هل الجنط 16 يركب على على الجوليت وهل ده هيأثر على العفشه ولا حاجه واجبلو كاوتش مقاس كام ولو مينفعش ايه اللى ينفع ؟؟؟؟؟؟
عرض للطباعة
هل الجنط 16 يركب على على الجوليت وهل ده هيأثر على العفشه ولا حاجه واجبلو كاوتش مقاس كام ولو مينفعش ايه اللى ينفع ؟؟؟؟؟؟
ايه يا جماعه هو السؤال صعب اوى كده فين الردود
ايه هو محدش يعرف اذا كان الجنط الـ16 يركب ولا لاء على الدايو جوليت ؟؟؟؟
16 كتير يعني علي عفشة الجوليت اعتقد ان 15 كويس اوي
Ibiiiiiiiiiiiiiiiiiiiiiiiiiiiiiiiizzzzzzzzzzzzzzzz zzzzzaaaaaaaaaaaaaaaaa For Ever
طب ماشى كويس 15 حلو بردو طب اركبلو كوتش مقاس كام بئه وهيكلفنى كام كلو على بعضو واجيبو منين انا عارف انى رخم وبتقل عليكو
استنى رد الأخ محمد ممدوح
لا 16 كبير اوى هى 14 او 13
بص يا مان انا معنديش فكرة تحديدا عن اسعار الجنوط بس بتبقي في حدود 900 جنيه و انت طالع علي ما اعتقد انما الفرد انا بجيب الفردتين بريدجيستون 175\65 جانط 14 للابيزا ب 560 جنيه بس اندونيسي احسن من اي حاجة اندونيسيا بلد المطاط الخام و يسعدوا معايا كتييييييير اخر فردتين جايبهم من سنتين بالظبط و لسه زي الفل صاحبي بقي معاه لانوس جايبلها فرد كوري هنكوك تقريبا بس هو اتنصب عليه شوية الاتنين ب 300 جنيه
Ibiiiiiiiiiiiiiiiiiiiiiiiiiiiizzzzzzzzzzzzzzzzzzzz zzaaaaaaaaaaaaaaa For Ever
بص حضرتك انا معلوماتي ضعيفة شوية بس اللي اعرفه ان حضرتك بتبص تشوف المقاس اللي بينزل معاها ايه وبتبص على الاطارات وتشوف البيانات ايه يعني مثلا 175/65/14 ده معناه ان الجنت اللي عندك 14يعني لو حضرتك عندك مقاسات الكاوتش 185/70/14
وبعد كدة بتدخل على الموقع ده وبتدخل بيانات الاطار بتاع حضرتك والموقع بيحسبلك حجم الاطار
وهتلاقي في الموقع اماكن تحط فيها مقاس الجنت الجديد وتغير مقاسات الكاوتش بحيث توصل لنفس حجم الاطار على مقاس الجنت الجديد. ممكن كلامي يكون صعب شوية بس اول ما تدخل على اللينك هاتلاقيه شارحلك كل حاجة وسهل جدا
وحضرتك عاوز تجيب جنت 15 في الحالة ديه بتجيب كاوتش 195/65/15 ولو عاوز جنت 16 بتجيب كاوتش 205/55/16 على حسب ما عربيتك تسمح
http://www.tyresave.co.uk/tyresize.htmlويارب يفيدك ان شاء الله
وممكن الخبراء هنا في المنتدى يفيدوك اكتر مني
كلام جميل جدا وزى الفل بس بردو محدش قالى واكدلى الجنط ال 15 يركب والعفشه هتبقى تمام ولا هتبوظ
براحة بس يا باشمهندس هو البيانات بتاعة الكاوتش عند حضرتك كام
بس المقاسات الاصلية اللي بتنزل مع العربية
نصيحة بلاش 15 هيبوظ العفشة ..وهتلافى الدريكسيون تقل شوويه والعربية هتدبدب فى المطبات خليك فى ال14 هيبقى كويس
لازم تعرف الأول مقاس الجنوط عندك ايه ( المقاس الأصلى طبعاً )
وفى كمان حاجة لازم تحطها فى أعتبارك أن كل لما تكبر مقاس الجنط كل لما الثبات و أستهلاك البنزين هيزيدوا والأحساس بالمطبات بيبقى أعلى شوية
يعنى أنا واحد صاحبى نزلت معاه نجيبله جنوط ل أكسنت ( المقاس الأصلى للجنط 13 )
جيبناله جنوط 15 165\60 أنطباعه انها هايلة فى الثبات وفرقها شاسع بس فى المطبات بتدب زيادة
أعتقد ان أقصى حاجة ممكن تتحط تبقى اكبر درجتين من المقاس الأصلى ومع مقاسات كاوتش معينة
اقصد انا مش بتخانق والله سورى لو ان مديقك
العفو يا باشمهندس انا بهزر معاك بس.بص ياباشا ادخل على الموقع ده بتاع ميشلان وحاول تدخل بينات عربيتك وهو هايقولك مواصفات الاطار الاصلي اللي بينزل معاها وكمان هايقولك على الاختيارات المتاحة في حالة التغيير وان شاء الله يفيدك
yes you can install 16
ممكن طبعا تركب 16
موضوع تقيل على الغفشة ده موضوع يختلف بإختلاف نظافة الجنط يعنى مثلا لو ركبت بى بى إس ممكن تركب 18 كمان
