السلام عليكم و رحمة الله
انا قررت مؤخرا انى اغير زيت فى البنزينه و مش فى التوكيل , لأن الحقيقه سمعت عن ناس كتيير بتشكك فى عملية تغيير الزيت و من ان الزيت بيتغش
المهم انا سؤالى هوا , العربيه بتاخد كام ليتر زيت ؟ انا بستخدم زيت موبيل 1
شكرا
عرض للطباعة
السلام عليكم و رحمة الله
انا قررت مؤخرا انى اغير زيت فى البنزينه و مش فى التوكيل , لأن الحقيقه سمعت عن ناس كتيير بتشكك فى عملية تغيير الزيت و من ان الزيت بيتغش
المهم انا سؤالى هوا , العربيه بتاخد كام ليتر زيت ؟ انا بستخدم زيت موبيل 1
شكرا
مع تغيير الفلتر تاخد 2.75 لتر بس انا عن نفسي بحط 3 لتر مع الفلتر والمقاس بيكون مظبوط تقريبا اما بدون الفلتر تاخد 2.5 لتر
عندي يتاخذ 2.75 لتر مع الفلتر
وغيرت الي شل
كاااااااااااام ؟
دنا عشان ماغيروليش زيت فى التوكيل فى صيانة الالف قررت أغير زيت بره وانا ماعرفش بيتحط كام خمنت 3.5 راح حط 4 الا ربع عشان غير فلتر
السؤال كده تأثيره ايه ؟؟؟؟؟؟
اخي الكريم
بيبان في مؤشر الزيت
قيس وروح المحطه وهو هينزل الفرق في جركن الزيت وقيس وبعد كده خذ بالك
وان شاء الله نطمئن عليك.....
و بلاش موبيل 1 .. ممكن تحط شيل أفضل كتير
أو كاسترول
و ممكن تعمل موضوع و تشوف الاراء .. موبيل سمعته وحشه جداااااااااااااا دلوقتي .. و مغشوش في كل مكان
طيب هوالسؤال المهم هنا
جركن موبيل 1 = 3 لتر ؟
جركن شيل كام ليتر ؟
طيب لو انا اتبقا معايا 0.25 لتربتوع موبيل ينفع اقفل الجركن تانى و اشيلهم للمرة اللى بعضها ولا بيبوظ بعد الفتح ؟
انا طبعا مؤيد جدا ان لازم نتبع عدد الليترات المطلوبه بالظبط مش ازيد ولا اقل
جركن موبيل 1 = 4 لتر
وشل الترا نفس الحكايه وتمنه 260 جنيه
المتبقي ممكن تسيبوا عادي .. مش بيبوظ .. لحد 5 سنوات
ممتاز ان ممكن احتفظ بالباقى و مش بيبوظ
الطيب , ازاى ممكن اعرف انى اللى حطيته هوا 2.75 مش عايز احط الزيت وبعد كدا اكتشف انى حطيت اكتر و اضطر انى افضيه تانى
موضوع ان العربية اخدت 2.75 او 2.8 او 3 وهكذا .. بيفرق من واحد لواحد فى فكه للزيت لما يفك الطبة بتاعت الزيت ومش يسيبه يصفى للاخر وعملها بسرعة .. وبيفرق كمان لو كنت رافعها على كوريك ثنائى للاعلى .. او كوريك تمساح
او لو كان العربية مايلة مثلا
الكلام ده كلام المهندسين اللى اتقلى .. والله اعلم
والعربية نيسان صنى بالظبط بتاخد 2.7 بالظبط ..
ان شاء الله في موضوع عن كمية الزيت لكل موديل بيعمله صديقنا حسين وان شاء الله تتحل المشكله دي
بصراحة يا احمد 100% و معلومات في الصميم .. متشكر يا جميل
من Peaceman الي SS حول ..
حلوة اوي اوي الحصرية الجامدة ديه قبل نزولها في القسم .. شكرا كابتن سامي علي المعلومة و شكرا حسين علي تحضير الحصرية الجامدة ديه
بصوا بقي يا جماعة انا عندي فكرة تحفة تحفة
ايه رأيكم عشان موضوع الزيت ده نبتدي ندور علي مكيال زيت .. يعني :
بما ان الصني بتاخد 2.70 او 2.75 .. ليه مندورش مثلا علي مكيال لتر و مكيال لتر الا ربع و نشتريهم و اكيد مش غاليين خالص و اعتقد بيكونوا الومنيوم و لما نروح التوكيل نخليهم يعملوا المعيار بالظبط زي ما احنا عايزيين بدل ما يعايروا 3 لتر مرة واحدة.
