المرض المروري الثاني:ما يسمى بالغرز أو التخييط أو التحويص

**MoToRiZeR** · 05-05-2008 09:14 PM

المشاركة الأصلية كتبت بواسطة د.أحمد سمير

الخطير في الغرز ليس أخذها والمرور بها لعدة مرات .. حيث يمكن لأي سائق ( حتى لو متعلم جديد) أخذ الغرزة .. المصيبة أن الغرزة تفترض ثبات السيارات الأخرى في أماكنها وفي خطوط سيرها المستقيمة .. والكوارث تحدث دائماً إذا قرر اثنان فقط أن يقوموا بالتغريز وقتها تصير الغرزة مميتة وقاتلة . وهذا هو الغالب للأسف حيث يقرر حوالي الربع من قائدي السيارات أخذ الغرز ليصير الطريق مدينة ملاهي مرعبة .. وتسفر عن خسائر فادحة في الممتلكات والأفراد .. ولا أجد فيها نفع اللهم إلا تفادي مصيبة أو حادثة محققة .
تقبلوا خالص مودتي

كلام مضبوط .. و أضيف عليه ان الغرز علي سرعات عالية بتبقي قائمة علي تفكير ناتج عن جزء من الثانية .. و هذا النوع من التفكير نسبة الخطأ فيه عالية جداَ .. يعني نسبة الخطر مرعبة .. إضافة الي انك عشان تطلع من واحد .. هو عشان يطلع نفسه من الرعب بيهدي شوية .. يقوم اللي وراه يحب يطلع منه برده لأنه بطئ .. و يتزنق و يلاقي كل الناس بتطير من حواليه بسبب غرزة واحدة (حصلتلي كتير) .. و ده بيبطأ من حركة الطريق ككل .. يعني عشان واحد يعدي الكل يلبس في بعضه .. فا ما بالكوا علي طريق الكل فيه بياخد غرز !؟ طبعا النتيجة كلنا بنشوفها كل يوم

انا عن نفسي مباخدش غرز إلا لو في مواقف حرجة (مقطورة محملة زلط - عربية توقفت امامي فجأة - عريية واخدة الشمال و ماشية 40) .. و مبدخلش عملية التخطي الا بعد ما ادي اشارة للي ورايا .

**tutankhamoun** · 05-05-2008 09:32 PM

عمري في حياتي ما أخذت غرزة
و إن شاء الله عمر ما هأخذ غرزة

و دائما بتمنى كل الشر يحصل لبتوع الغرز

لأنهم دائما بيحطونا في مأزق حقيقية بسبب أنانيتهم المفرطة و تخلفهم الجم
و تحيا المهلبية
حد عايز طبق ;)

**Chicco** · 05-05-2008 09:51 PM

بحاول جاهدا اني ما أخدش غرز و أنا ماشي في المحروسة انما للاسف ساعات باضطر لا إما بتفادي حاجة لا إما بانقذ نفسي أو عربيتي من اللي حواليا :(

**MoToRiZeR** · 05-05-2008 10:06 PM

طب أستاذ شيكو يا ريت تكلمنا عن القوانين المرورية في كندا و ازاي بيتم الحد في التعامل مع السائقين اللي بيسوقوا بتهور و بياخدوا غرز علي الطريق و ايه اساليب الرقابة عليهم .. و شكرا ليك :)

**Chicco** · 05-05-2008 10:31 PM

^^^^^^
إنت تأمر يا باشا
أول حاجة حتلفت انتباهك لو سافرت بره (كندا - أوروبا - الخليج ) إن الناس ملتزمة من غير حاجة ...يعني العادي هو إن الناس تلتزم بالقواعد المرورية كلها

- في كندا السرعات المقررة بتتفاوت حسب المكان
٣٠ كم مثلا في المناطق السكنية و حوالين المدارس و المستشفيات و فيه كاميرات و رادار يجيبوا أي مخالف .....في أماكن ٤٥ أو ٦٠ أو حسب العلامه المرورية
على الطرق السريعة ممكن يتساهلوا شوية ...مثلا لو الحد الأقصي ١٠٠ و مشيت ١١٠ حيعديها ....أكتر من ١٢٠ مخالفة ...
المخالفة بتبقى فلوس و خصم من رصيد النقاط . لو رصيدك نفذ الرخصة بتتسحب لو الرخصة إتسحبت تاني تتوقف و لازم ترجع مدرسة مرور لو تكررت تمنع من السواقة بقية عمرك :)

