاسطوانة الداخلى مع الوقت نتيجة الاتكاك بين جسم الاسطوانة والسنابر والنار الولعة اللى بتبقى جوة دية

الحقيقة ان المادة المصنوع منها الشنبر بتكون أقل من المادة بتاعة الشميز بتاع الموتور

وعلشان كده لما يحصل الاحتكاك التآكل اللى بيحصل بيبقى فى الشمبر مش فى الشميرز

وعلشان كده تلاقى يقولك ان اول لما الموتور يبدأ فى أعراض التفويت (ان المووتور يبدأ يخف)

الصنايعية بيقولوا طقم شمبر بس من غير خراطة الموتور (طبعا فى حالة ان الشميز سليم)

وده ناتج عن ان الشمبر هو اللى تآكل مش الشميز

اشكرك مرة أخرى على الموضوع

**yousef1978** · 18-06-2011 06:54 PM

ربنا يبارك فيك

موضوع ممتاز والله

**abdalah_hashem** · 19-06-2011 09:19 AM

الحقيقة ان المادة المصنوع منها الشنبر بتكون أقل من المادة بتاعة الشميز بتاع الموتور

وعلشان كده لما يحصل الاحتكاك التآكل اللى بيحصل بيبقى فى الشمبر مش فى الشميرز

وعلشان كده تلاقى يقولك ان اول لما الموتور يبدأ فى أعراض التفويت (ان المووتور يبدأ يخف)

الصنايعية بيقولوا طقم شمبر بس من غير خراطة الموتور (طبعا فى حالة ان الشميز سليم)

وده ناتج عن ان الشمبر هو اللى تآكل مش الشميز

الشمبر بيتاكل اكتر لكن الشمايز تاكلها بيحصل بسبب الحرارة العالية اللى هى بتبقى فيها + الاحتكاك عليها اللى بيبان الاول هو الشنبر وفى ضهرة لزق يبان الشيميز
شكرا لردك

ربنا يبارك فيك

موضوع ممتاز والله

ربنا يكرمك يا باشا

**momo44** · 20-06-2011 05:18 PM

شكراااااااا على المعلومات القيمة

**Silenty** · 20-06-2011 11:42 PM

مشكووور جدا على المعلومات القيمة وعلى الصور كمان

**Amr Axel** · 21-06-2011 07:17 AM

تسلم ايدك يا ريس ع الشرح

يلا عايزين التعليمي يولع ههههه

**abo_lamar** · 28-06-2011 11:48 AM

موضوع ممتاز يا باشا

**bassem.naguib** · 28-06-2011 04:09 PM

المشاركة الأصلية كتبت بواسطة maserati

السلام عليكم و رحمة الله و بركاته

موضوع جميل فعلا, ربنا يباركلك و يجازيك خير.

هو الشميز ده, مش الاسطوانة اللى البستم بيتحرك جواها ذهابا و ايابا و لا ايه هوا الشميز ده؟؟

أصل, أنا لقيت عندنا كرتونة, كان والدى -الله يرحمه- جايبها أيام ماكان بيعمل عمرة للعربية البيجو بتاعتنا و كان فيها الحاجات القديمة اللى متشالة من العربية, زى ال4 بساتم و ال8 صبابات و 4 حاجات تانيين كده عبارة عن اسطوانات مفتوحة من الطرفين, قطرها أد قطر البستم تقريبا, هما دول الشميز و لا ايه ؟؟؟؟؟؟؟؟؟

شكرا و جزاك الله كل خير.

وعليكم السلام ورحمة الله وبركاته

كلمة "شيميز" بالفرنسية يعني قميص .. علشان كدة تلاقي بعض الصنايعية والخراطين يقولك حنخرط القميص أو الشمايز.. والمقصود بيه السلندرات (الأسطوانات) اللي البستم بيتحرك جواها زي ما قلت .

-

الموضوع: تعالى اقوللك ... يعنى اية شنبر واية لزمتة ؟؟؟؟ خش بس يا راجل

LinkBack

أدوات الموضوع

عرض

تعالى اقوللك ... يعنى اية شنبر واية لزمتة ؟؟؟؟ خش بس يا راجل - انشر الموضوع فى :

-

-

-

-

المواضيع المتشابهه

لو راجل تعالى ورينى نفسك !!!!

يعنى ايه العربية عايزه طقم شنبر؟؟

يعنى اية فابريقة دواخل؟؟ واية هية الدواخل؟؟

الكلمات الدلالية لهذا الموضوع

المفضلات

المفضلات

ضوابط المشاركة