-
ازمه ثقه
مبدائيا الموضوع مش سياسي و مقررتش اكتب هنا غير بعد ما فاض بيا
كنت من اوائل من نادوا بثوره 25 يناير قبل قيامها و الحمد لله شاركت فيها يوم 28 يناير جمعه الغضب في الزقازيق و كنت من المجموعه التي قامت بتكسير صوره الرئيس و تقطيعها و اخد واحده اخرى و حرقها امام المحافظه و كنت في حاله غليان شديد و سبب نزولي الثوره الشهيد سيد بلال و تزوير انتخابات مجلس الشعب بالاضافه الى موضوع التوريث
المهم بعد انتصار الشعب المصري الحمد لله و عند خطاب الرئيس الاول العاطفي من داخلي تاثرت به و بدات احلم بكوابيس بان الراجل ده مظلوم و ان اللي حواليه هم الزباله و عند تخلي الرئيس عن حكم مصر رقصت مع الناس و لكن كنت في حاله ضيق من داخلي لدرجه ان فكرت في السفر و ترك مصر رغم عشقي الشديد جدا لها
اعترف رغم خروجي ضد هذا الراجل و تقطيعي لصوره ان انا احبه حسبي الله و نعم الوكيل في الاعلام و التعليم بس انا من جيل التمانينات اللي اتربت على مبارك بقى انتم فاهمين قصدي
بعد خروج البلاوي السودا و اللي كل شويا تطلع بقيت اشغل فيديوهات ليه قديمه كويسه و فيديوهات تانيه جديده ليه زباله و قاعد عمال اقول ازاي ده بقى ده و ازاي انا اتخدعت السنين دي لا مش السنين دي انا اتخدعت طوووووووووووول حياتي ازاي واحد زي ده يبقى كدا و بقى عندي شبه ازمه ثقه في الجميع غير شعوري بالضيق بالخداع من انسان كان بمثابه الاب (من غير تريقه بس دي للاسف كانت الحقيق )
انا مش من جماعه اسف يا ريس انا بطالب بمحاكمه الريس حتى لو وصلت للاعدام بس حبيت افضفض شويه
تفتكروا المرحله دي ممكن الواحد يعديها و يعديها ازاي ؟
-
لأسف أزمة الثقة هنفضل عليشين فيها فترة زمنية مش قليلة وده شئ طبيعي لما تتكشف انك كنت عايش فى فيلم مفيش فيه اى حاحة حقيقية
بس انا برضه من جيل التمانينات ومش شايف اى حاجة لمبارك كويسة
يكفى ان الدولار فى اول عهده كان ب83 قرش وفى اخر حكمه ب 590قرش
شوف بقى انهيار الاقتصاد
-
الاخ الكريم
هون علي نفسك و دع الايام تسير كما قدر الله لها ان شاء الله ان تسير
يمكن انا اكبر منك انت و الاستاذ kono حبتين فأنا من جيل السبعينات و اذكر يوم موت الرئيس السادات و كيف كان البكاء في بيتنا و كأننا فقدنا العزيز الغالي لدي اي اسرة مصرية
و تعايشنا مع الامر الجديد و انفصلت بطبيعة الحال سياسيا عن موضوع مبارك لاني كنت طفل يعوله والده و كم كان والدي رحمة الله عليه حانقا علي مبارك و يقول دائما عنه انه لو لا يستطيع ان يجعل منا الافضل فاليتركها لغيره
اما والدتي فكانت تدافع عن مبارك و تذكر ابي رحمة الله عليه بأنهم اثناء عبد الناصر كان الحال به ايضا ما به
و اثناء السادات ايضا كانت هناك اشياء بها مشاكل يبقي مجتش بقي علي مبارك و هكذا الي ان شببت و بدأت الحياة العملية اعلم جيدا اني بفضل الله حينما اجتهدت في دراستي اكرمني الله و نجحت بتفوق لم يسرق مجهودي احد في عهد مبارك و حينما اشتغلت لم يأخذ احد مجهودي و لما ربنا و فقني بعد 7 سنوات من العمل ان أؤسس شركة انا و زميلي اكرمنا الله و امتلكنا ايضا شركة لا بأس بها في مجالنا في عهد مبارك ايضا و لم نرشي احد و لم نزور و لم نفعل المنكر حتي نصل لما اكرمنا به الله و لكن هل كنت اتمني ان اري بلدي بها هذا الكم الهائل من الرشاوي ( لا طبعا )
