تكييف الهوندا ال 92 فى مشاكل...ممكن مساعدة ؟!!!!

انا عندى سيفيك ex موديل 92.....والتكييف عندى وحش جدا و الكومبرسور بييطلع صوت (بيزن) فى الحر و الضغط ساعات بيعلى اوى.....فى ميكانيكى قاللى ركب ال الكومبرسور بتاع 97......هيسقع احسن و مفهوش زنة
وبتاع التكييف قالى هغيرلك السربنتينة و اجبلك واحدة اكبر و قاللى هركبلك كومبرسور تانى خالص بتاع عربية امريكانى او يابانى
وقاللى ان دة احسن من ال 97 ....هيسقع احسن منه........انا عايز اعرف اعمل اية بالظبط وكل الموضوع دة هيتكلف كام (كومبرسور و فلتر و اكسبانشن و فريون...ومين احس واحد ممكن يظبطهولى...........
واسف على التطويل

بالنسبة للكباس فبتاع ال97 ممتاز وبتاع ال92 بردة ممتاز بس اللى بيميز بتباع ال97 انة بيتوائم مع فريون a134 ودة طبعا المتداول حاليا ونادر دلوقتى لما تلاقى فريون r12

عموما انت دلوقتى بتقول عندك الضغط بيعلى يبقى كدة هتغير expansion valve وهتجيبة بتاع ال 92 عشان يبقى زى الكويل بتاعك وتمنة 180 جنية

وبالنسبة للكباس هتجيبة بتاع ال 97 بالقاعدة بتاعتة مهمة جدا هيعمل 450 جنية

شحن الفريون من 150 الى 200 جنية a134 انجليزى او بولندى احسن نوعين تشحنهم

وكنت عايز اسالك سؤال انت عند البرودة كويسة ولا صوت الزنة بس هو اللى عاملك المشكلة

لان لو صوت زة بتغير البلية بتاعة الكباس ب35 جنية جديدة وبتنسى وبتتغير بدون فك فقط بتشيل السير وتغير وبتخلص فى ربع ساعة

لا انا عندى مشكلة فى التبريد... هو الضهر مش بيبرد خالص للاسف ...مع انى اما بروح لبتاع التكييف بيقولى التبريد بتاعو حلو....بس انا مش بحس انو بيبرد الا بليل بس.........والزنة دى برضو كانت مشكلة
اه فى كمان حاجة.......انا عندى ال rpm بيعلى اوى لما بشغل التكييف وساعات ينزل لدرجة انو يبطل العربية......بمعنى انو اما الكباس بيلقط وبيشتغل ال rpm بينزل اوى و العربية ساعات بتبطل واما بيفصل ال rpm بيوصل ل 1 و نص او اتنين
انا لو هغير ال expansion valve اغير معاها فلتر برضو .....وهل تبريد ال 97 هيبى اقوى من 92
وبالنسبة انى اكبر السربنتية هل دة كلام صح ولا غلط.......و كان فى واحد بتاع تكييف قالى ف كباس اسمو danson قالى دة احسن حاجة ولا اخلينى ف ال 97 واللى يعملى الموضوع دة مسعد اللى ف الحرفيين او قالى هبعتك لواحد بتاع تكييف كويس و عارف هو بيعمل اية....ولا انت عدك حد......واسف جدا للتطويل و شكرا للاهتمام

سمسم انت روحت فين؟؟؟؟؟

اقتباس:

---

المشاركة الأصلية كتبت بواسطة shetos_civic92

لا انا عندى مشكلة فى التبريد... هو الضهر مش بيبرد خالص للاسف ...مع انى اما بروح لبتاع التكييف بيقولى التبريد بتاعو حلو....بس انا مش بحس انو بيبرد الا بليل بس.........والزنة دى برضو كانت مشكلة
اه فى كمان حاجة.......انا عندى ال rpm بيعلى اوى لما بشغل التكييف وساعات ينزل لدرجة انو يبطل العربية......بمعنى انو اما الكباس بيلقط وبيشتغل ال rpm بينزل اوى و العربية ساعات بتبطل واما بيفصل ال rpm بيوصل ل 1 و نص او اتنين
انا لو هغير ال expansion valve اغير معاها فلتر برضو .....وهل تبريد ال 97 هيبى اقوى من 92
وبالنسبة انى اكبر السربنتية هل دة كلام صح ولا غلط.......و كان فى واحد بتاع تكييف قالى ف كباس اسمو danson قالى دة احسن حاجة ولا اخلينى ف ال 97 واللى يعملى الموضوع دة مسعد اللى ف الحرفيين او قالى هبعتك لواحد بتاع تكييف كويس و عارف هو بيعمل اية....ولا انت عدك حد......واسف جدا للتطويل و شكرا للاهتمام