- ما ينفعش حد يديك مخالفة غير لو متلبس... يعني ما فيش حاجة اسمها تروح تجدد الرخصة تلاقي عليك مخالفة ...في وقتها تلاقي الأرض انشقت على عربية بوليس و تطلب منك تركن على جنب ...الشرطي ياخد منك الرخصة و يكشف عليها في كمبيوتر عربيته لو ما لكش سوابق بيتسامح جدا (ده اللي حصل معايا لما مشيت ٨٠ كم في طريق ٦٠ كم من غير ما أخد بالي:o)
لو حاسس انك مظلوم يحقلك تشتكي للمحكمة

- القيادة بتهور أو الغرز ديه أو السرعات العالية قوي مصيبة ...و المخالفة بتبقى رادعة و ممكن توصل لجناية أو مصادرة العربية

- من أكتر الحاجات إلي ممكن تخصم من رصيدك نقط كتير عدم الوقوف في الأماكن المخصصة لعبور المشاه ....أو إعاقة عربية إسعاف أو مطافي .... أو تخطي أتوبيس نقل عام أو مدارس

أقولك إيه و لا إيه يا باشا ....أسأل و أنا أجاوب ;)

**tutankhamoun** · 05-05-2008 10:57 PM

المشاركة الأصلية كتبت بواسطة Chicco

^^^^^^
إنت تأمر يا باشا
أول حاجة حتلفت انتباهك لو سافرت بره (كندا - أوروبا - الخليج ) إن الناس ملتزمة من غير حاجة ...يعني العادي هو إن الناس تلتزم بالقواعد المرورية كلها

- في كندا السرعات المقررة بتتفاوت حسب المكان
٣٠ كم مثلا في المناطق السكنية و حوالين المدارس و المستشفيات و فيه كاميرات و رادار يجيبوا أي مخالف .....في أماكن ٤٥ أو ٦٠ أو حسب العلامه المرورية
على الطرق السريعة ممكن يتساهلوا شوية ...مثلا لو الحد الأقصي ١٠٠ و مشيت ١١٠ حيعديها ....أكتر من ١٢٠ مخالفة ...
المخالفة بتبقى فلوس و خصم من رصيد النقاط . لو رصيدك نفذ الرخصة بتتسحب لو الرخصة إتسحبت تاني تتوقف و لازم ترجع مدرسة مرور لو تكررت تمنع من السواقة بقية عمرك :)

- ما ينفعش حد يديك مخالفة غير لو متلبس... يعني ما فيش حاجة اسمها تروح تجدد الرخصة تلاقي عليك مخالفة

...في وقتها تلاقي الأرض انشقت على عربية بوليس و تطلب منك تركن على جنب ...الشرطي ياخد منك الرخصة و يكشف عليها في كمبيوتر عربيته لو ما لكش سوابق بيتسامح جدا (ده اللي حصل معايا لما مشيت ٨٠ كم في طريق ٦٠ كم من غير ما أخد بالي:o)
لو حاسس انك مظلوم يحقلك تشتكي للمحكمة

- القيادة بتهور أو الغرز ديه أو السرعات العالية قوي مصيبة ...و المخالفة بتبقى رادعة و ممكن توصل لجناية أو مصادرة العربية

- من أكتر الحاجات إلي ممكن تخصم من رصيدك نقط كتير عدم الوقوف في الأماكن المخصصة لعبور المشاه ....أو إعاقة عربية إسعاف أو مطافي .... أو تخطي أتوبيس نقل عام أو مدارس

أقولك إيه و لا إيه يا باشا ....أسأل و أنا أجاوب ;)

شيكو باشا ......... فكرتني بالذي مضى و قلبت عليا المواجع

**Chicco** · 05-05-2008 11:01 PM

^^^^
و الله ما قصدي يا توت يا أخويا انا بس إتسألت فجاوبت ......شكلك كده مش حتتهنى بالمركبة نبوخذ نصر بتاعة الماتركس :D

