الدعوة السلفية ......... و تداول السلطة و الديمقراطية و الاحزاب

**alynubira** · 18-06-2011 06:09 PM

الله عليك يا شيخنا واضح وضوح الشمس مش زى العلمانين والليبرالين
يقولوا حريه نقول البنت تلبس نقاب يقولا لا
يقولوا ديمقراطيه نقول فى الاستفتاء نعم بردوا يقولوا لا
يقولوا انتخابات حره نزيها نقول الاخوان والسلفين هينجحوا باكتساح بردوا تانى يقولوا لا
بصراحه مش عارف فين الديمقراطيه والحريه اللى بيكلموا عنها ثم ما هم بيقولوا مصر دوله ليبراليه طول عمرها اذا كان الكلام ده صح فنظام الحكم الليبرالى السابق واضح فيه الحريه اوووووى

**abou_ruqi** · 18-06-2011 06:13 PM

عندي رأي بيزعل السلفييين بس لو فكروا فيه شوية احتمال يلاقوا عندي حق
الرئيس هو اللي بيمثل الدولة دبلوماسيا وسياسيا ، لو احنا عاوزين دولة مرجعيتها الاسلام يبقى نجيب حاكم توجهه اسلامي لكن محترف سياسة ودبلوماسية
زي لما تاكل في مطعم مسلم بره مش كفاية يكون بيجيب لحمة حلال او ييدبح دبح شرعي ، لازم يكون بعد كده بيعرف يطبخ!
وانا لا ارى هذا الرجل في صفوف السلفيين لانهم بالمجمل حديثوا العهد بالسياسة والدليل انهم قبل الثورة بيوم كانوا معتزلين العمل السياسي
ولا ارى هذا النموذج متوفر الا في الاخوان او السياسيين ذو التوجه الاسلامي مثل دكتور محمد سليم العوا
لذلك خيرا للسلفيين وللامة دعم الاخوان او من هم مثل العوا عن الخوض بانفسهم بما لا قبل لهم به

**alynubira** · 18-06-2011 06:16 PM

عايز صاحب الموضوع يفند اخطاء الشيخ واحده واحد واحنا ان شاء الله هنبينلوا عدم الفهم الصحيح للشيخ حفظه الله ورعاه

**M.Zaher** · 18-06-2011 06:17 PM

المشاركة الأصلية كتبت بواسطة abou_ruqi

عندي رأي بيزعل السلفييين بس لو فكروا فيه شوية احتمال يلاقوا عندي حق
الرئيس هو اللي بيمثل الدولة دبلوماسيا وسياسيا ، لو احنا عاوزين دولة مرجعيتها الاسلام يبقى نجيب حاكم توجهه اسلامي لكن محترف سياسة ودبلوماسية
زي لما تاكل في مطعم مسلم بره مش كفاية يكون بيجيب لحمة حلال او ييدبح دبح شرعي ، لازم يكون بعد كده بيعرف يطبخ!
وانا لا ارى هذا الرجل في صفوف السلفيين لانهم بالمجمل حديثوا العهد بالسياسة والدليل انهم قبل الثورة بيوم كانوا معتزلين العمل السياسي
ولا ارى هذا النموذج متوفر الا في الاخوان او السياسيين ذو التوجه الاسلامي مثل دكتور محمد سليم العوا
لذلك خيرا للسلفيين وللامة دعم الاخوان او من هم مثل العوا عن الخوض بانفسهم بما لا قبل لهم به

كلامك جميل و سليم

لكن انت ماتقولش للسلفيين قول للتانيين اللى مش عايزين اي حد زو توجه اسلامي حتى العوا

لكن الصندوق بيننا

**رزق** · 18-06-2011 06:37 PM

اعوذ بالله

**bassem.naguib** · 18-06-2011 06:40 PM

المشاركة الأصلية كتبت بواسطة otefa

طيب تصدق بالله أن كلامه في مجمله صح ولاغبار عليه
الغلط في نظري سلبيته
أزاي أنه يعتزل الحياة السياسية علشان مش وفق رؤيته
طيب يعمل أيه
يشارك ويطعم فكره مع الفكر السياسي والنظام القائم ويتفاعل مع المجتمع ويتدرج معه للوصول لحلول ترضي الله وترضي فكره والمجتمع
بمعنى لايكون تصادميا مع المجتمع يوصل الفكرة بذكاء
ليهم عذرهم أنهم كانو غير مشاركين في الحياة السياسية فما تعلموش اللف والدوران
ملحوظة أنا لست تابع لأي تيار ومش مربي لحية:b4_033:

أنا برضه لست تابع لأي فصيل ديني ولا حتى سياسي .. ومن وجهة نظري أنه أعتزل الحياه السياسية من منطلق (يا فيها يا أخفيها) .. أو (ياخد كل حاجة يا مش لاعب) نظراً للممارسات القمعية التي كان يتبعها معهم النظام السابق .. وده طبعاً منطق غريب جداً بيتبعه أصحاب هذا الفكر .

