http://kareemkamel.com/123smile/imag...6657325954.jpg
مضمون الكلام المكتوب :
" انضم للمصريين الأحرار و لا تشتري سيارة تويوتا.. فهي معيوبة"
لا تعليق مني شخصيا
http://kareemkamel.com/123smile/imag...6657325954.jpg
مضمون الكلام المكتوب :
" انضم للمصريين الأحرار و لا تشتري سيارة تويوتا.. فهي معيوبة"
لا تعليق مني شخصيا
هههههههههههههههههههههه دة احنا لازم نعمل وقفة قصدى قعدة معاة نشوف اية مشكلتة
بس الظن ظنبة هوة انة مش عضو معانا فى نايل موتورز كان اخد حقة من زماااااااااااااااان هههههههه
كان فى فيديو برضه
واحد عامل كده ف مرسيدس سى 280 غالبا
و كانت بتحتوى نفس مضمون الكلام
ان العربيه معيوبه :)
دى ناس بتهرج
مع احترامى .. دول مش بيهرجو .. دى ناس تعبت و شقيت عشان تحط فلوس فى عربيه و فى الأخر تطلع معيوبه و التوكيل يقولك مليش دعوه .. ارجو كل اللى عنده مشكله يحاول يوصلها لأكبر قدر من الناس .. عشان الفائده تعم .. الساكت عن الحق شيطان اخرساقتباس:
كان فى فيديو برضه
واحد عامل كده ف مرسيدس سى 280 غالبا
و كانت بتحتوى نفس مضمون الكلام
ان العربيه معيوبه :)
دى ناس بتهرج
اقتباس:
المشاركة الأصلية كتبت بواسطة superb
السلام عليكم و رحمة الله و بركاته
كلام سلييييييييييييييييييييييي يم ميه فى الميه :16::16::16::16::16: , فعلا, لما واحد يتعب و يشقى عشان يحط 130000-140000 جنيه فى عربية, عشان يعيش الكام السنة الجايين بكرامة و يصون نفسه و أسرته من ذل سؤال بتوع الأجرة و من قرفهم و قلة أدبهم, و بعدين يلاقى العربية فيها عيب و التوكيل نافض ايده و مش عاوز يعمله حاجة الا لما يمص دمه, يبقى من حقه يعمل أى حاجة :untitled 1::untitled 1: .
بس, للأسف أننا كمستهلكين هنا فى مصر, من سوء مستوى السلع المقدمة لينا, بقينا بنرضى بأى حاجة و تلاقى الناس بتتكلم على عربيات, أقل مايقال عنها أنها فعلا و قطعا مش عربيات خالص, كما لو أنه سايق VW PHAETON مثلا !!!!!!!!!!, و تلاقيه عمال يتكلم عنها و يقيم فيها كما لو أنه بالفعل راكب عربية بحق و حقيق و أنا متأكد أن اللى صنعوها بره, لو بيعرفوا عربى, فهما بيقروا الكلام ده و بيقعوا على الأرض من كتر الضحك .
الكلام ده, أنا ماقصدش بيه ماركة محددة من العربيات, لكن بصراحة, أنا شايف أنه ينطبق على كل واحد اشترى عربية بدم قلبه و لقى فيها عيب فى ال30 ألف كم الأولانيين, ده و الله العظيم, أن فيه ناس هنا اتكلمت على عيوب فى عربيات موديلات السنة, لسه ماظهترش فى عربيات مو 80 و لما تفكر فيها, تلاقيها فعلا عيوب يندى لها الجبين خجلا :crying2::crying2:.
و العجيب, أنك تلاقى بعد كووووووووووول ده, ناس تيجى تقولك, ياراجل تشترى عربية مرسيدس مو 84, يعنى بقالها 25 سنة بتجرى فى الشوارع !!!!!!! , الجديد جديد برضه !!!!!!!!!!! :glasses12::glasses12:.
و بصراحة -وطبعا حرية الرأى مكفولة بكل احترام للجميع- أنا من الناس اللى لو فكرت جديا, أنى أبيع عربيتناالبيجو ال505 اللى هى مو 1980 , مش هاجيب حاجة 2011, لكن عشان أجيبلى مرسيدس معدلة و لا زلمكة و خلاص.