---

اسف ياباشا على التأخير

شوف ياباشا

1- التكييف عندك مش بيبرد غير فى الليل بس دة معناة ان دورة التبريد عندك عايزة تتنظف كويس جدا ولو لقيت تحسن بسيط بعد التنظيف يبقى كدة هتضطر تغير الكباس بواحد موديل 97

2- الزنة هنشوف الاول هل هية من البلية ولا من الكباس من جوة بس غالبا بتبقى من البلية وبتتغير ب35 جنية جديدة فى ربع ساعة

3- بالنسبة لان الاربى ام شوية يعلى وشوية يوطى دة عيبة ال2 solonied بتوع التكييف او زى مابيسموها الفنيين الفاكيوم ودول بيبقوا مرتبطين بالكربراتير عن طريق واير , بتشد الواير دة وبتشوف اية الدنيا لو اتظبط خير لو ماتظبطش بيتغير ب100 جنية

4- هتغير expansion يبقى تجيبة بتاع الموديل بتاعك هو بالاخص زى اللى طالع عشان يكون متوافق مع الكويل بتاعك , فلتر اية بالظبط قصدك بقى الdryer او المجفف لأ بيتنظف بس

5- تبريد ال97 هيبقى اقوى سنة بسيطة جدا ودة بسبب انة ضغط الفريون بتاعة اقوى بسبب كبر عدد لفاتة عن ال92 وبردة هيكون افضلك انك تجيب بتاع ال97 عشان بياخد فريون a134 بعكس كباس 92 اللى بييتشحن فريون r12 ودة بقى قليل جدا فانت ريح دماغك وهات 97 بالقاعدة بتاعتة وتمنة 450 جنية

6- السربنتينة بتاعتك كويسة جدا ومافيهاش اى مشاكل طبعا انا بتكلم على انا سليمة , بس اهم حاجة تنظيف حساس ضغط الفريون بتاعها وتكشف علية لو وحش غيرة

7- بالنسبة للكباس افضلك انك تنزل تشترية بنفسك وانوى انت بس وانا هظبطلك الموضوع دة وابعتك عند واحد جااااااامد جدا وهو اللى ظابطلى الحمد لله التكييف بتاعى من سنتين

وبردة عشان تبقى عارف اسعارة

1- شحن فريون a134 انجليزى : 180 جنية ( اى حد تانى 200 جنية )

2- تنظيف دورة التبريد كاملة ( هيخرج التكييف كلة برة ماعدا المواسير ) 100 جنية

ميرسى جدا ي سمسم باشا بجد انت كدة قولتلى المفيد ولو ينفع بس اخد ال contact بتاعك عشام انا انشاء الله ناوى اعمله الصيف دة بس لسا عندى امتحانات اما اخلصها بقى ان شاء الله
وجزاك الله خيرا يا رب :)

طيب انا عندي حاجة غريبة


حاطط العربية فى الجراج شغلت التكييف ومشيت بالعربية فى عز الظهر الساعة 2 التكييف ممتاز لمدة ساعة او اكثر لف فى الشمس واللي يغظني لو سرعت تقل بردوته على عكس السلانسية يبقي حلو اطفي العربية وارجع لها بعد 10 دقائق ولا حياة لمن تنادي بيجيب هواء بارد بس اقل من الاول بنسبة 70%

توقة حبيبى

دلوقتى ياباشا بالنسبة لانك بتقول لما بتسرع العربية البرودة بتقل , يبقى دلوقتى المشكلة دية بسبب اية ان مع سرعة العربية المفروض بيبقى فيها هواء اكتر يبرد ويحسن الاداء بتاع التكييف , وكمان بيسرع عدد لفات الكباس انة يضغط الفريون اسرع

يبقى انت كدة فية عندك مشكلة فى السربنتينة عايزة تتنظف , دة غير انك لما تركنها وترجع وماتلاقيش غير هواء بارد نسبة 70% اقل طيب انت بتركنها فى شمس ولا فى مكان ظل عشان لو شمس وتلاقى التكييف بياخد وقت طويل عشان يسقع او يلطف الجو يبقى كدة الكباس ضعيف


عشان تحافظوا على كفاءة التكييف لازم على الاقل تغسلوا السربنتينة كل شهر او شهرين بمياة ضغط خفيف وبعد كدة تتنشف بكمبروسير