انا معايا هيونداي أكسيل 1500 موديل 97
وبرضه معايا أوبترا بس مش بسوقها
دلوقتي نتكلم عن الأكسيل
انا من قبل ما أشتريها كنت بفكر أجيب زيرو ولا أجيب مستعمل و أعدل
لقيت حوار الزيرو مش نافع معايا خصوصا مفيش عربية هتاكل معايا خالص في حدود ال 90 ألف غير كام واحدة
المهم دورت علي جوليت وبي أم وحاجات ممكن أعدلها ملقتش غير واحد بي أم وكانت سبيشيال أوردر من ألمانيا .. بس صاحبها طلع عيل وباعها قبل ما أجيبله باقي الفلوس .. مع اني جبتله الفلوس بعد عربون 20 ألف بيوم
المهم وصلت لأكسيل وانا مكنتش عايزها بس لقيت كتييييييير بيقولي هاتها هتريحك وناعمة وجراية وكلام كدة كتير بس هي عامة مش بحبها
كشفت علي العربية ولقيتها زي الفل وكانت عاملة 135 ألف كم وموتورها ممتاز الحمد لله
أشتريتها وقلت خلاص هعدل بعد الأمتحانات .. نص السنة
حصلت الثورة ومعرفتش أعدلها
قلت بعد امتحانات أخر السنة
المهم
العربية دلوقتي بعد ما كنت مش حاببها
حبتها جدا
وخصوصا لأني لقيتها موتور مفتري جدا .. علي وزن 930 كجم واللي ركب معايا عارف كدة .. وخصوصا اني مفتح الموتور
ثباتها معقول مش ممتاز
ممكن أحملها 8 أفراد و أطلع أجري عادي جدا معاها
مش مكلفة خالص .. لا قطع غيار ولا حاجة
باور نضيف وتكييف تلج وحلوة
دلوقتي قلت بس .. أعدلها
هيبقي جنط أيطالي 15 محترم
عتب وكساحات سمبل جدا جدا .. كنوع من التهبيط مش الشكل
فلتر سبور APEXi
مساعدين Koni
بوجيهات splitfire وسلوكها
دسكات ورا عشان ورا عندي درامز
مش هحط زينون .. انا عندي الأبيض ال 250 وات وكويسة جدا
ممكن أغير الفوانيس اللي ورا وأعملها ليدات .. فوانيس الأكسيل شكلها رخم (أزواق )
strut bar
ممكن بعد كدة أبقي أشوف لو الموتور مبقاش تمام أحط بتاع الفيرنا ال 1600
ولو ان اللي معايا بتجيب من 0 /100 في 11 ثانية .. مش عارف لو حطيت بتاع الفيرنا هيحصل أيه

طبعا الكلام ده لو عملته هيعمل شغل عالي جدا والعربية هتبقي حلوة بس ساعة البيع مش هتجيبلي اللي دفته
خصوصا انها لسة جايبالي سعر ممتاز ومرضيتش أبيع

فانا زعلان أني جبت عربية حالة نضيفة
لو كانت حالتها قليلة مكانتش هتخصرني لما أظبطها وابيع .. مش أي حد بيفهم في التظبيط

ولا أجيب حاجة زيرو

انا بفكر في
جين 2 أوتو
صني سوبر سالون أوتو
وفي كذا حاجة بس دول اللي معلقين معايا
كان عندنا صني مانيوال قبل الأوبترا بس راحة لحالها بقي .. انا بحب ثباتها جدا جدا وكانت مانيوال وسحبها حلو بس ساعات بقول هيبقي أزاي أوبترا وصني في البيت !
وبرضه الجين 2 حلوة جدا
صحيح انا مبحبش الأوتو خالص
بس لو كدة يبقي أوتو عشان برضه الزحمة وقرفها
والعربيات اللي أخترتها الاوتو بتاعها كويس .. صحيح مش زي المانيوال بس حلو

ها ؟
أقترحوا عليا لحسان دماغي عمالة توديني وتجيبني