السواقه بالدراااااااع

**poussi** · 18-06-2011 11:30 PM

انا اول مره اكتب موضوع هنا بس بجد انا هفرقع من اللى شفته النهارده على الطريق

بدايه وانا خارجه من ميت غمر وباخد دوران يخرجنى من ميت غمر على الطريق اللى هو اتجاه واحد وطريقى وطبعا العربيات كلها ماشيه بسرعتها فانا دخلت على التراب خالص واذ فجأه الاقى فى وشى عربيه ماشيه مخالف طبعا لولا ستر ربنا كنت دخلت فيه لانى مركزه فى الطريق اللى انا طالعاله

المهم قلت والله ماهوسعله هو اللى يوسعلى وفعلا اتضطر انه يطلع على الطريق وانا اللى على التراب ولو كان اتخبط كان يبقى يستاهل لانه ماشى بغباء

قلت الحمد الله الموضوع عدى وباخد بقى ملف تانى يودينى على طريق رايح المنصوره وبرضه اتجاه واحد وادخل الملف الاقى مكروباص واقف ووشه ليا والناس بتنزل تتدلع ويتكلموا والسواق يضحك ويبصلى ويضحك بنت اللى سايقه بقى

طب يا غبى بدل ما تبص عليا اقف وقفه كويسه مش على ملللللللللف

الحمد الله ده كمان عدى

ربنا رزقنى بعربيه نقل ماشى بلا اشارات ابقى بعديه وفجأه الاقي البيه بيكسر عليا وادى كلاكس واشارات وولا هو هنا

وخدوا على كده كل ما اجى اعديه

لدرجه انى كلت مطب علشان اسبقه واديت الخامس وطرت على 140

المهم خلاص بقى داخله على المنصوره قلت الحمد الله عدت

واذ فجأه الاقيه عربيه طايره من اقصى اليمين الى اقصى الشمال بالعرررررض علشان البيه هياخد ملف

وانا بينى وبينه 10 متر ولا حاجه

ساعتها خلاص بقى فقدت اعصابى وفتحت الشباك وشتمته وانا اصلا اخاف اشتم حد ويسمعنى ممكن اشتم فى سرى

بس بجد كنت خلاص بقى فقدت اعصابى مش عارفه ايه كميه الغباء والاستهتار اللى على الطريق ده الكل بيسوق بالدراع

واكتر حاجه تضايق ان الكل بيبص للبنات اللى سايقه على انها كارثه ومش هتعرف تسوق وهتلبس فى اى حاجه تقابلها فى وشها

وابسط حاجه لو كنت خبطت فى اى حد من الحلوين اللى قابلونى النهارده كان هيتقال اه ماهى بنت اللى سايقه

غير بقى اللى يعدى من جمبى واحس انه داخل فى الصالون وضحكه بلهاء على وشه

نفسى بقى الناس تغير موضوع سواقه بنات دى مفيش حاجه اسمها سواقه بنات ولا ولاد فيه عربيه وسواقه وقواعد مرور نلتزم بيها الموضوع ملوش علاقه ببنت اللى سايقه ولا ولد

**pirlo2000** · 19-06-2011 12:09 AM

البنات اللي سايقة في الشارع صنفين...

ياما ملهومشي فيها يا ما محترفات جدا....... مفيش وسط

و ربنا يستر طريقك

**ahmedsrs** · 19-06-2011 12:27 AM

احسن حل تفيمى عشان التييت مالين الشوارع

**Mohamed_Rashad** · 19-06-2011 12:48 AM

حمد لله على سلامتك,

للأسف جهل, تخلف, ثقافة و عقلية متدنية و الأيام دي البقاء للأقوى!

**Kareem.ElAraby** · 19-06-2011 12:54 AM

ربنا يحفظ طريقك و كريقنا كلنا
بصراحه لما بألاقي بنت سايقه بأبعد عنها نهائي أولا عشان ما يتقلش عليا بأعاكس
و عشان لو والدتي سايقه ما حدش يرخم عليها و أخاف تدربك و تعمل مشكله

**ahmedfoud** · 19-06-2011 01:05 AM

المشاركة الأصلية كتبت بواسطة pirlo2000

البنات اللي سايقة في الشارع صنفين...

ياما ملهومشي فيها يا ما محترفات جدا....... مفيش وسط

و ربنا يستر طريقك

فعلا ....... بس مش صنفين بالظبط هما صنف و ربع بالتحديد صنف سواقتهم ضعيفه او علي رئيك ملهومش فيها و الربع بقي فعلا محترفاااااااااات جدا يعني سواقين اوتو كروس

**KHALED AYMAN** · 19-06-2011 01:10 AM

عادى ..ده الطبيعى لاى بنت سايقه عربيه :)
بس عادى بردو اعتبرى ان عينك بتبص لادام بس ..مش بتجيب يمين و شمال :)
الى يبص عادى ولا اكن فى حاجه
واضح للاسف انك بتسوقى كويس ..ومظلومه شويه وسط البنات الى سايقه
انا بقيت بعرف العربيه الى سايقاها بنت من غير ما اشوف الى جوا العربيه :)

