مفاجأة التيل مش بيخلص بسرعة

**farag_alla_83** · 19-06-2011 10:12 AM

السلام عليكم ياوحوش بروتون اولا , اول امبارح سمعت صوت تصفير جامد في العجلة اليمين قدام زي ما تكون بتحك معدن بمعدن والصوت مكانش عايز يروح خالص بل بالعكس بيزيد المهم انا قولت أكيد التيل خلص روحت امبارح المدينة الصناعية عندنا في السويس لأن مكنش ينفع أسافر بالعربية وهي فيها المزيكة اللي صدعتني وعشان كمان الطنابير ميجرلهاش حاجة المهم روحت وكشفت على التيل لقيته فعلا وصل لحد الحديدة اللي معمولة عموديا على التيل المهم دورت على بوش او مايلي ملقتش خالص وغصب عني اشتريت التركي Beser بتاع فيات ستيلا(أو) بترا ب 80 جنيه والحمد لله الأداء جيد حتى الأن وطلعت على الطريق وجبت 120 كم/ساعة وجربته وكان الأداء جيد يكاد يصل للتيل الأصلي المهم بقة لما مسكت التيل الأصلي لقيت إن فيه حوالي التلت بس الحديدة العمودية هل اللي بتمنعه عن الطنبورة فعلى ما أظن وبردوا محتاج أرائكم إن شركة بوش عمله الموضوع ده كأمان عشان تاخد بالك من ان التيل قرب يخلص لكن من الممكن انك تشيل الحديدة وتركبه تاني وعلى حسب ما رايت ان ممكن يمشيك من 5000 -10000 كم يعني انا داخل على 20000 كم يبقى كان ممكن يمشيني لغاية ال 30000 كم لأن أي تيل تاني مفيهوش الحديدة العمودية فبيصفر لما بيوصل للأخر عشان كدة بنقول انه بيعيش أطول , مستني أرائكم

**mahmoud_magdy** · 19-06-2011 11:52 AM

عن نفسي مغيره على ال 30 الف
وفضلت ماشي عالمزيكا اللي حضرتك سمعتها فتره مش قليله
وبعد ما غيرتو بقى في مزيكا احلى من الاولى لدرجه اني عاوز انط من العربيه وهو بيصفر(مستفز جدا)
مبروك التيل الجديد :d

**mememsaid** · 20-06-2011 03:10 PM

مش عارف
بس لو كدا الحديده العموديه ديه مش ممكن تأثر علي الطنابير ؟؟؟

**mangere90** · 20-06-2011 07:19 PM

المشاركة الأصلية كتبت بواسطة farag_alla_83

السلام عليكم ياوحوش بروتون اولا , اول امبارح سمعت صوت تصفير جامد في العجلة اليمين قدام زي ما تكون بتحك معدن بمعدن والصوت مكانش عايز يروح خالص بل بالعكس بيزيد المهم انا قولت أكيد التيل خلص روحت امبارح المدينة الصناعية عندنا في السويس لأن مكنش ينفع أسافر بالعربية وهي فيها المزيكة اللي صدعتني وعشان كمان الطنابير ميجرلهاش حاجة المهم روحت وكشفت على التيل لقيته فعلا وصل لحد الحديدة اللي معمولة عموديا على التيل المهم دورت على بوش او مايلي ملقتش خالص وغصب عني اشتريت التركي Beser بتاع فيات ستيلا(أو) بترا ب 80 جنيه والحمد لله الأداء جيد حتى الأن وطلعت على الطريق وجبت 120 كم/ساعة وجربته وكان الأداء جيد يكاد يصل للتيل الأصلي المهم بقة لما مسكت التيل الأصلي لقيت إن فيه حوالي التلت بس الحديدة العمودية هل اللي بتمنعه عن الطنبورة فعلى ما أظن وبردوا محتاج أرائكم إن شركة بوش عمله الموضوع ده كأمان عشان تاخد بالك من ان التيل قرب يخلص لكن من الممكن انك تشيل الحديدة وتركبه تاني وعلى حسب ما رايت ان ممكن يمشيك من 5000 -10000 كم يعني انا داخل على 20000 كم يبقى كان ممكن يمشيني لغاية ال 30000 كم لأن أي تيل تاني مفيهوش الحديدة العمودية فبيصفر لما بيوصل للأخر عشان كدة بنقول انه بيعيش أطول , مستني أرائكم

حضرتك جبته منين من السويس اصل اخوك من السويس برده

**RedBull_30** · 20-06-2011 11:53 PM

انا عن نفسي غيرته بعد ال 40 الف كيلو وكان لسة فيه بس خوفت على الطنابير و سبحان الله غيرته بالتيل بتاع التوكيل اللي في النهاية بوظ الطنابير بس انا انا حاليا ركبت للعربية التيل البوش الايطالي

يا ريت حد يقولي اجيب منين طنابير جديدة او مستعملة بحالة جيدة , بس بالله عليكم محدش يجيبلي سيرة التوكيل عشان عندي منه حساسية