**tutankhamoun** · 05-05-2008 11:07 PM

المشاركة الأصلية كتبت بواسطة Chicco

^^^^
و الله ما قصدي يا توت يا أخويا انا بس إتسألت فجاوبت ......شكلك كده مش حتتهنى بالمركبة نبوخذ نصر بتاعة الماتركس :D

أسكت يا شيكو يا أخويا ........ أنا هاتجن ...... أنا خلاص مش قادر على الغباء المستفحل
النهاردة واحد ########### بتاع ميكروباص واقف على جنب و بيركب ناس .... المهم خلص و ركب الناس و هوب فجأة لقيته أخد يمينة و بقى قدامي ....رحت ماسك فرامل جامد و اللي ورايا كان هايخبط فيا و اللي جنبي نفس الموضوع

ووقفت باقوله مش تبص في المرايا قبل ما تطلع و تدي اشارة
عارف ال ########## قالي أيه
يا عم إشارة مين ............. مش تفتح أنت و تشوف العربيات اللي قدامك

كان هاين عليا أنزل من العربية أرزعه قلمين و بعدين أديله رصاصة في دماغة و نخلص من الأشكال الزبالة دي

بس حسبي الله و نعم الوكيل في اللي سايبهم يعملوا كدا

ناهيك بقى عن الغرز
شباب + سواقين ميكروباص + تاكسيات + بنات بغشامة

بجد حاجة تقرف ......... و الناس تستاهل إن البنزين غلي و أنا فرحان جدا أنه غلي

شرررررررررررررررررررررررر ررررررررررررر بشر

**MoToRiZeR** · 05-05-2008 11:15 PM

شكرا جدا لحضرتك .. و بجد الدنيا هتبقي حلوة اوي لو الشارع كدة!
ايه بقي اللي يمنعنا من ده ؟! ليه عندنا فوضي بالمنظر ده ؟

الفهلوة هي القانون !

كانت ارواح كتير انقذت و اعصاب كتير متحرقتش !

**tutankhamoun** · 05-05-2008 11:19 PM

المشاركة الأصلية كتبت بواسطة dehumanizer

شكرا جدا لحضرتك .. و بجد الدنيا هتبقي حلوة اوي لو الشارع كدة!
ايه بقي اللي يمنعنا من ده ؟! ليه عندنا فوضي بالمنظر ده ؟

الفهلوة هي القانون !

كانت ارواح كتير انقذت و اعصاب كتير متحرقتش !

هو مفيش غير حل واحد ووحيد و موحود و هو حل واحد من الأخر

الضرب بيد من حديد على الشعب المصري

أحنا ملناش غير كدا

الأحترام و الدلع مش بتاع المصريين ..........أنت مش بتشوف الطريق لما يكون فيه رادار أو لجنة .......... بتلاقي الكل ماشي محترم نفسه ازاي

و ده أكبر دليل أنك لو تديهم على دماغهم ... هايحترموا نفسهم و يمشوا زي الألف
بس و مفيش حل تاني
و متقوليش إن الناس هاتتغير من نفسها ....... لأن ده مستحيل
ده نص الشعب المصري جاهل بأي شئ حواليه و غالبيته فوضوي

مشاهدة نتائج الإستطلاع: هل تقوم بعمل الغرز

الموضوع: المرض المروري الثاني:ما يسمى بالغرز أو التخييط أو التحويص

LinkBack

أدوات الموضوع

عرض

-

-

-

-

-

-

-

المواضيع المتشابهه

هل يوجد فى السوبر أكشن ما يسمى ببار الاتزان

النتائج المترتبة على الزواج الثاني ردا على موضوع منافع الزواج الثاني

المرض المروري الرابع: عبور الطريق الانتحاري والضحايا بالمئات

استطلاع : كل واحد فى المنتدى يسمى عربيتة باسم

المرض المروري الثالث: الإنحراف الطولي المستعرض الأعور للطريق (مرض يصيب الطريق)

الكلمات الدلالية لهذا الموضوع

المفضلات

المفضلات

ضوابط المشاركة