ومن وجهة نظري برضه أنهم ممكن يوصلوا لكل اللي هما عاوزينه بشكل غير مباشر تماماً وبدون الاشتراك في الحياة السياسية لا من بعيد ولا من قريب حتى لا يتهموا بسكوتهم دهراً ولما اتكلموا نطقوا ما يفض الناس من حولهم (غشامة سياسية) .

حتقولي ازاي .. حقولك أنه من خلال الفعاليات الاجتماعية اللي بيمارسوها بشكل أكثر من ممتاز زي مشروع توزيع الخبر وأنابيب الغاز .... إلخ وده بيقرب الناس ليهم وبيخليهم يكتشوفوا الناس دي بتعمل أيه بعد ما كانوا مغيبين عن المجتمع بفعل فاعل قبل كدة .. والناس لوحدها حتكتشف ان الناس دي مش بعبع ولا عفريت وحيحاولوا يعرفوا بيفكروا ازاي .. وعلى الناحية الأخرى هما من خلال احتكاكهم بالمجتمع حيعرفوا المزاج الشعبي العام والناس عاوزة أيه ويحاولوا يوصلوا لصيغة توافقية بينهم وبين الناس تنجحهم بعد كدة في الحياة السياسية .. إنما اللي بيحصل منهم ده قلة خبرة واضحة جداً في الوقت الحالي .

**meza** · 18-06-2011 06:56 PM

المشاركة الأصلية كتبت بواسطة M.Zaher

كلامك جميل و سليم

لكن انت ماتقولش للسلفيين قول للتانيين اللى مش عايزين اي حد زو توجه اسلامي حتى العوا

لكن الصندوق بيننا

هو إحنا داخلين حرب!!!

**meza** · 18-06-2011 06:59 PM

المشاركة الأصلية كتبت بواسطة abou_ruqi

يا راجل طوز في التانيين ، ولا ليهم اي حجم حقيقي هما شاغلين حجم في الاعلام بس انما اقفل التليفزيون كده وانزل الشارع الموضوع يختلف
وافرض ان ليهم اتباع كام واحد كده ، فين دول ? شوية في القاهرة وشوية في اسكندرية ، طب في حد علماني في نجع حمادي او مطروح والنوبة او بني سويف?

يا راجل ده سنة 2005 الاخوان نزلوا ب124 مرشح من اصل 444 كرسي كسبوا 88! واللي خسروا نصهم تزوير زي دكتور حشمت في دمنهور
المهم دلوقتي التيارات الدينية ما تشتتش الشعب وتركز على شخص واحد للرئاسة ومتنزلش سلفي ضد اخواني في انتخابات مجلس الشعب
لو حصل كده حيبقى يوم الانتخابات يوم اسود على التيارات اللي مريضة بالخوف من الحكم ذو المرجعية الاسلامية

هو إحنا بجد يا جماعة داخلين حرب بعد كام شهر و أنا مش عارف و لا ايه !!!

إقرأوا توقيعى جايز يفهمكم

**abou_ruqi** · 18-06-2011 07:00 PM

المشاركة الأصلية كتبت بواسطة meza

هو إحنا داخلين حرب!!!

لا مش حرب ، انما احنا جربنا الديموقراطية الحزيية وجربنا الشتراكية وجربنا العلمانية وجربنا المهلبية
نفسنا نجرب بقه الاسلامية!

الموضوع: الدعوة السلفية ......... و تداول السلطة و الديمقراطية و الاحزاب

LinkBack

أدوات الموضوع

عرض

-

-

-

-

-

-

المواضيع المتشابهه

بيان الدعوة السلفية عن احداث التحرير

سؤال ...... هل يؤمن ممثلو التيار الأسلامى بمبدأ تداول السلطة ؟؟؟

بيان من الدعوة السلفية حول أحداث إمبابة

بيان الدعوة السلفية بخصوص مظاهرات الغدبسم الله الرحمن الرحيم تعلن ((الدعوة السلفية))

هااااااام جدا الدعوة السلفية تستنكر الأكاذيب الإعلامية ضدها

الكلمات الدلالية لهذا الموضوع

المفضلات

المفضلات

ضوابط المشاركة