ايه الفروق فى الكامله المانيوال والكامله الاوتوماتيك
الفرق فى السعر مش مجرد فرق الفتيس بس ولا هى هى نفس الكماليات بس اختلاف الفتيس :confused:
ايه الفروق فى الكامله المانيوال والكامله الاوتوماتيك
الفرق فى السعر مش مجرد فرق الفتيس بس ولا هى هى نفس الكماليات بس اختلاف الفتيس :confused:
فى الجين 2 نفس الكماليات و لكن الأختلاف فى الفتيس
فى الواجا كان فية موديل اسمة بريميوم و دة كان فية حاجات كتيير جامدة جدا زيادة بس التوكيل بطل يستوردة
بالنسبه الجين 2 هي هي بالظبط اختلام فتيس
ال waja تقريبا برضه زي الجين 2 بس مش متأكد بالنسبه waja
شكرا يافهد على الرد ... بس ملاحظ ان الاسعار زادت اليومين دول عن اخر مره شفتهم على كونتاكت الاسبوع اللى فات
الف شكر على الرداقتباس:
المشاركة الأصلية كتبت بواسطة Anti_virus_abdo
للاسف الواجا مافيش منها جديد لان التوكيل وقف استيرادها و حتنزل فى شهر اغسطس القادم .
لكن ممكن تلاقى عربيات واجا " استوك " عند المعارض موديل 2006 , 2007 ........ وحتبقى ارخص من تمنها تقريبا ب 5 او 6 الاف جنيه .
المهم نرجع لنقطة الفروق وحبدأ بالواجا
واجا مانيوال :-
ودية بتنزل فول اوبشنز ( مرايات كهرباء " تحريك فقت وليس فتح وقفل " ,4 زجاج كهرباء , راديو سى دى بلاير " كلاريون " + 6 سماعات , سينسورز خلفى للركن , مفتاح ريموت+ ايموبلايزر , جنوط 16 بوصه , تنجيد الكراسى قماش ) .
واجا اوتوماتك :-
نفس كماليات المانيوال بس بتنزل ب جنوط مختلف " اعتقد والله اعلم 15 بوصه " .
واجا اوتوماتك بريميوم :-
ودية بقى الحقيقة تحفه بكل المقاييس . فول اوبشن , بتنزل بنفس الجنوط ال16 بوصة الى فى الواجا المانيوال ,الصالون بالكامل وفرش الابواب جلد طبيعى فاخر جدا , ABS +ABD , تحكم فى ارتفاع وانخفاض الاضاءة الامامية الكترونياً , راديو كاست + سى دى " يعنى ممكن يشغل شرايط كاست ويشغل سى دى " , تحكم كامل فى المرايات تحريك وفتح وقفل المرايات الكترونياً .
----------------------------------------------------------------
نيجى للجين 2
الجين 2 بتنزل بنفس الاوبشن سواء مانيوال او اوتوماتك
فول اوبشن ( سنتر وزجاج ................... ) مريات كهرباء تحريك فقط وليس فتح وقفل, تعديل مستوى ارتفاع وانخفاض الاضاءة , جينوط 15 بوصه , راديو سى دى بلاير ,
بيزيد بس فى الاوتوماتك ان فيها كروز كنترول .
افهم من كده يامهاب ان المانيوال اللى موجوده دلوقتى مفيهاش Abs . Ebd ؟؟؟
حافظ باشا ............ الجين 2 فيها ABS , EBDاقتباس:
المشاركة الأصلية كتبت بواسطة M_HaFeZ
و ده كلام التوكيل و من كذا مصدر هناك ( توكيل الصحراوي )
ياباشا ربنا يخليك انا عارف والله ...اقتباس:
المشاركة الأصلية كتبت بواسطة tutankhamoun
بس كنت بسأل مهاب على الواجا وده من كلامه ان النسخه البريميوم هى اللى فيها ال ABS , EBD
الجين عربيه وهميه طبعا وبتمناها والله ... بس المشكله زى ماقولت هو الاتساع علشان اخوك طويل اوى :(
وربنا ييسر ونشوفها على الطبيعه فى اقرب فرصه
هو من كلام حضرتك فى موضوعك التانى حضرتك 200 او 201 سم على ما أظن...
أنا طولى 185 و لما اتفرجت على الجين 2 كانت واسعه بالنسبالى و النيوبيرا و الاكسيل و الكورسا الهاتش برده نفس الكلام... برجع الكرسى لورا أوى و بسيب حته صغيره أوى بطلعها لقدام...