ايه رأيكم
اسف انا مضطر اني ارد علي تعليق حضرتك لانه غير موضوعي بالمره
عمر مافي محطه موبيل توكيل للشركه هاتبيعلك زيت مضروب ده كلام غير واقعي ومجرد ضرب لسمعت شركه رائده في العالم كله وبيضرب بها المثل في جودة زيوتها
موضوع الزيوت ده موضوع كبير وخطير ولا يجوز مناقشته بالسطحيه دي
ووعد مني ان شاء الله في مقابلت القسم اللي جايه اكون موجود واتناقش معاكوا بالتفصيل في موضوع الزيوت ده
حتي اني لما قراة موضوع وليد بتاع الشل 5000 والموبيل 5000 لم ارد التعليق عالموضوع لكي لا افتح الجدل وانا افضل ان المناقشه تكون وجها لوجه لان الوقت لايسمح بعمل موضوع علي صفحات المنتدي
وفي ناس كتير عارفه هنا اني وكيل اكسون موبيل وكذلك بشتغل في جميع انواع الزيوت زي مصر والتعاون والشل والتوتال بس معظمهم في الديزل عشان سوق الديزل عندي اكبر
شكرا وتحياتي
انا كمان اسف انى مضطر ارد على تعليق حضرتك لأنه عجيب بالمره
ليه بتتهمنا بأننا بناقش موضوع الزيوت بسطحيه ؟ ايه المشكله من ان واحد من اصحاب العربيات يقولك رايه فى الزيت الى بيستخدمه ؟
بما انك وكيل اكسون موبيل , فانا كنت اتوقع منك انك تسأله ليه قال ان موبيل مغشوش , مش يمكن فعلا حصل موقف معاه وصله فى الأخر للنتيجه دى ؟
مع احترامى لكل كلامك انا بس برجو من كل واحد بيبع سلعه او بيسوق لمنتج انه يطول باله شويا مع العملاء و يسمع لمشاكلهم مع المنتج لأنه صدقنى لما تسمع للعميل بتاعك هتعرف بعد كدا ترضيه.
السؤال اللى اكيد فى بالك دلوقتى : ليه انا بشكك فى كلامك وان زيت موبيل بيتغش و فى البنزينه بتاعتكم كمان ؟
ببساطه لأن انا شخصيا سمعت الشكوى دى من اكتر من شخص اعرفهم و منهم و احد شغال فى بنزينه موبيل و علشان هوا بيثق فيا جدا عرفنى اساليب الفنيين فى الغش اللى لو انت سمعتها هتصدق فعلا ان كل حاجه ممكن تحصل.
اللى خلاهم بيعرف يضربو رامات الكمبيوتر مش هيعرفو يضربوا الزيت بتاعك ؟؟!! :grin54:
لي عتاب علي حضرتك بقي في الجزئيه دي فعلا
لان المفروض فعلا كنت تناقشني في الشكوي بتاعتي من الزيت زي ماقال العضو watzmann و زي ماقال الكابتن سامي بردوا ان المناقشه هاتبقي من جانب اللي هايحضروها فقط لكن احنا كمنتدي هنا بنتكلم علي صفحاته حتي تكون مرجع للكل
لو تاخد بالك شوف حجم الموضوعات المهمه او حتي الموضوع بتاعي علي مدار 3-4 شهور من البحث و التدقيق لكن لما خلصته و فهمت من ايه عملت موضوع علشان كل الاعضاء تستفاد منه ماقولتش ان الموضوع اكبر من انه يتقال علي صفحات المنتدي و محتاج مقابله و كده
ياستاذ خالد موضوع الزيت ده راجع الموضوع بتاعي كده هتلاقي في ناس كتيره غيرت من موبيل لشل هما الاتنين نفس السعر تقريبا بس انا كمستهلك بدور علي الكويس لعربيتي و المفروض انت كموزع تنقل شكوتي من الزيت دي للوكيل و اي حد يوصلها للشركه بس للاسف الوكيل دايما بيفتكر ان العميل مش بيفهم او بيتهيئله مع ان لولا العميل ده مكنتش شركة موبيل للزيوت بقيت كده
علي فكره انا و الحمد لله امتلك كم من المعدات الميكانيكيه لا باس بها و بستخدم زيت موبيل ديلفك 1340 و العادي كمان الجركن ال 16 علطول عارف دا كله ليه علشان انا بردوا كصاحب معدات عايز الاحسن للمعده بتاعتي و هاتصدقني لو قولتلك اني كنت روحت حللت الزيت بعد لما غيرته من المعده كذا مره في معامل موبيل لمتابعة الزيوت لاني بغير تقريبا كل 3-4 ايام و بقالي 7 سنين بالطريقه دي
فاكيد لما واحد زي يتكلم علي زيت اكيد اكيد اكيد واثق من اللي بقوله
بسم الله
السلام عليكم جميعا
اولا واضح اني فتحت علي نفسي جبهه انا مش قدها وده الي ذكرته في الاول
ثانيا ماعذاالله اني اتهم حد بالسطحيه
ثالثا انا عارف ان في ناس بتقول دلوقتي اني مجرد واحد بيسوق لمنتج وده كلام مرفض تماما
نيجي بقي للمفيد
1 انا ماعنديش اي مشكله ان اي حد يستخدم اي زيت طالما هو شايف انه مريح عربيته
2 هو انت شايف ان المحطه هي اللي بتغش الزيت ولا الشركه هي اللي بتنزل الزيت مغشوش علي سبيل التوفير مثلا
3 انا مايهمنيش اي حد يقتنع باي زيت لان ببساطه مافيش اي حد من المنتدي عميل عندي او بستفيد منه اي فائده ماديه
4 علي فكره اكسون موبيل بتمتلك 60% من سوق الزيت المصري وكل كلامنا لن ياثر علي حصت الشركه زي مابيقولوا الزيت بايع نفسه
5 في قصه صغيره ممكن اقولها كان في راجل محترم صاحب محطة تعاون وكان بيجيب الزيت بتاعه كله من الشركه بس العمال الشياطين كانوا بيشيلوا الزيت بالليل ويبيعوا زيت مضروب للناس وصلحب المحطه لاماخذه يلبس
تحياتي للجميع
وليد باشا
زي ماذكرت في الرد قلة الوقت اني اقعد كتب موضوع كبير جدا زي ده وانا بصراحه مش من هوات الكتابه اوالشات عالنت
واديك شوفت الردود عامله الزاي وانا مش في حين اني ارد علي كل واحد
انا اللي اقدر اعمله اني اي حد اقدر افيده في حدود امكانياتي انا عنيه ليكوا جميعا
تحياتي
اضافه صغيره
الموتور بعد فتره معينه من الاستخدام بتحصله تغيرات معينه زي التاكل في بعض الاجزاء مثلا بيجتاج لتغير نوع الزيت علشان يتكيف مع التغيرات دي يأما تعمله عمره
وشكرا
مازلنا لم نصل الي صوره واضحه....