متشكرين لحفظ حقوق النشر!
http://www.nilemotors.net/Nile/227399-a.html
اسف ياباشا والله مشفتش موضوعك و لقيت الصورة على ال facebook :)
ليك عندي 5 جنيه على كل مشاهدة للصورة :)
امال احنا نعمل ايه في بروتون
كنا هنعمل ستيكر مكتوب عليه معا لمقاطعة عز العرب وبروتون
ممكن تبعتلي اللينك اللي كانت عليه في Facebook ؟!
والله انت عشرة على عشرةاقتباس:
المشاركة الأصلية كتبت بواسطة superb
يا جماعه فعلا .. و الشكله كمان ان فى ناس تشوفك راكب عربيه موديل السنه ولا سنتين فاتو يقولك .. دا معاه قد كدا على قلبه .. و طبعا محدش عارف اللى فيها و انك مديون و عليك احمال كتير .. للأسف الناس هتفضل سطحيه .. اتمنى نتغير كلنا و نقدر اللى عندنا و عند غيرنا ندعيله ربنا يباركله فيه .. و بجد لما شفت الصوره دى حسيت بالأسى ان الواحد يأتمن فلوسه فى ماركه او منتج و يتخان .. ربنا يحفظنا يارب
اجدع حاجه الكلام بس انما نتابع المشكلة واتحلت ولا لا وكان ايه سببها ابدا
حضراتكم لو متابعين العربية من زمان وحكاية الدواسة وبتقروا ما نتج عن التحقيق متهيالى ما كانشى حد فيكم كتب كلمه واحده بس عادى هو ده زمن الكلام وكلنا بنحب نتكلم بس واحد يقولك سمعت ده واحد قاللى ده بيقولوا ده بيقولك.......
مع احترامى للموضوع وصاحبة ياريت انت بنفسك تجيب كل المشاكل ونتيجة التحقيقات بنفسك وتحطها ده اقل اعتذار
واللى عنده مشكله وعنده شكوى من العربية يتفضل يتوجه للتوكيل مباشرة مش لناس متخفيه خلف كى بورد وشاشه
والحمد لله العربية بقالها معايا سنتين وباقول تستاهل كل قرش دفعته فيها ويمكن اكتر كمان والسلبية الوحيده اللى فيها انى لما اجى اغير اعتقد مش حلاقى حاجه بنفس المستوى ممكن اركبه تانى وده مش راى شخصى لوحدى ده راى كثير من الملاك القادرين على دفع مهر العروسة وعامة لو اى حد عنده حساسية من علامة تويوتا يغمض عيه عنها افضل من الافتراء والتهويل
اعتذار ؟
حضرتك قريب عم تويودا صاحب الشركة ؟؟
انا لا هاجمت ولا اشتكيت ولا قلت بم حتى ! انا لقيت صورة لواحد عامل كدة في عربيته في مصر فبسال ياترى ليه و ليه ممكن حد يوصل بيه انه يعمل كدة في عربيته الجديدة ؟
ياريت حضرتك تهدى شوية .. زي مازمن الكلام و خلاص .. ده برده زمن حب الدفاع وخلاص .. ولو حضرتك كنت راكب عربية من ماركة تانية كنت دخلت قلت نكتة على الصورة او تعليق و خلاص .
دي شوية صاج بالكترونيات بتكنولجيا و عجل و محرك ادام و بتمشي علشان توصلك ... مش لازم تتعلق بيها اوي كدة يعني .
وانا لا ادين لاحد باعتذار و لا بفتري ولا بهول ... ياريت حضرتك تراعي الكلام شوية علشان انا اعلم جيدا ان حضرتك اكبر مني سنا .
-----------
لو حنتلكم عن الموضوع ده , اعتقد صاحب العربية الي في الصورة مشكلته كلها مش في الدواسة و لاحاجة و لكنها مشكلة الفتيس الشهيرة الي انسقم عليها شعب مصر :)
وعامة سمعة تويوتا مش محتاجة لتهويل ولا افتراء .. وياريت حضرتك بما انك بتدافع عنها تجيب نتيجة القضاء و الملايين الي اتفدعت تعويضات قضرها 16 مليون دولار للحكومة الامريكية علشان مش وجود عيب ..ماكل العربيات فيها عيب .. و انما "التغاضي" عن هذا العيب و هما عارفين كويس انه موجود و تصليحه يلزم اعادة تصميم مش مجرد الحول البدائية الي حاولوا يعملوها في الاول .