**بالمناسبه الكورسا السيدان معرفتش ادخل فيها!!!
و كمان عندى مشكله فى ركبتى لما بتت تنى كتير بتوجعنى عشان كده بحد السيدان أكتر.. لان الماتركس بدخل و بستريح.. بس ركبتى بتوجعنى أسرع.. عشان الكرسى واقف شويه...
أنا قصدى لما تبقى أطول و مش فارق معاك ركبتك .. يبقى احتمال كبير تعرف تركب.. بس أنا معرفش ال 15 سم دول يفرقوا اد ايه :(
بصوا يا جماعة بالنسبة للواجا الكاملة إللي كانت بتنزل وأسمها بريميوم فعلا .. كانت بتزيد عن الأتوماتيك والعادية في ABS - Air Bags وتطعيم أبانوس ومثبت سرعة وبرضه جنوط سبور 16
أما الفرق بين العادة والأوتوماتيك ففي موديل 2007 كل الأوبشن الباقية موجوده في الموديلين إلا الفتيس ..
أما موديل 2008 فإللي أعرفه أنهم حيغيروا الموتور حيبيقي زى بتاع GEN II CamPro والجنوط حتبقي 15 لآن الجنوط 16 لقوا أنها محملة علي العربية وبتتعب الكارتيرات بتاعة العجل ..والله أعلم ..
بس هي بفضل الله وعن تجربة 40000 ك معاها عربيه تحفه .. بسم الله ماشاء الله
وفعلا فرصة أنك تاخد موديل أقدم شوية بفارق سعر .. فكرة ممتازة .. جدا .. مع ملاحظة أنها عربية من فئة العربيات الفخمة ..
والعيب إللي فيها هو أنها مع المطبات اللي بتتاخد بغشومية ممكن تعمل صوت خفيف في هوايات التكييف بمرور الوقت ..
والله أعلم ..
تمام ياباشا انا طولى كده تقريبا ....
انا جربت الاسبوع اللى فات الفيرنا كرسى السواق ... تجربه مريعه الصراحه وكان لازم الكرسى يرجع لورا اوى
الفيرنا ماظنش تنفعك.. عشان حتلاقى الدركسيون فى حجرك :).. عن تجربه :)
النيو اكسينت ممكن .. بس مش أكيد!
للاسف الواجا المانيوال او الاوتوماتك " استاندرد " مافهاش ABS ,ِABD ولا ايرباجزاقتباس:
المشاركة الأصلية كتبت بواسطة M_HaFeZ
الواجا البريميوم بس هية الى فيها ايه بى اس وايرياجز .
"" فكرت فى الواجا البريميوم المستعمل , ولا عاوزعربيه زيرو بس ""
اقتباس:
المشاركة الأصلية كتبت بواسطة M_HaFeZ
:D انسى الفيرنا نهائى ........ انا جربتها فى التوكيل وعرفت اعقد فيها بس مكانش فى مساحه ورايا لحد يقعد خالص . + انك حتحس انك راكب عربيت ملاهى :) + ان خاماتها سيئة جدا جدا جدا .
السلام عليكماقتباس:
المشاركة الأصلية كتبت بواسطة MohabSaeed
انا عندى بريميوم 2006
وبصراحة مفهمتش موضوع تشغييل الكاسيت ده, هل هو موجود فى 2007 بس؟
و الاستاذ أبو العلا قال "بصوا يا جماعة بالنسبة للواجا الكاملة إللي كانت بتنزل وأسمها بريميوم فعلا .. كانت بتزيد عن الأتوماتيك والعادية في ABS - Air Bags وتطعيم أبانوس ومثبت سرعة وبرضه جنوط سبور 16
"
برضه انا معنديش مثبت سرعة, هل ده فى 2007 بس
يا رب يكو ن عندى ومش واخد بالى
لا هيه مفهاش مثبت سرعه ..... انا قصدى على الجين2 الاوتوماتك هلى الى فيها مثبت سرعة, وبالنسبة للكاست انا عندى البروشور مكتوب فى راديو كاست + سى دى ....... فى البريميوم .اقتباس:
المشاركة الأصلية كتبت بواسطة ahmed_moslem
ومكتوب راديو سى دى فى الاستاندرد .