وعن نفسي غيرت لاول مره من موبيل الي شل وحاسس ان صوت الموتور اختلف وكذلك عند التغير كان لون موبيل 1 اسود ودي اول مره تحصل لي وانا بعمل به حوالي 7000 كم ومش بزود عن كده عموما الكل يختار المريح له وهي عربية الواحد ويقدر يحس بها وشكرا لوليد لنقله تجربه شخصيه عن الزيت وشكرا لكل عضو يوضح تجربته الفعليه حتي يستفيد الكل ....
تعليق على نقطه رقم 3 :
انت كوكيل لشركه انا كنت اتوقع منك انك تكون مهتم جدا برأى العملاء حتى لو انت مش بتستفيد منهم مباشرة , مش يمكن بعد سنه و لا اتنين ابقا عميل عندك ؟؟؟؟ مش يمكن انقل رأى دا لحد من العملاء الحاليين بتوعك ؟؟؟؟؟ مش يمكن اكون طالب بحث و اخرج بتقرير سىء عن المنتج الى انتا وكيله و ينتشر فى دوريه و لا حتى مجله ؟
صدقنى الأسباب كتييييره جدا اللى المفروض تخليك تهتم برأى الجميع و خصوصا اننا احنا فعلا عملاء
تعليق على نقطه رقم 4 :
انا عندى اقتراح صغير على النقطه دى , موبيل امتلكت 60 % مش تمتلك , لأن الله اعلم هتمتلك السنه دى كام , و الله اعلم السنه الجايه هتمتلك كام , يمكن السنه الجايه تمتلك بس 30 % و يمكن 70 % انا معرفش .
القصد هنا ايه ...... انه من فضلك يا اى بياع لمنتج او اى وكيل لمنتج اشتغل علشان تفضل تعرف تبيع و تفضل تتفوق و اعرف انه جملت " المنتج بيبيع نفسه " هيا بداية الأنهيار
تعليق على نقطه رقم 5 :
الغلط هنا على الشركة مش على العمال , ببساطه لأن الشركه مش بتشرف و مش بتفتش , الفنى عمره ميعرض نفسه للخطر او يعمل عامله زى دى غير لما يعرف ان الشركه نايمه وولا دريا بحاجه لآنهم بيتعتمدو على ان المنتج ببيبع نفسه.
اتمنى انك تاخد نقدى على انه نقد بناء
شكرا
بشكل عام ياجماعه انا مش خبير او متخصص او مهندس في المواد البتروليه بس انا عندي فكره جيده عن الزيوت واستخداماتها
الموضوع وما فيه ان ماينفعش حد يقول ان شركه معينه بطلع زيت مضروب
ممكن الوسيط اللي بينك وبين الشركه هو اللي يكون مش مظبوط
علشان كده انا بنصح اي حد انه يشتري زيت من مكان محترم ويكون وكيل ويكون مكان شغال كويس علشان ميكونشي الزيت مضروب او منتهي الصلاحيه
وطبعا انا تحت امركوا جميعا فيما يخص زيوت موبيل وديه مش دعايه علشان محدش يفهمن خطا بس
يعني مثلا انتوا بتشتروا الموبيل 1 3*1=225
فممكن تشتري الجركن 4 لتر من اي محطه موبيل محترمه ب265
الجركن ده ممكن لو شلنا العموله الكبيره جدا اللي فيه يوصل تمنه ل230 انا عن نفسي ببيعه عندي ب 235 واسيب 30 من العموله بتعتي
وطبعا مش مفروض اقول كلام زي ده بس انتوا طبعا اخواني
تحياتي للجميع