اقتباس:
a transportation department official said the japanese automaker paid the fine after . Toyota had 30 days to pay it. The official was not authorized to speak publicly before an announcement was made.
Toyota faced the maximum penalty allowed under law after it was accused of hiding earlier defects involving gas pedals, a .......ion that toyota rejected even though it agreed to pay the fine.
ومع ذلك انا مكنتش داخل علشان اناقش مشكلة او بقى طلاما بهول ... " فضيحة" تويوتا العالمية .. و انما كنت بنقل صورة فقط و شكرا لك مرة اخرى .
الله ينور عليك جبت من الاخراقتباس:
المشاركة الأصلية كتبت بواسطة superb
السلام عليكم و رحمة الله و بركاته
حرية الرأى مكفولة بشدة للجميع فى اطار واضح -وضوح الشمس- من الاحترام الشديد جدا بين الأعضاء.
اللى أنا لاحظته, أن كلام الأعضاء ماكنشى عن عربية تويوتا بالذات رغم أن الصورة كان فيها عربية تويوتا, لكن عن أى عربية, صاحبها بيحط فيها شقى عمره و يلاقى فيها عيب, بصرف النظر بأه العيب ده بسيط و لا جسيم و بصرف النظر عن نوع العربية, سواء كان زستافا و لا RR .
و زى ما اللى بيبع العربية سواء كان التوكيل أو شخص, بيعد فلوسه كويس أوى قبل ما يبيع و مابيرضاش يبيع لو الفلوس ناقصة, أنا كعميل, من حقى أنى آخد كل حقوقى, و تاااااااااااااااااااااانى , بصرف النظر عنه نوع العربية.
و بعدين أنا سواء كنت بأمتلك العربية و لا لأ, من حقى أنى أدور و أسأل كويس و لو لقيت فيها عيب, من حقى أنى أتكلم عنه و أناقشه و أحذر غيرى منه لو كان العيب ده فعلا موجود, أنا بدفع فلوس, مش ورق جرايد.
و أنا مايتهيأليش, أن فيه حد بيبقى عنده حساسية من علامة تويوتا, يعنى, أنا ممكن أحقد على واحد راكب Jaguar XJR أو MERCEDES AMG65 مثلا, لكن مش على كورولا, مع عظييييييييييييييييييم احترامى لكل العربيات الكورولا و لراكبى العربيات الكورولا.
وعليكم السلام ورحمة الله وبركاته
عزيزى انا لا اقصد حساسية بمعنى حقد وهذا للتوضيح فقط وغير كده من حقى انى ااقول راى عنها بعد استعمال سنتين وده برده من باب انى اقول الحق وليس مجامله ومتهيالى الموضوع اساسا قديم جدا موضوع الفتيس وزهقنا منه وهو عبارة عن صعوبة استعمال هو برده ده يعد مشكله بس خلاص قديمه وحاليا بقى اوتوماتيك عادى يعنى قضية منتهية والاعتراف بالخطا زا د من احترام بعض الملاك لتويوتا حتى اصحاب المشكله نفسهم وبرده مبيعاتها زادت فى الخارجز
عامة سعيد بكلامك وعذرا لو وصلك مفهوم خاطئ من كلامى ولكن صدقنى الموضوع ده قرفنا كلنا كملاك وقضينا فترة حتى اتاكدنا انه الحمد لله العربية تمام والموضوع قتل بحثا هنا فى الممنتدى ما بين مؤيد ومعارض
وفى الاخر كلنا اخوات فى الاسلام ونعمل على بناء مصر الكبيرة فى وقت قصير
تقبل تحياتى
اقتباس:
المشاركة الأصلية كتبت بواسطة maserati
كان واحد عاملها في نوبيرا قدام سفاره ايطاليا والعربيه واقفه
اقتباس:
المشاركة الأصلية كتبت بواسطة oilman
السلام عليكم و رحمة الله و بركاته
يا باشا, لا اعتذار و لا حاجة, لا سمح الله, كلنا هنا اخوات و مافيش بينا الكلام ده.
