الموضوع: التوكيل بتاع نيسان مبئاش قد كده

ازيكوا يا جماعه انا بعرض الموضوع ده عشان روحت اعمل صيانة الالف في توكيل السبع يوم الخميس حلولي مشاكل كتير و عملولي مشكلتين حليت واحده منهم بايدي و انا متدايئ لان المفروض ده توكيل

رجلاش الدريكسيون : انا روحت اعمل صيانة الالف كان فيها زي صوت نقره خفيفه في الدريكسيون لما اهزه شمال و يمين او في المطبات قامو ربطوا تقريبا الرجلاش جامد فالدريكسيون تقل و بقى ميردش بسرعه المهم العربيه خرجت و محدش قالي انها خرجت و لقيتها بره قولتلهم محدش هايسلمهالي قالولي لو فيها حاجه تعالى يوم السبت و روحت السبت ما كان من المهندس الا انو يقولوا انها كده!!! و بعدين قالي هادخلها يتعاد رجلاشها دخلت و طلعت ابص عليها العربيه و قفوها جوه 10 دقايق و خرجوها لقيت المهندس بيقولي عملناها قولتله ما نا واقف فوق محدش عمل حاجه في العربيه المهم سكت و بلم و بعدين قالي هي كده (قلة ادب) جربت و روحت تحت البيت ظبطها انا و هابلغ جهاز حماية المستهلك

تغيير الزيت: بفتح الكبوت ابص على الزيت لقيت فيه زيت حوالين غطا الزيت (حطين زيت زياده) عن 2.7 تهريج و توكيل !!! المهم لما نزلت ابص تحت العربيه لقيت زيت مرشح على كارتيرة الزيت !!! و لسا الوضع على ما هو عليه.
ها اعمل ايه دلوني.

طب و مشكلة الزيت الي حطوه زياده و الي مرشح على الكارتيره اجربه ازاي يا استاذ احمد و حضرتك عارف مبيدخلوش حد الورشه عشان ابص تحت العربيه و اشرحلهم و انا متاكد من قبل ما اروح هايقولولي عادي حتى لو العيب اودام عينهم هايحسسوك انت الي عبيط مبتفهمش و يمشوك على كده