طبعا لو ناوي على بروتون يبقى تنسى تجيب جديد لان التوكيل بجد مقرف قرف السنين
بس لو بتفكر فيها بجد دور على واحدة استعمال نضيف ونصيحة هاتها مانوال علشان الاوتو مموت العربية
عرض للطباعة
طبعا لو ناوي على بروتون يبقى تنسى تجيب جديد لان التوكيل بجد مقرف قرف السنين
بس لو بتفكر فيها بجد دور على واحدة استعمال نضيف ونصيحة هاتها مانوال علشان الاوتو مموت العربية
حختلف معاك يا فيلكس معلش
الجين2 تتجاب جديدة يا جيو لازم تكون انت اول واحد يركبها علشان تربيها على ايدك
وملناش دعوة بالتوكيل يا فيلكس دلوقتى احنا بنتكلم عن التوكيل فى قطع غيار غالية وتوافرها فى نفس الوقت لكن دة ملوش علاقة خالص بشرا العربية جديدة لان الراجل لازم يجيبها جديدة علشان يتمتع بيها وفى نفس الوقت يبقى لية حق فى ضمانها (تلات سنين )
بشمهندس جيو !!!! اتوكل على الله وهات الجين2 اوتو من غير مناقشة (الاوتو مش مموتها ولا حاجة زى اى اوتو بيبقى اقل من النسخة المانوال فى اى موديل مش الجين2 بس فى التسارع وكمان علشان بيزود وزن العربية )
ملحوظة : عربيتى جين2 اوتو :)
مش عارف يا ماجد أقولك أيه
انا هخسر كتير لو سيبت الرابطة
هو موضوع الجديد ده ليه طعم تاني
بالنسبة للصني .. أحنا كان عندنا صني ودلوقتي أوبترا
الصني ثباااااات وموتور محترم جدا
فعلا هي مش شبابي خالص
بس بشوية تظبيط خفيف جدا جدا هتدي علي شبابي
البروتون .. انا معرفش التوكيل غير عشان لو في حاجة بايظة لا قدر الله
غير كدة بغير زيت وسيور وفلاتر وكل حاجة بنفسي .. فالتوكيل لا يمثلي عقبة
البيكانتو وال i10 مش شبابي ومهما كان برضه موتورها وحجمها صغير
الأكسيل أكبر عيب في شكلها هو الأكصدام اللي ورا والفوانيس اللي ورا
لو وريتك التعديل اللي في دماغي هتعجبك .. انا واثق
لو هجيب هجيب زيرو في حدود 90 وهعدل بسيط جدا .. فلاتر علي بوجيهات علي عتب وكساحات .. أخرها يعني
انا جربت المانيوال والأوتو
صحيح في فرق
المانيوال بتاكل في الأرض
الأوتو شديدة برضة
بس مستعمل وبروتون ... معتقدش في جين 2 بتخرج من حد سليمة ومحترمه
الزيرو عادي بالنسبالي
عر مش هيأثر في حاجة :)
لية لفة عندك مليش دعوة :)))))
انا بحب أربي العربية علي أيدي
وخصوصا التليين .. الناس فاكرة انه تحسيس علي العربية !!
ان شاء الله ربنا يسهل و أخد قرار
انا مش بميل للمستعمل
ولعلمك انت لو ناوي تظبط وحاطط في دماغك مبلع معين لازم لازم تفتح معاك اكتر من البلغ اللي عامل حسابك عليه لشان لما تفك وطلع بطنها هتلاقي المريء بايظ والمعده عايزلها جلبه والقولون عازيله بنطه لحام ولازم تغيرهم عشان تركب علي نظافه ولما تركب وتستلم هتلاقي مثلا الدكتور نسيلك فوطه جوه ولا مشرط وتفك تاني وتغير تاني
سيبك من وجع الدماغ اللي حصل معايا ده وخش علي الزيرو تقفيل ابوه
سواء بقي جين ولا نيسان الاتنين حلوين بس انصحك انك تصر علي الاوتو
مافيش اريح منه
ولو الموضوع هيفط معاك فطه مش لزيزه في الفلوس ابقي بص علي الساجا اخت الجين الصغيره
خليك في الجديد يا جيو الجين 2 في نظري احسن اختيار
أحضروني بقي :)
انا دلوقتي في شبه قرار بيع
لقيت واحد صاحبي بيقولي صاحبه بيبيع جين 2 كاملة مانيوال 2007 عاملة 30 ألف كم فبريكة بالكامل وفيها خبطة بسيطة في الشنطة
مغيرة دبرياج في التوكيل والعربية ممتازة ولونها بصلي
طالب فيها 57
صاحبي ده حاجة زي أخويا كدة
وبيفهم كويس في العربيات .. لو مش عاجباه مش هيقولي خدها
أيه الحال دلوقتي ؟
أجيب ولا ؟
أصل مانيوال وانا من عشاااااااااق المانيوال .. الأكسيل والصني والأوبتر مانيوال
كنت هجيب أوتو لو زيرو
انما السعر الحقيقة حلو جدا ومانيوال واللون مش وحش والعربية فبريكة
ها ؟
أقتراحاتكوا
بص نصيحة مالك سابق للأكسيل ... العربية ده ممتازة جدا ومريحة ... بس بلاش تسقيط مواتير لان الشاسيه بتاعها مش بيستحمل وهيقرفك شروخ وبتاع ... لو انت فعلا ناوى تعدل يبقى بيع العربية وجيب حاجة تانية اعلى زى البروتون او الصنى