الموضوع: تشترى عربية فى الوقت الحالى ولا نستنى شوية ولا شقة فى المدن الجديدة؟

خلينا نفكر في الوضعين

انت قاعد في بيت العيلة + معاك عربية صغيرة ودي ميزة لانك بتقول ساكن في منطقة شعبية فابالتالي العربية الغالية هتجيبلك مشاكل بالذات في المناطق الشعبية و غير كدا عيون الناس مقولكش + انك مبتدفعش ايجار و في جراج للعربية تحت .

لو انت بقي جبت شقة برة اولا هتدفع ايجار + ايجار جراج

ولو جبت كارينز في المنطقة الشعبية مش بعيد تتسرق لا قدر الله او ع الاقل تتخربش و يبهدلوهالك و الخبطة في الماروتي مش زي الخربوش في الكارينز..

الخلاصة وجودك في بيت العيلة موفرلك ايجار الشقة و مكان للعربية تطمن عليها فيه + ان ماروتي مناسبة تماما للمنطقة الي انت ساكن فيها .
فا الافضل تسيب الفلوس ومتتصرفش فيها سواء شقة او عربية.. و تستني علي رزقك السنة الجاية ع الاقل لما وضع البلد يستقر وخصوصا الامني.
وبوم ماتنوي وتلاقي الدنيا تمام حواليك تقوم تجيب الكارينز وتسكن في منطقة برة من المدن الجديدة وتاجر الشقق تجيبلك دخل..

ربنا يباركلك ياروميو
فعلاً عين العقل ، أنا ميال للرأى ده تمام بس هتعمل أيه باه لرأى الناس وأخواتى
أنا دكتور فى أحدى الجامعات الخاصة ، ورأى أخواتى أن الماروتى ماتلقش بيك وبيقولوا لازم تجيبلك واحدة تليق بدكتور جامعة
والشقة ضرورىة فى مكان كويس ده رأى المدام اللى هتتجنن على شقة فى مكان نظيف ، وأنا من رأيها بس مش وقته ، حاسس أن المدن الجديدة مش أمان وأنا عندى طفلين والمدام بتشتغل ، وبعدين أنا قاعد من غير ماأدفع ولا مليم وعندى شقتين واحدة فى التانى وواحدة فى الرابع وزى الفل بس المنطقة (المرج) وحشة جداً والناس اللى فيها كلهم عمال وصنايعية وشباب تييييييت + أنه جنب العمارة على طول فاتح قهوة ومطعم فول وطعمية مبهدل صدورنا على الآخر والأتنين بيشتغلوا 24 ساعة دخان وريحة زيت محروق طبعاً حساسية الصدر بدأت عندنا والحموضة بأستمرار من ريحة الزيت ، وخناقات على القهوة وتليفزيون شغال على طول يعنى برضه سكن مش حلو
بس رأى حضرتك محترم جداً أن الواحد يستنى شوية لما يشوف الوضع أيه والصبر طيب