ياجماعة محتاج رأيكم بسرعة

**drmsadek1979** · 19-06-2011 06:31 PM

لو انا مكانك عمري ما استلمها بالمنظر ده

**mido_soliman** · 19-06-2011 06:39 PM

سؤالين بس
انت لية استلمت عربية من معرض ما اخدتهاش من الوكيل لية اضمن والله يا اخى المعارض دى انا بترعب منها ومستحيل افكر اشترى عربية زيرو الا من وكيلها على طول
هوة المعرض دة فين ؟؟؟؟
عموما انا شايف انك متستلمهاش لان الخربشة اللى فى الوش النيكل دى غبية اوى وواضح انة واحد حيوان كان بيرسم بمفاتيحة عليها
وزى ما قال سامح انا شاكك فى الفرق بتاع الكبوت دة كمان لان بيتهيالى عندى مش كدة الا لو الصورة دى والكبوت مفتوح وبردة يمكن من الزوم الله اعلم
خليك فى الامان ومتستلمهاش خد فلوسك واطلع على الوكيل اريحلك مليون مرة

**epzomata** · 19-06-2011 08:01 PM

لا فعلا الفرق اللى بين الكبوت و الرفرف ده مش طبيعى خالص....
ياريت ماتستلمهاش.....

**midosalah** · 19-06-2011 08:49 PM

رأى الشخصى حضرتك دافع حوالة 90 الف جنية وده مبلغ مش قليل علشان تشترى راحة بالك وتركب زيرو
بالتالى كون ان حضرتك تعمل الموضوع ده وتبقى فى الحيرة دى وانت لسه مستلمتش يبقى بلاش منها أحسن
يا تستلم عربية تانية يا تجيب من التوكيل والتأمين أظن انك لو كلمتهم وقولتلهم انك مش هتستلم العربية ممكن يغيرو الوثيقة

**battot_2010** · 19-06-2011 11:50 PM

المشاركة الأصلية كتبت بواسطة mido_soliman

سؤالين بس
انت لية استلمت عربية من معرض ما اخدتهاش من الوكيل لية اضمن والله يا اخى المعارض دى انا بترعب منها ومستحيل افكر اشترى عربية زيرو الا من وكيلها على طول
هوة المعرض دة فين ؟؟؟؟
عموما انا شايف انك متستلمهاش لان الخربشة اللى فى الوش النيكل دى غبية اوى وواضح انة واحد حيوان كان بيرسم بمفاتيحة عليها
وزى ما قال سامح انا شاكك فى الفرق بتاع الكبوت دة كمان لان بيتهيالى عندى مش كدة الا لو الصورة دى والكبوت مفتوح وبردة يمكن من الزوم الله اعلم
خليك فى الامان ومتستلمهاش خد فلوسك واطلع على الوكيل اريحلك مليون مرة

انا متشكر جدا على الرد المعرض ده اباظة اوتو ومتهيألى ده موزع بروتون
انا بس كنت مستعجل انى اخدها عشان مشوار شغلى وكدة بس مادام الموضوع ممكن يكون فيه لعب والعربية فيها حاجة يبقى ب ناقص
ده انا رايح اجيب زيرو مفروض اخد سمكرى معايا ولا ايه بجد مفيش امان فعلا ولا ضمير

**battot_2010** · 19-06-2011 11:54 PM

ياجماعة بجد مش عارف اقولكم ايه بجد الواحد يطمن انه لو اشترى جين 2 هيلاقى وراه رجالة بجد
انا هاروحلهم بكرة واشوف اخلص الموضوع ان شاء الله وهاقولكم عملت ايه
شكرا كماان مرة

**spiderloking** · 20-06-2011 01:37 AM

اوعي تستلم عربيه فيها خربوش واحد لأنك لو روحت التوكيل بالعربيه هيقولك و انا مالي انت اللي استلمت ايه اللي خلاك تستلم العربيه كدا و مش هيعملك فيها اي حاجه زي ما حصل معايا و اشتريت العربيه و مأخدتش بالي ان كان فيها تقشير بسيط في الشنطه ورا روحت التوكيل قالي ايه اللي خلاك تستلمها كدا و برضوا من معرض ( شركة المصرية للسيارات ) انا مش بقول ان المصريه ضحكوا عليا بس التقشير كان بسيط و تقريبا مع غسيل العربيه ظهر و انا لما جيت استلم مأخدتش بالي خالص لأني استلمت بالليل و ده عيب اللي يستلم بالليل علي العموم يا باشا متستلمش و خد فلوسك و هات من التوكيل او ملزمين يجبولك واحده تانيه

**mememsaid** · 20-06-2011 03:31 PM

ماتستلمهاش وبلاش الاستعجال في الحاجات ديه
عشان لو قلت استلها وخلاص واستعجلت ال هس هس هايلعب في دماغك طول مانت راكبها

**sosofree** · 20-06-2011 07:33 PM

على فكره انا اتنرفزتلك جدا لما قريت الموضوع خصوصا حكاية ال 400 جنيه اللى عاوز ينزلهم دول
يا ريت تقولنا هيعمل معاك ايه لما تقولوه مش هستلمها و كمان نزل اسم المعرض فى عنوان الموضوع علشان احنا هنا المكان المحترم بنشكر فيه وكلنا بنتعامل معاه والمكان الغير كده لازم نحذر منه اى حد بيفكر يتعامل معاه

المشاركة الأصلية كتبت بواسطة battot_2010

انا متشكر جدا على الرد المعرض ده اباظة اوتو ومتهيألى ده موزع بروتون
انا بس كنت مستعجل انى اخدها عشان مشوار شغلى وكدة بس مادام الموضوع ممكن يكون فيه لعب والعربية فيها حاجة يبقى ب ناقص
ده انا رايح اجيب زيرو مفروض اخد سمكرى معايا ولا ايه بجد مفيش امان فعلا ولا ضمير

**Ashraf_Ibrahim** · 20-06-2011 07:37 PM

ممكن تستلمها عادي جدا بس خليه يكتبلك في الاستلام ان العربية فيها خدوش عشان التوكيل يعملهالك في الصيانة بتاعة الألف كم ضمن الضمان بدون ما تدفع حاجة فيها

الموضوع: ياجماعة محتاج رأيكم بسرعة

LinkBack

أدوات الموضوع

عرض

-

-

-

-

-

المواضيع المتشابهه

محتاج رأيكم بسرعة أرجوكم

محتاج رأيكم في جين 2 بسرعة

محتاج رأيكم ضروري و بسرعة بخصوص الماتيز

محتاج رأيكم بسرعة جداً في لون مازدا3

مشكلة فى عربيتى و محتاج رأيكم بسرعة

الكلمات الدلالية لهذا الموضوع

المفضلات

المفضلات

ضوابط المشاركة