الموضوع: كابوس فظيع

الله اجعله خير
امبارح العربية جاتلى فى كابوس
ههههههههههههه
و الله بجد
الحكاية تبدا بتجربة سابقة و هى
روحت ورشة علشان العربية كانت بترعش و هناك الصنايعى قالى ننضف الرشاشات و نغير الكوعة الجلد اللى بتربط الهواء من الماف الى المنفول و كمان طقم اسلاك بوجيهات و دى كانت المرة الاولى و فى الاخر اكتشفت ان الرعشة دى عبارة عن خرطومين راكبين بالمقولب بالتبادل مع بعض و كعيت فى الحكاية دى 700 جنية ( المرة الاولى )
روحت لنفس الحيوان بعد كدة و العربية كانت بتاكل بنزين بهبل و فى الاخر جابلى حساس كولنت استيراد بـ 100 جنية و بعد اسبوع العربية وقفت خالص و العيب فى الاخر طلع ان سلك البوبينة وحش و لما غيرتة العربية ظبطت على الاخر ( المرة الثانية )
نتيجة للتجارب السابقة كابوس امبارح كان ملخصة انى روحت للحيوان دة للمرة التالتة اللى هى امتداد للمرتين السابقتين الحقيقيتين
و كنت عايز اغير زيت و طقم بوجيهات
المحصلة فى الاخر قالى انه عمل شوية تشيك على العربية و روقها كلها و الحساب 595 جنية
انا كنت هتجنن و قعد ازعق معاهم
و وريتهم انها فاكين كل الاطار الجلد اللى راكب على الابواب ( احلام بقه محدش يعلق ) و خرطوم المية بتاع القربة مش مربوط و عمال ينقط
هههههههههههههههههه
كابوس ابن كلاب
و الله العظيم من كتر الضيق - انا صحيت تعبان و مخنوق
يا ريت اللى يعرف يفسر الحلم دة يرد عليا
او لو معرفش يتمنالى احلام سعيدة مش كوابيس بخصوص الاوبل
و يجعله عامر

ما تكلش سمك ولا بيض قبل ما تنام . وهاتبقى فله شمعة منورة