YouTube - ‪How to get rid of your blind spot‬‏
MMamdouh
عرض للطباعة
يعنى هى بتقول منشوفش جنب العربية خالص ولا نشوف منه حتة صغيرة خالص
مشكوووووور والله يعطيك الف عافيه
تسلم ايدك يا استاذ محمد
و الموضوع مفيد لكتيير من الناس المبتدئيين
هي بتشرح زي ما بنقول ازاي تظبط المرايات و تشوف كل جوانب العربية من خلال المرايات من الاخر عينك تبقي في وسط راسك
مش كده و لا انا مدخل الترجمة في المخيخ عندي فصل شحن ههههه ؟
لأ هى بتقول متشوفش جوانب العربية غير حتة صغيرة او مش ضرورى بس تشوف الطريق لأنك لو قربتها للعربية عن كده هتجيبلك نفس الى المراية الى قدامك جايباه؟
ياما قلت كده و الناس تقولك لازم تجيب جنب العربيه
انا عن نفسى بعمل المرايه كده بنسبه 90 %
بس ببقى مدخلها على الجمب برضه شويه
هى قصدها ان معظم الناس بتضبط المراية بحيث يبقةا شايفين حتة من طرف العربية و دة بيقلل مجال الرؤية فى مرايات الجنب
الصح انك تميلى دماغك لحد القايم و تضبطى المراية الشمال بحيث تبقى شايفة طرف العربية و تجيبى دماغك فى النص و تضبطى المراية اليمين بحيث تشوفى طرف العربية... لما تاخدى الوضع الصحيح للقيادة مش حتشوفى اطراف العربية فى مرايات الجنب... بس طرف العربية حيبقى متغطى بمراية الصالون و مرايات الجنب حتبقى كاشفة مساحة اكبر على يمينك و شمالك
MMamdouh
شكرا ياباشا
بس لما اعمل المرا ية كدا لما تيجى تركن مش هتشوف الرصيف
و افضل حل العادسة الاى بتتلزق على المراية
انا بعملها بحيث يا دوب يكون لون العربيه باين في المرايا مش الجنب كله يعني لو الأوكرة باينه وجنب العربيه مش باين كفايه قوي (عشان أخد الغرز مستريح :F_eyeb1[1]:)
ما هو ساعة الركن هتغيرها تانى : )
ألمشكلة بتبان لما تبقى طالع مثلا من طريق فرعى الى طريق رئيسى و عايز تسرع و تنقل للحارة اللى على شمالك... العربيات اللى فى الطريق حتبقى اسرع منك و جاية من وراك بمسافة... و مراية الصالون مش جايباهم لانها كاشفة وراك فقط و مراية الجنب مش جايباهم لانها كاشفة اللى جنبك و لازق فيك... اى حد ابعد من كدة و لسة وراك بشوية مش حتشوفة
MMamdouh
فى مره من المرات كنت راكن بوشي
وانا وطالع لاقيت عربيتين في ظهرى كل واحده واقفه بالعرض
وفى واحده منهم شنطتهاا نصهاا ورا مني
طب ايه اللى اعمله فى موقف زي ده ؟
طبعآ لازم ارجع لورا وبزاويا كماان
ارجع لورا واطلع قدام شويه شويه لغايت ما نشنت نحية المسافه اللى هخرج بيها ما بينهم
المسأله صعبه مش سهله لازم تبقى شايف جناب العربيه اليمين والشمال وعينك على الاتنين متنزلش
متقوليش بقى مرايا النص ولا حتى انت تبص بدماغك وراك
لان ال 1 سم بيفرق
وانت وطالع بقى لورا لازم تطلع بزاويا برضو وتخلى عينك ع المرايا احسن تخبط شنطة حد
ده غير الشوارع الضيقه اللى يادوب تعدى عربيه لازم تبقى عينك على الجناب
ده غير الركن ما بين عربيتين ومسافه ضيقه
او الركن العادى جمب الرصيف
او او او حاجات كتيره لازم تبقى عينك على جنب العربيه
طول عمرى بسوق كده والحمد لله رب العالمين
كل اللى اقدر اقوله ان الكلام ده غلط ومينطبقش عندنا فى مصر تحديدآ
بره هى عايزه ايه من جناب العربيه ؟ دول بيمشو على حرير وبيركنو فى مسافات تركن تريله مش عربيه ومتوفر لهم كل شئ بحيث انهم يشيلو مرايات العربيه يرموها اصلآ
جزاك الله خيرا
انا جربت القصة دى امبارح و النهاردة الصبح و الحقيقة انا شوفت حاجات مشوفتهاش قبل كدة
اول ما تبص فى المراية تحس ان فيه حاجة غلط لانك مش شايف طرف عربيتك.... بس انا تعمدت ابص فى مراية النص لما تبقى عربية ظاهرة فى مراية الجنب سواء اليمين او الشمال... و فعلا العربيات دى مش باينة خالص فى مراية النص
الاول كان الواحد بيشوف العربية فى مرايات الجنب و النص مع بعض بس كان فيه عربيات جنبى مش باينة... دلوقتى العربية اما بتبان فى النص او فى الجنب و الحمد لله حتى الان مفيش عربية على الطريق حوليا مش باينة فى مراية
MMamdouh
انا حاولت أعمل كده لقيت المرايه واصله لليمت بتاعها وكده كده مرايتي غبية وكبيرة بتجيب زاويه واسعة
انا بخلي مراية الجنب تجيب طرف الشنطة وبس
لان التيت اللى بيلزقوا لو عايز تغير حارتك كتير