كان عندى استفسار لحضرتك بالنسبه لاستهلاك البنزين ........... اية اخبار الواجا الاوتو فى استهلاك البنزين ... و ال10 لتر بيمشو كام كيلو .... فى المتوسط .... وفى الطوالى ....... وفى الزحمه
السلام عليكم ورحمة الله وبركاته
أولا بلاش حضرتك دى وخلى البساط أحمدى
استهلاك البنزين اول ما اشتريت العربية (مستعملة من عز العرب الصحراوى)كانت بتعمل 180 كيلو بس فى الصفيحة (20 لتر يعنى)ده اذا عملتهم كمان
بعد كده اخدتها للتوكيل واشتكيت (العربية لسة فى الضمان) ومعرفش بصراحة عملوا فيها ايه بس دلوقتى استهلاكها على الاقل 210 كيلو للصفيحة وحوالى 60% من سكتى طوالى وده مع استعمال متقطع للتكييف (لسه مسافرتش بيها)
اقتباس:
المشاركة الأصلية كتبت بواسطة ahmed_moslem
وعليكم السلام ورحمه الله وبركاته
انا معاك فى موضوع البساط ..........خليه احمدى :)
اعتقد ان 210 فى ال20 لتر نسبه كويسه لعربية 1600 اوتوماتك
انا عامل احصائيه عندى لوضوع استهلاك البنزين .... مخلى نوته صغيرة وقلم ..... وكل ماجى افول العربيه بشوف خدت كام لتر وبشوف مشيت كام كيلو وبقسمها ............. انا مش فاكر الارقام بالظبط لكن لما انزل حجيبها .
تمام ماتنساش تقول لنا بتعمل كام فى الصفيحة علشان أقيٍم استهلاك عربيتى
انا كنت عايز أسأل حضرتك متعرفش ميكانيكى كويس للواجا بالذات
أصلها عامله لغاية دلوقتى حوالى 50000 كيلو وناقصلى 10000 كيلو و أخلع من صيانات التوكيل (ملتزم بيها علشان الضمان).
سؤال تانى (معلش أصلى مصدقت ألائى حضرتك لأنك كنت أول من أقنعنى بالواجا فى دى فى دى فور اراب) هل هناك قطع غيار مشتركة بين الواجا واللانسر
انا بسأل لأن كارتيرة زيت الفتيس عندى كانت اتخرمت ولقيت بتاعة اللانسر زى بتاعتى بالظبط فحبيت أعرف الموضوع ده لأن أكيد قطع غيار اللانسر أكتر بكتير من الواجا
وأشكرك مقدما
:)اقتباس:
المشاركة الأصلية كتبت بواسطة ahmed_moslem
انتا يا اخ احمد.... بتقولى بلاش حضرتك .... ودلوقتى بتقولى حضرتك ...مش قولنا خلى البساط احمدى :)
انا مبسوط جدا انى قدرت اقنعك بالواجا " المفروض عز العرب يدينى نسبه من مبيعات الواجا :)..... " .
بس حقيقى اختيارك موفق جدا جدا ... بسم الله ماشاء الله الواجا عربية محترمه جدا جدا ...و تحسسك انها مختلفه عن كل العربيات الى فى فئتها ..........تحس انها انيـــــقه جـــدا وبشكل غير عادى ..........." احساس جميل جدا انك تخرج بره نمطية السيارات اليابانيه والكوريه المنتشره ".
قبل ما اسرح فى التصميم والخطوط .... حرجع للموضوع الاساسى :D
بالنسبة لموضوع الميكانيكى ...... انا الحقيقه معرفش حد بيشتغل فى الواجا او عربيات بروتون عموما .... بس لما نزلت اسأل على قطع الغيار فى شارع دمشق.....نزلت على صاحب محل " المدينه .. الحقيقه انسان غاية فى الاحترام "
المهم..... قالى انتا لو حبيت تركب اى قطعه غيار بره انا اعرف ناس كويسين جدا جدا ويركبولك اى حاجه ..... هو صاحب المحل فعلا انسان محترم جدا ..... اعتقد لو حينصحنى بميكانيكى يبقى لازم يكون واثق منه ... لان لو اى حاجة حصلت حتبقى فى وشه .
فى مركز امير وجوزيف ارخص شوية من التوكيل .... بس زحمه واسعارهم مش قليله برده وسعات بيعملو شغل .. يعنى يقولك غير كذا وكذا وكذا
بالنسبة لموضوع الكرتيره ......
الواجا بتشترك مع الميتسوبيشى لانسر ال 1600 فى الموتور والفتيس " الاتنين واحد " بس الفتيس الانسر القديم مش ال cvt .
حتى نفس كود الموتور واحد فى العربيتين 4g18 وانا متأكد بنسبة 100 % من الموضوع ده
بس اعتقد فى اختلاف فى ECU ...... لان نسب العزم و الطاقه الحصانيه مختلفه .