هل كنت اتمني ان اري هذا الكم الهائل من الفساد الاداري ( لا طبعا ) كنت من الذين نزلو لميدان مصطفي محمود لا حبا في الرئيس السابق و لكن لاني كنت علي يقين ان الثورة التي بلا رئيس سيحدث بها تخبط
و عملت موضوع هنا في المنتدي ( كيف للفرقاء ان يتحدو ) و تحدثت عن ان ميدان التحرير يجمع كل الاطياف و الاشكال و منهم للاسف البعض الذي لا يحترم الاخر و لكنهم استقوو ببعض ضد النظام و تغاضو عن نظرتهم لبعض و شكوكهم احيانا لبعض في سبيل هدف واحد و هو ازاحة النظام و قلت الخوف كل الخوف حينما ( يتفرغو لبعض ) و ها نحن نشرب من هذا الكأس
كنت اظن لو ان مبارك اكمل مدته كنا احتمال ان يكون حالنا افضل و مع مرور الايام شبه تأكدت انه لو اكمل مهمته ما كنا سنري فرد واحد يقدم للقضاء ( فالحمد لله ) علي ما و صلنا له و نفسي الا نفقد ما اكرمنا به الله من نتائج
و يطلع الرئيس السابق مبارك اي حاجة فهو ليس معه الا الله لانه لم يترك للناس فرصة خلال اخر 5 سنين ان يتقاتلو من اجله ( حتي حب الناس له ) مات مع العيش و التموين و البوتجاز و المجاري و ال و ال
يمكن انا محستش يمكن انا متأزتش بس هو لم يترك للناس شئ علشان يمنعو عنه الناس
و اكيد ربنا سيظهر الحق و يعطي كل انسان ما يستحق سواء في الدنيا او الاخرة
و ان شاء الله نجتمع كلنا علي هدف واحد و هو مصر جديدة بها العدل يسود
م.حاتم السباعي
-
كونو فيه حاجات لمبارك في التمانينات ما علينا مش موضوعنا انا قولت ان الموضوع مش سياسي
استاذ حاتم كلامك على عيني و على راسي بس الفكره كلها ان انهيار حاجه كانت كبيره اوي خصوصا لما بقيت تشوف بلاوي سودا و ان الشخص دا اخر همه انه يفكر فيك و بقى عندي حاله تشكيك في الجميع حتى في المجتمع من حولي لان لم اتعرض لحاله خداع او غسيل مخ زي دي قبل كده :s
-
الموضوع كان صعب على الجميع
وفيه اللي ربنا هيئله جماعة أو مجموعة واعية سياسيا وقدر يفهم الوضع كويس
الحمد لله إن ربنا يسرلي التعامل والتربية على يد الإخوان المسلمين في بلدي وتجرعت جرعة كافية من السياسة تجعلني أميز بين المختلفات وكنت بأهتم بقراءة الجرائد والكتب وخصوصا الجرائد النظيفة مث جريدة الشعب وآفاق عربية ومقالات مجدي حسين
انا كنت ساعات اتناقش مع واحد أركان حرب في الجيش قريبي عن موضوع الغاز
فيقولي الظاهر فيه بنود سرية لإتفاقية السلام بتفرض على مصر كده
وحاولت أفهمه إن مبارك ده خائن وعميل وإنه باع البلد ما قدرتش
أكيد هو كمان كان مخدوع أكتر منك ودلوقتي فهم
ومرة حاولت أفهم واحد اخ سلفي إن مبارك عايز يعين ابنه بأي تمن وهو يأكدلي إن مبارك أقسم لقادة الجيش إنه رافض شخصيا أي محاولة لتوريث إبنه وطلب من الجهات الأمنية إنهم يعتلقوا إبنه لو حاول التقدم للإنتخابات
لكن لا تفقد الثقة ولكن تعلم من التجربة أن لا تثق في أحد ثقة عمياء وخصوصا من يسمون نفسهم النخبة
ولا تفقد الثقة في أي شخص أو جماعة لمجرد ان الإعلام تناولهم بطريقة مكثفة لأنه قد يكونوا مظلومين
المهم إنك دايما تسأل نفسك سؤال : لماذا فعل هذا الشخص أو هذه الجماعة هذا الموقف ؟
وسعتها هتقدر تقيم كل واحد
تحياتي
-
كتشكر جددا يا استاذ يوسف و يا رب ربنا يعوضنا خير في البلد دي
Content Relevant URLs by
vBSEO 3.6.0 PL2