شوف وزن الجنط بتاعك و وزن الجنط الجديد و كمان لازم تعرف مقاسات الجنط بالضبط الموضوع مش موضوع جنط 16 وخلاص
المرجع بتاعك هو جنطك الأصلى شوف الأرقام اللى عليه
الجانط 16 كتير علي عفشة الجوليت هيتعبها لانها اصلا نازلة ب جانط 13 و معروف ان عفشتها مع الشغل بتتهربد بسرعة انا صاحبي مغير للانوس 2000 عفشة بالكامل و عاملة 125 الف كيلو انا رأيي لو عايز تجنط هاتلها جانط 14 و فرد 175\65 بريد جيستون لو عايز 15 يبقي 195\55 او 205\55 في البريد جيستون195\55 بيبقي جانط 15 و البيريللي بيبقي جانط 16 زي اللي نازل في الليون 205\55 جانط 16 فرد بيريللي انصحك ب 14 انما 15 و 16 هيتعبوها و طبعا كل ما زودت كل ما تتعب اكتر
Ibiiiiiiiiiiiiiiiiiiiiiiiiiiiiiiiizzzzzzzzzzzzzzzz zzzaaaaaaaaaaaaaaaa For Ever
الجنوط اللى الاصلى مقاس كام؟؟؟؟ممكن تشوف الكتالوج بتاعها هتلاقى مكتوب المقاسات اللى ممكن تشيلها العفشه
شكرا يا جماعه على ردودكم الجمليه وانا فعلا جت 14 وشكلو جميل جدا
ان شاء الله قريب هنزل الصور بتاعة عربيتى
لو كنت كتبت السؤال فى قسم الدايو كنت افدتك من زمااااااااااااااااااااااا ن
1- اللانوس بتنزل بجنط 13 للمواتير ال1350 و ال1500 و بجنط 14 لل1600
2- اللانوس بتنزل بكاوتش 13/70/175 للجنوط ال13 و 14/60/185 للجنوط ال14
3- ممكن تركب لحد جنط 17 بشرط ان مقاس الكاوتش يكون مناسب عشان الكاوتش ميحكش و عداد السرعة ميتلخبطش
4- الجنط ال16 يركب مع كاوتش مقاس 16/40/205
خلصنا الكلام النظرى... نخش فى العملى
1- الجنط ال16 لو مجبتوش خفيف حيهربد فى العفشة و يبهدلها... جنط 16 جفيف و متين حيكلفك مبلغ و قدرة... واحنا لسة مدخلناش على الكاوتش
2- مقاس 16/40/205 واطى اوى على مطبات و طرق مصر و كل مطب حتحس بية جامد و ممكن على سرعة تبوظ الكاوتش و تخلية يعمل بلونة او الجنط يتعوج و فى الحالات الشديدة يتكسر
3- لو جبت مقاس كاوتش اعلى من كدة حيحك و حياثر بالسلب على ثبات العربية
طيب ايه الحل؟؟؟
1- متجبش جنط اكبر من 15 للانوس... و يكون خفيف على قد ما تقدر عشان العفشة
2- مقاس الكاوتش يكون 15/50/15 للجنط ال15 و 14/60/185 للجنط ال14 ... اى مقاس تانى حيخللى العربية تعوم و عداد السرعة حيبقى مش مضبوط
مبروك عليك الجنوط الجديدة... متنساش تضبط زوايا و تحط نيتروجين
MMamdouh
شكرا اووووووى يا جميل بس انت كنت فين من زمااااااااااااااااااااااا ااااااان
معلش بس هوضح حاجه
المقاس اللي قلت عليه يا محمد 16/205/40 مش مظبوط اوي
اللي ادق منه 16/215/40
بس ده اعتقد ممكن يطلع بره الرفرف او يحك في المساعد من جوه
كنت فى قسم الدايو :D
MMamdouh
ههههههههههههههههههههههههه هه ونورت الموضوع يا جميل
و هدية منى ليك... جوليت بجنوط 18:
http://i83.photobucket.com/albums/j319/mmamdouh/rim.jpg
MMamdouh
تسلم ايدك جمليه اووووووووووووووى
انا على فكره شفت واحد معاه لانوس معايا من بنها ومركب جنط 17
نفسى الاقى جنط 17 لاوبترا 4خرم ابعاد 114 ياريت حد يرد عليا
الجنط الاكبر مش بيأثر عالعفشة ابدا المشكلة بتبقى في حاجة تانية خالص
الجنط الاكبر بيأثر على حاجتين مهمتين
الاولى هيا قوة الفرملة لان الفرامل بتاعتك بتبقى متصممة على اساس وزن معين ومقاس معين انت هتكبر الجنط ده وزن زايد كده فرامل العربية هتبقى اضعف
الثانية الوزن الزايد ده حمل اكبر عالموتور كده انت هتاكل كبالن اسرع وعزم عربيتك هيقل سنة لان الموتور بيبذل مجهود اكبر عشان يلف العجل
بالنسبة للعفشة التأثير مش زي ما الناس فاكرة
ده من واقع تجربة عملية
yerkab tab3an we yeb2a shaklo hayel
bas 5allik fi 15inch a7san 3ashan el 3afsha