-------------------->> عاوز اسافر اسكندرية 3 ايام ....... حد يعرف مكان كويس ؟

**JapRuleZ** · 19-06-2011 02:29 AM

عاوز اسافر اسكندرية 3 ايام بس للاسف معرفش اى حاجة هناك غير الفنادق و طبعا الاسعار اكيد عالية , يا ريت لو حد يعرف مكان فيه شقق او شاليهات مناسبة تبقى قريبة من الكورنيش
شكرا

**gaaz** · 19-06-2011 02:53 AM

تعالا يا عم ميامي حتلاقي الزحمة والارف كله

**misoalex** · 19-06-2011 04:23 AM

روح البيطاش او اكتوبر وابعد عن وسط البلد والزجمه اللى على الفاضى والعالم الهمج

والشقق هناك اسعارها كويسه وفيه شاليهات وفيه شواطئ مجانيه وشواطئ بفلوس

ونصيحه ابعد عن وسط البلد ميامى والعصافره والكلام ده

انت ممكن تنزل تتمشى هناك لكن تصيف هناك يبقى روح جمصه انضف هههههههههه

**Egyzizo** · 19-06-2011 05:19 AM

اقترح عليك شاطئ النخيل فى الكيلو 21 ، مدينة متكاملة فيها كل حاجة ، بحر وحمامات سباحة وفسح ومطاعم وسينمات ..
وهتلاقى شقق بأسعار كويسة اهدا بكتير من أسعار اسكندرية.

**devilishtigers** · 19-06-2011 08:11 AM

طيب حد يقولنا تقريبا الاسعار بتعمل كام
اصل انا عمري ما رحت اسكندرية إلا مرة واحدة وكانت صد - رد
وهل شاطيء النخيل فيه حمامات سباحة ؟؟ وهل بردو المكان زحمة ؟؟؟

**Egyzizo** · 19-06-2011 08:35 AM

ممكن بسهولة تلاقى شقق حول 100 جنيه فى اليوم ، وفيه شاليهات على البحر بس دى طبعاً هتبقى غالية. ودايماً فيه سماسرة لإيجار الشقق هتلاقيهم فى الشارع.

ميزة البحر فى شاطئ النخيل ان فيه مصدات للأمواج معمولة على طول الشاطئ ، فالبحر دايماً هادى.

الكثافة معقولة ، ماعدا أيام الجمعة والأحد بتبقى زحمة جداً.

فيه حمامات سباحة كتير، منها اللى تبع إدارة المدينة ، واللى تبع القوات المسلحة والخاص .. وكلها أسعارها معقولة ..

أنا جربت كتير ، ولقيت أفضلهم بتاع دار الدفاع الجوى اللى فى شارع 45 ، ممتــاز جداً ، وأسعار الطلبات والأكل على البيسين أكثر من ممتازة مع خدمة كويسة.

وعلى فكرة دار الدفاع الجوى ده فندق فخم وممكن تقيم فيه وأسعاره كويسه جداً مقارنة بالفنادق اللى فى مستواه (ممكن تجيب تليفونه من الدليل، اسأل على دار الدفاع الجوى/ شاطئ النخيل، واسأل على الأسعار ومدى خلو الغرف) .

وبالنسبة للفسح كأنك فى اسكندرية بالظبط ، جميع مطاعم الوجبات السريعة وغير السريعة موجودة والسينمات وكذا أماكن لألعاب الأطفال (ملاهى) .. إلخ.

**Seifmando** · 19-06-2011 09:19 AM

هو دار الدفاع الجوى دا ينفع احجز فيه لو انا مدنى ولا لازم عسكرى بس

**azmeralda** · 19-06-2011 10:38 AM

نفس السؤال

**Egyzizo** · 19-06-2011 02:41 PM

ممكن المدنيين يحجزوا فيه بدون مشاكل.

بس فيه ملاحظة ممكن تكون مهمة للبعض وهى انه الصيف اللى فات كان بيمنع دخول الجلاليب والدقون والنقاب ، ماعرفش بقى ايه الحال الصيف ده.

**JapRuleZ** · 20-06-2011 03:12 AM

مقيش غير 6 اكتوبر اصلى مبحبهاش باليل الدنيا تبقى ضايعة خالص
يعنى انا لقيت على الكورنيش فى سيدى بشر على 250 فى الليلة
بس خايف اسافر و ادور على سماسرة هناك فه risk بردو

الموضوع: -------------------->> عاوز اسافر اسكندرية 3 ايام ....... حد يعرف مكان كويس ؟

LinkBack

أدوات الموضوع

عرض

-

-

-

-

المواضيع المتشابهه

حد يعرف مكان ترصيص كويس

حد يعرف مكان كويس كورسات After Effect ؟؟

حد يعرف فني تركيب سيراميك كويس وشاطر في اسكندرية

حد يعرف سباك كويس وشاطر في اسكندرية

حد يعرف مكان ترصيص كويس؟

الكلمات الدلالية لهذا الموضوع

المفضلات

المفضلات

ضوابط المشاركة