الواحد يسافر اسكندريه صحراوى ولا زراعى افضل

ياجماعه انا رايح اسكندريه باذن الله وطبعا علشان القلق واللى الواحد بيسمعه اليومين دول فانا مش عارف اسافر من الطريق الصحراوى ولا الزراعى يعنى اللى سافر ياريت يقولنا ايهما افضل فى الوقت الحالى ولكم جزيل الشكر

من نصائح بعض الاعضاء هنا.السفر الصبح يكون احسن يعنى من 6 ص عشان الشمس كمان.وول مضطر تسافر بلليل او بعد الغروب.يبقى رجلك على دواسة البنزين ومتقفش لحد على الطريق.

وده اللى عملته بصراحة وانا معايا اهل بيتى ووالدى والدتى من اسبوع واحنا راجعين من بورسعيد.ضارب النور العالى وبحاول على قد ما اقدر ابعد عن العربيات اللى تقلق يعنى الربع والنص نقل .

وربنا يسترها بامره على الجميع واهم حاجة متنساش دعاء السفر وركوب السيارة.

وانصحك بالصحراوى على الاقل الطريق مكشوف.

توكل على الله وسافر زي ما تحب، وقول دعاء الركوب ودعاء السفر .. الحارس هو الله

أنا سافرت الأسبوع اللي فات أسكندرية بعد العشاء .. الطريق كويس جدا
وسافرت مطروح الظهر برضة مفيش أي مشكلة

بس بلاش تقف لأي حد وخلى معاك حاجة للدفاع عن النفس