**ahmedfoud** · 19-06-2011 01:14 AM

المشاركة الأصلية كتبت بواسطة poussi

انا اول مره اكتب موضوع هنا بس بجد انا هفرقع من اللى شفته النهارده على الطريق

بدايه وانا خارجه من ميت غمر وباخد دوران يخرجنى من ميت غمر على الطريق اللى هو اتجاه واحد وطريقى وطبعا العربيات كلها ماشيه بسرعتها فانا دخلت على التراب خالص واذ فجأه الاقى فى وشى عربيه ماشيه مخالف طبعا لولا ستر ربنا كنت دخلت فيه لانى مركزه فى الطريق اللى انا طالعاله

المهم قلت والله ماهوسعله هو اللى يوسعلى وفعلا اتضطر انه يطلع على الطريق وانا اللى على التراب ولو كان اتخبط كان يبقى يستاهل لانه ماشى بغباء

قلت الحمد الله الموضوع عدى وباخد بقى ملف تانى يودينى على طريق رايح المنصوره وبرضه اتجاه واحد وادخل الملف الاقى مكروباص واقف ووشه ليا :b4_556: والناس بتنزل تتدلع ويتكلموا والسواق يضحك ويبصلى ويضحك بنت اللى سايقه بقى

طب يا غبى بدل ما تبص عليا اقف وقفه كويسه مش على ملللللللللف

الحمد الله ده كمان عدى

ربنا رزقنى بعربيه نقل ماشى بلا اشارات ابقى بعديه وفجأه الاقي البيه بيكسر عليا وادى كلاكس واشارات وولا هو هنا

وخدوا على كده كل ما اجى اعديه

لدرجه انى كلت مطب علشان اسبقه واديت الخامس وطرت على 140

المهم خلاص بقى داخله على المنصوره قلت الحمد الله عدت

واذ فجأه الاقيه عربيه طايره من اقصى اليمين الى اقصى الشمال بالعرررررض علشان البيه هياخد ملف

وانا بينى وبينه 10 متر ولا حاجه

ساعتها خلاص بقى فقدت اعصابى وفتحت الشباك وشتمته وانا اصلا اخاف اشتم حد ويسمعنى ممكن اشتم فى سرى

بس بجد كنت خلاص بقى فقدت اعصابى مش عارفه ايه كميه الغباء والاستهتار اللى على الطريق ده الكل بيسوق بالدراع

واكتر حاجه تضايق ان الكل بيبص للبنات اللى سايقه على انها كارثه ومش هتعرف تسوق وهتلبس فى اى حاجه تقابلها فى وشها

وابسط حاجه لو كنت خبطت فى اى حد من الحلوين اللى قابلونى النهارده كان هيتقال اه ماهى بنت اللى سايقه

غير بقى اللى يعدى من جمبى واحس انه داخل فى الصالون وضحكه بلهاء على وشه

نفسى بقى الناس تغير موضوع سواقه بنات دى مفيش حاجه اسمها سواقه بنات ولا ولاد فيه عربيه وسواقه وقواعد مرور نلتزم بيها الموضوع ملوش علاقه ببنت اللى سايقه ولا ولد

الطريق دا انا مشيت عليه كتير ايام ما كنت بزور موطني الاصلي الجميل ........* المنصوره ........*
و فعلا مليان تجاوزات و خصوصا عند المزلقنات او عند القري الي علي طريق المنصوره الزراعي
المهم انتي غلطانه في بعض الحجات
اولا . مينفعش تفتحي الشباك و تشتمي اي حد مهما كان الحد دا تييييييييييييت , عشان متضمنيش رد فعلوا ايه و ممكن هوا كمان يشتم و الشتيمه تجرحك اوي هما غالبا مش بيأثر فيهم الشتايم خالص .

ثانيا . الاخ الي مردتيش تعديه الي طلع علي الطريق دا مكنش المفروض تعندي معاه حتي لو هوا الغلطاان بردوا تفاديا للمواقف المش شيك يعني .

اما بقا النصايح الي احب اديهالك و الي ادتها لاختي اما جت تسوق
اولا . مش فاكر نظام الفاميه في مصر ايه بس لو عرفتي تفيمي العربيه رسمي و تتكتب في الرخصه يكون ممتاز
ثانيا . بغض النظر عن الانفلات الامني الي في مصر دلوفتي لازم يكون في سلاح في العربيه جمبك و في متناول يدك علي طول زي الاليكتريك تشوك او السيلف دفينس .
ثالثا . تحت اي ظرف من الظروف في الوقت الحالي متسوقيش لوحدك بعد العشاء ابدااااااااااااااااااااا .

تحياتي

**Bassem Taha** · 19-06-2011 01:23 AM

المشاركة الأصلية كتبت بواسطة ahmedfoud

فعلا ....... بس مش صنفين بالظبط هما صنف و ربع بالتحديد صنف سواقتهم ضعيفه او علي رئيك ملهومش فيها و الربع بقي فعلا محترفاااااااااات جدا يعني سواقين اوتو كروس

مش اوييييييي كده

فعلاُ في بنات محترفة و بتعرف تخلص نفسها في الزحمة واساتذة جري بس مش اوتو كروس ومعظم البنات اللي بتشد بتبقى اوتو مش مانيوال يعني يا صباح الملاهي الي غرقت البلد

**poussi** · 19-06-2011 01:32 AM

شكرا ليكوا على الردود وعلى النصايح

انا فعلا مبحبش اشتم حد لانى مش ضامنه رد فعله بس من كتر اللى شفته النهارده على الطريق اكاد اكون فقدت اعصابى كل ما اخلص من حاجه الاقى حد تانى بيعمل حاجه غبيه

وربنا يسترها معانا فى طريقنا