الموضوع: انضم للمصريين الاحرار و لا تشتري سيارة تويوتا فهي معيوبة

المفروض ان تيوتا شركه كبيرة ومحترمه بس للاسف التوكيلات فى مصر العسل فى اديهم بيبقى علقم
العربيه الجنوب افريقى فيها حاجات حلوه كتير واوبشن اعلى من اليابانى بس مشكلته فى بعض عربياته كانت الجير ال mmt والغريب ان فيه ناس كانت مبسوطه منه جدا وقرأت كمان فى المنتدى هنا انه كان مطلع عين ناس تانيه
العربيه كورولا 2010 معايا بس يابانى بصراحه عربيه ممتازه وناعمه جدا وبصراحه كل حاجه الحمد لله فيها كويسه ملاحظتى عليها الوحيده هى الشنب او الاكصدام دائما مع المشى على سرعات عاليه وبعد فترة تلقيه متحرك حوالى 3 او4 ملى من مكانه ةده لاحظته فى كل الكورولات اللى شوفتها غير كدا عربيه ممتازه
فالى حظه العاثر اوقعه فى مشكله مع التيوتا يتجه الى جهاز حماية المستهلك ويبعت شكوى للشركه الام وكمان ممكن يرفع قضيه على الشركه وده من حقه بس ده موش معناه ان التيوتا موش كويسه بالعكس عربيه رائعه فعلا
اما (سمعت وحد قال وووووو عن) عدم الاتزان على السرعات العاليه - والعربيه خفيفه وموش عارف ايه اقول للناس بلاش فتاوى اركب وسوق واحكم واتقى الله

المشاركة الأصلية كتبت بواسطة gebreel

انا شفت نفس العربية في مدينة نصر و بجد الراجل صعب عليا

مش عارف ازاي تويوتا ساية الموضوع كدة بالرغم من ان عندهم نظام الjit ده في الجودة و بيدرس في الجامعات

باشا نظام JIT اللى هو just in time ده نظام فى ال operational excellence بمعنى ان الشركة معندهاش حاجة تتركن او مخزون كبير علطول اللى يجى على المخزن يطلع على المصنع وازاى تجيب ارخص المكونات من اقرب الاماكن وهكذا .... نظم الجودة ليها حاجات تانية

تويوتا في اخر كام سنه اتعرضت اكثر من مره لمشاكل بسبب عيوب قاتله في سيارتها واتسحبت عربيات من امريكا واوروبا لاصلاح العيوب
مرتين او تلاته تقريبا وده عصف بمبيعتها بعد ما كانت الاولى عالميا

بس في نقطتين هنا اول نقطه ان مجرد ان الشركه تصرح وتعترف وتطلب من الناس تروحلها عشان تصلحلهم العيب وتضحي بسمعتها ومبيعتها وميمهاش حاجه غير سلامة العميل فده فحد ذاتو كويس
يعني مثلا المرسيدس السي الي هي تقفيل مصري كان فيها عيوب قاتله وبتعمل حوادث من الباب للطاق والناس عندنا محدش لا قال تعالو نعملهالكو ولا شفافه ولا بتنجانه حتى لدرجة انو كانو كل اسبوع في الملحق يكتبو عنها
النقطه التانيه تويوتا ضخامة انتاجها هو الي ادى للموضوع ده يعني لما الطلب بيزيد العرض بيزيد وبالتالي بيفتحو مصانع اكتر وايدي عامله اكتر وده بيخلي الكفائة هنا مش متسيطر عليها زي ما كانت بتتصنع وبتتجمع في اليابان فقط

لكل زمن رجال لكن الصناعه اليابانيه (وعن تجربه) معمره اكثر من اي دولة اسيويه تانيه

فعلا انا معايا المانيوال بجد زى ما قلت حضرتك كلام تانى خالص