بس ميكانيكيا الموتورين بالفتيس واحد 100 % حتى ابعاد البيستون واحد بالظبط .. وسير التوقيت " الكاتينة " واحد .
اعتقد مافيش مانع من تركيب كارتيره فتيس لانسر لان الشركه الى مصنعه واحده والموديل واحد .....
الواجا و الانسر متطابقان فى الموتور والفتيس ... لحد هنا وكل شى مختلف ... المساعدين والعفشه كلها و اقراص الفرامل والتيل ..... كل شئ مختلف , علاشان كان فى واحد بيقولى ان تيل الانسر بيركب فى الواجا ........... الكلام دة غلططططططططططططططط جدا.... والى اكدلى المعلومه .. مالك العربيه الى اشتريتها منه .
بالنسبه لمعدل استهلاك البنزين:-
فى مره مشيت 160 كيلو ... ولما جيت افول خدت 12 لتر ... 50 % من المسافه كنت مشغل التكيف
, وكنت ماشى 50 % مشى على طرق سريعه - 50 % فى الزحمه . + ان معظم الوقت كنت بكون لوحدى فى العربيه .
يعنى معدل الاستهلاك كان 7,5 لتر لكل 100 كيلو .
-------------------------------
فى يوم تانى مشيت 186 كيلو و فولت خدت 17 لتر
كنت مشغل التكيف معظم الوقت بنسبه 60 % تقريبا او اكتر و ماشى فى طرق زحمه بنسبة 70 % ... وكان فى وقت ركب معايا شخصين فى العربيه فى حوالى 30 % من المسافه ديه
وكان معدل الاستهلاك 9 لتر لكل 100 كيلو .
-----------------------------------
دلوقتى انا ماشى بالعربيه من غير ما افول 393 كيلو " نفسى والله مسدوده ادخل اى محطة بنزين:( "
و المؤشر فوق النص بشويه صغيره
http://www5.0zz0.com/2008/05/09/23/470702662.jpg
عماتا انا لسه شارى العربية من فتره قصيره ومأختبرتهاش فى كل الظروف .
لو عندك اى استفسار يا استاذ احمد انا تحت امرك .
جزاك الله خيرا
ممكن توصفلى عنوان المحل بالظبط
وبالنسبة لاستهلاك البنزين فأنا شايفة ممتاز - ربنا يبارك لك -
سؤال كمان : عندى العربية رصاصى تلجى - يعنى لا فاتحة ولا غامقة- والتكييف بتاعها بصراحة ضعييف ولو واقفة فى شمس واتحركت بيها وشغلته على اخره يادوب يلطف الجو وما اعتقدش انه هييؤثر على باقى الصالون - اللى قاعديين ورايا- خاصة ان الصالون واسع
رأيك المشكلة فى شحن التكييف فقط ولا فى حاجة تانية ولا هو تكييف الواجا ضعييف فى الحر
معلش سؤال كمان
هو العجلة الاحتياطى جنت سبور زى الاربعة ولا عادى
أصلهم ادولى عجلة 13 انش اخرها 80 كيلو فى الساعة يدوبك توصلنى لبتاع الكاوتش لو حصل حاجة
الويجا البريميوم زيرو 2007 ممكن نلاقيها فى المعارض؟
و تقريبا يبقي سعرها كام؟؟
و فى منها مانيول ولة كلها اتومتيك ؟
و جزاك الله خيرا
الله يخليك يا استاذ احمداقتباس:
المشاركة الأصلية كتبت بواسطة ahmed_moslem
انا حقولك بالظبط على الى حصل معايا فى الموضوع ده بالذات لانه كان مقلقنى فى الاول .. وانا اساسا موسوس جدا.
* قبل ماشترى العربيه
انا لاحظت الموضوع ده لما جيت اجرب العربيه اول مره قبل ماشتريها " مالك السياره الاول " كان راكنها فى الشمس .. ولما فتحت العربية كانت نااااااااااااااار بمعنى الكلمه . المهم دورت وفتحت التكيف حسيت انه سئ وخدت العربية لفه وقولتله التكيف ضعيف .... قالى ماتحكومش عليه دلوقتى احنا لسة مشغلينه من اقل من دقيقتين ... قالى انا فى اغلب الوقت مش بطلع عن 2 لما بشغله ؟!!.
المهم هو كان فاتح زرار " فريش اير " لما انا قفلته حسيت بتحسن شويه فى قوه تدفق الهوا ... وسقوعية الهوا .