أنا بس, كل اللى بيزعلنى, أننا كمصريين, طموحنا فى مستوى الاستهلاك نزل جدا جدا, لدرجة أن ممكن تلاقى ناس, تقولك أن العربية الفلانية هو عربية رااااااااااااااااااااائعة , أنا مابقولش أنها مش رائعة, بس كلمة راااااااااااااااااائعة دى تتقال على أفضل ما أنتجت شركة السيارات, يعنى مثلا, ممكن تقول أن العربية النيسان صنى, عربية حلوة, بصرف النظر عن أى عيوب فيها -اللى الأعضاء قالوها, مش أنا, لأنى ماعنديش نيسان صنى- لكن لو هتقول (رااااااااااااائعة) يبقى مثلا على النيسان مورانو أو حاجة زى كده, ده مش لأننا ممعاناش فلوس نجيب عربيات, لكن, لأننا راضيين بالعربية اللى ممكن تطلع من المصتع معيوبة, لأ و بنمدح فيها و ده -مع جليل احترامى لكل الناس و لكل المصريين- أنا شايفه نوع من الخنوع و الخضوع اللى مش لايق عالمصريين.
لو تتذكر معايا, أن فى أواخر السبعينات و أوائل التمانينات, كانت العربية البيجو ال504 هى عربية الطبقة الوسطى فى مصر, اللى هى دلوقتى تعادل البيجو ال407 أم 250000 جنيه, على فكرة, بره, الطبقة اللى كانت بتشترى البيجو 504 سنة 80, هى اللى برضه بتشترى ال407 سنة 2011, احنا اللى حالتنا اتدهورت و أصبحت العربيات الصينى, هى عربية الطبقة فوق المتوسطة عندنا, شوفت احنا مستوانا نزل أد ايه.
ممكن لمايكون واحد تعبان فالفلوس بتاعها يعمل كدة بس مش مبرر ان التويوتا وحشة يعنى دى طريقته اللى عبر بيها
العربية ديه زبـــــــــــــــــــــــ الة بكل المقايسس ايوه زبـــــــــــــــــــالة ياراجل في عربية ماعلمتش غير 19 ألف كيلو يبقى فيها كمية العيوب ديه
أولا : تغيير طقم البلية و الدبريــــــاج مرتين وهي لسة في أول عشرة الاف كيلو
ثأنيا : شوية مشاكل صغيرة كده تبتدي من ان العربية عايزة عدد 2 تيل فرامل و 2 طنابير خلفي غير التزييق اللي في الدريكسيون ده غير التعزيل الزفت أســا سأ غير التكييف الضعيف ايوه ضعيف ديه مش اول عربية ولا اول تويوتا اركبها ..... حسبي الله ونعم الوكيل . حسبي الله ونعم الوكيل :(
اقتباس:
المشاركة الأصلية كتبت بواسطة yse
السلام عليكم و رحمة الله و بركاته
:oops1::oops1::oops1::oops1::oops1::oops1:
سيادتك بتتكلم بجد و لا بتتريق ؟؟؟؟؟؟؟؟
يا أستــــــــــــــــــــــ ـــــاذ MASERATI أقســــــــــــــــــــــ ـــم بالله العربية موجودة ومركونة لغاية ماخلاص خللت زي الطرشي بسبب اني مش طايقها ولسه عايز اروح التوكيل بقى علشان الخناقة الكبرى والجو ده وحضرتك عارف بس اخلص امتحانات في الكلية .....
كان مالها العجلة أم بــــــــــدال ماكنت حلوة وبتوديني كل المشاوير ومنه رياضة :) : )
حضرتك خلص امتحاناتك على خير وربنا يكرمك بالتوفيق فيها وبعد كده نبقى نتكلم فى العربية ....... اللى حضرتك قلت عليه ونشوف المشاكل ونشوف راى التوكيل باذن الله
مع اطيب امنياتى بالتوفيق فى الامتحانات
اقتباس:
المشاركة الأصلية كتبت بواسطة yse
الله يخليك ياأستـــــــــــــــاذ OilMan . وألف شكر على الدعم المعنوي :)
وربنا يقدم اللي فيه الخير ان شاء الله :)
الراجل ده انا اعرفه وفعلا التوكيل بيستهبل يهمه انه يكسب علي حساب العميل وقعد ينيم الناس ويصلحلهم العيبو المتكرره في فتره الضمان لحد ما خلص الضمان ويقولك ادفع بقي ومن اهم عيوب العربيه ناقل الحركه mmt اقل عيب فيه بتدفعله في التوكيل لو بره الضمان 3000 جنيه تخيل بقي كل شويه تدخل العربيه تدفعلها مبلغ زي ده سياسه شركه تويوتا انها تنيم العميل لحد ما يخلص ضمانه بعد كده هتكسب من العميل كتير بسبب عيوب الصناعه برجاء اننا نقف ايد واحده وننضم مع الراجل ده لان مينفعش المستهلك المصري يضحك عليه تاني ولازم كل الناس تعرف ان تويوتا مبقتش اسم زي زمان وان التوكيل وسياسته الفاشله مبقوش يهتمو بجوده العربيه
دعوه لكل الي عنده مشاكل مع تويوتا نتجمع ونكون ايد واحده ونقف للتوكيل لحد ما ناخد حقنا
مه للاسف بتيجي ناس تقول ان ده عيب مستخدم !!! مش عيب صناعة !اقتباس:
المشاركة الأصلية كتبت بواسطة wwaeel
والتوكيل حتى غير العربية وبقت بفتيس اوتوماتيك عادي علشان يقفل الموضوع ...