بعد ماشتريتها .
اول ما بشغل التكيف فى يوم حر " وتكون العربيه مركونه فى الشمس "..... بعمل الاتى ....
1- بفتح الااربع شبابيك على الاخر لمده دقيقه ...
2-وبعدين افتح التكيف واسيب الشبابيك مفتوحه بعد مافتح التكيف لمده نص دقيقه ..... علاشان الهوا السخن يخرج وبعد كده بقفل الشبابيك
3- بفتح المروحه على اعلى حاجة 4
4 بظبط تدفق الهوا على الفتحات الاماميه فقط . + " دايما قافل زرار الهوا الخارجى ".
5- بعد اقل من ربع ساعه بحس بالتجمد وبقلل التكيف على 2 .... ولو لسه حاسس بالبرودة بأعيد توزيع تدفق الهوا على الفتحات الاماميه والفتحات السفلى .
مره من المرات ... قللت درجه الكمبريسور ... لانى فعلا مققدرتش استحمل سقوعيته
حاجه كمان التكيف ماتحكمش عليه اول ماتشغله لازم تديله على الاقل 10 دقايق خصوصا لما تكون العربيه مركونه فى الشمس فى الايام الحر .
جرب الطريقه بتاعتى ...........ان شاء الله حتجيب نتيجه لانى كنت بقول نفس الكلام لما جيت اشتريت العربيه فى الاول خالص .
لو مجابتش نتيجه ..... يبقى احتمال يكون الفريون ناقص .... وان كنت اعتقد ان ده احتمال ضعيف .
ممكن توديها التوكيل " على اساس انك لسه فى الضمان " او حد متخصص تكيفات يقيس ضغط الفريون وينضف الفلتر .
* ملحوظه *
- توزيع الهوا" التوجيه الهٌوايات " مش ممتاز 100 % ف ده سعات بيديك احساس ان التكيف وحش .
- بالنسبة ل الى بيقعد ورا ...... حقيقى كل الى ركب معايا وسالته حاسس بالتكيف كان بيقولى اه ومحدش كان بيحس بأى مشكله .
- التكيف بيبقى قوى جدا لما امشى بالعربيه بسرعه فوق ال 60 .
-----------------------------------------
بالنسبة لعنوان محل المدينه ..... هو فى شارع دمشق فى مصر الجديده ... الحقيقه انا نفسى لغاية انهارده مابعرفش اروح شارع دمشق لوحدة بتوه :) لازم بروح مع حد من اصحابى .
صاحب المحل اسمه مصطفى على ... وهو انسان فعلا زوق جدا و مش لما كنت بساله على قطع الغيار واسعارها .... كان بيتكلم معايا عادى من غير مايتدايق .
وده رقم تلفونه " 0101809819 " .
لو عندك اى استفسار عن قطعه معينه او سعر قطعه حيقولك
وفى كمان اتنين فى نفس الشارع متخصصين فى بروتون ..... بس المدينه احسنهم سعرا و فى المعامله .
انا عندى الاستبن برده طاره حديد مش جانت وده عادى ... علاشان يوفرو مساحه الجانت العادى " العريض " للشطنه ... حتى هو اسمه " space saver " . بس هو مش 13 هو 16 بوصه بس رفيع جدا وفعلا اخر سرعه ليه 80 .اقتباس:
المشاركة الأصلية كتبت بواسطة ahmed_moslem
للاسف مافيش واجا زيرو فى التوكيل و فى المعظم المعارض حاليا ..... وبالاخص البريميوم مش موجوده نهائى لانها كانت بتتباع زيرو ب 103 الف جنيه ومكانش عليها اقبال..... فى بريميوم مستعمل بس عند عز العربي وبتبقى بحاله ممتازه . وسعرها كويس .اقتباس:
المشاركة الأصلية كتبت بواسطة muslem
فى واجا زيرو موديلات 2006 .... 2007 ... اوتوماتك ومانيوال ...... استوك ....... انا شوفت واحد بيبيع واجا زيرو استوك امبارح فى الوسيط كانت اوتوماتك وعاوز فيها 88 طبعا هيه حتنزل ممكن لحد 84 او 85 .
حضرتك لو عاوزها ممكن تدخل على موقع الوسيط على الانترنت وتعمل بحث على بروتون .
جزاك الله خيرا على المعلومات القيمة
اهلا بيك يا دكتور
بخصوص سؤالك الواجا اعلى من الانسر و الميزه المهمه انها مابتهبطش اوى مع الحموله .