اذا كان تويوتا في امريكا كانت "متسترة" على موضوع دواسة البنزين ... تويوتا مصر حتبقى اكثر صراحة يعني :d
مش مهم تعترف بعيب الصناعه لما تلاقي سمعتها هتبقي في الارض ومبيعتها الي هي هدفها الاساسي هتنزل ساعتها هيشوفو مشاكل العملاء ويحلوها غصب عنهم عشان مصلحتهم والعميل يهمه ان مشاكله تتحل بشكل نهائي وميرجعش العيوب كل شويه بالمسكنات الي بيعملوها
الي عنده مشاكل في عربيته وعاوز ينضم مع صاحب العربيه الي في الصوره عشان نكون ايد واحده والتوكيل يدينا حقوقنا يتصل بالاستاذ محسن صاحب العربيه الي في الصوره ودي نمرته 0121417182
اقتباس:
المشاركة الأصلية كتبت بواسطة superb
:16::16::16::16::16:كلام سليم
لا يحب الله الجهر بالسوء إلا من ظلم
رحمتك يارب
انا بقي لي يجي اسبوع متعكنن من عربيتي وكارها وبافكر اولع فيها بجاز وسخ بس مستخسر تمن الجاز
عربية ما كملتش 50 الف وعايزة عفشة ورششات وشكلها داخلة علي طقم دبرياج غير صوت الموتور الي محسسني اني راكب غسالة ايديال قديمة
وكل ما اخش علي قسم من اقسام المنتدي ادور علي عربية بجد بدون مشاكل وقرف الاقي العجب ، وارجع اصبر نفسي (علي الاقل كل المشاكل الي عندي دي ما تكملش الفين ولا تلاته علشان تتحل
واخر قسم ممكن اخشه كان قسم التيوتا (انا مش بس باكره تصميم عربيات تويوتا وبالذات كرولا 2008، انا بابقي عايز ارجع من شكلها، دي شكلها صيني اكتر من العربيات الصيني) ومع ذلك عصرت علي نفسي لمونة وقلت يا واد مش مهم دي اشهر عربية اعتمادية وسيبك من التصميم والاداء والثبات والكلام الفارغ ده ، اكبر بقي وفكر في الجوهر
عربية روعة ومعمرة وقطع غيار رخيصة طويلة العمر واعتمادية الخ...
ولكن يبدو ان العربيات كلها هم ووجع قلب وصداع ونصب الخ...
الله يكون في عون الجميع ، انا وصلت لخلاصة ان العربيات كلها بعد سنة 2000 تقريبا اصبحت وسيلة للنصب علي المستهلكين وسرقة اموالهم
ههههههههههههههههههههه
والله معاك حق
الحمد لله ان الحج اشترى مستعمل كورولا 2003 يبانى
والله مش تحيز ليها
انا معلش فى اللفظ ده بس مضطر اكتبه والله((فشخت)) فانتازيا و فكترا 2000 اقسم بالله العظيم
والعربية ملهاش حل والله بجد رائعة ومش كل اللى معاه تويووتا يبقي مشاكل وكلام من ده
فى السعودية مفيش عيوب غير الحاجات المعروفة
والله هو التوكيل المريض ده والجنوب افريقي زبااااااااااااااااااااااا اااااااااااااالة الى ابعد الحدود
انا ركبت الاتنين وعرفت الناس ليه بتزم فبها ولقيت ان اليبانى منها جامد وفرق شاسع
ربنا يكون فى عونكم والله