أنا خايف من السيريون

**Ahmed-Moustafa** · 29-04-2008 01:27 AM

السلام عليكم ورحمة الله وبركاته
انا معجب جداً بالسيريون 2008 بس خايف من شوية حاجات فيها زى
1 - العفشة ( علشان مش باستحمل أقف كتير على المطبات )
2 - حوض الموتور صغير
3 - نظام العزل ( الشكوى منه واضحة على المنتدى )
4 - إعادة البيع من حيث السهولة و السعر
5 - بعض الكماليات غير متوفرة و أسعار تركيبها مثل الإنذار و الريموت

أتمنى من اخوانى فى الله من عندهم خبرة بالسيريون أن لا يبخلوا بالرد علشان ( أعتقد ) ان دى أكتر حاجات بتخوف الناس من العربية
أنا خايف إن Gen 2 تكسب فى الأخر و ماجبش السيريون :( أصلى بحب احس بقوة العربية و و ثباتها و صبرها على سوقتى :)

أخوكم أحمد مصطفى
مهندس برمجيات

**ara** · 29-04-2008 12:47 PM

انا برضة كنت خايفة قبل ماجيب العربية بس انا مسيكت المنتدى ده و تقريبا قريته كله :) و الحمد لله بعد الإستخارة والسؤال توكلت على الله و اصبحت من رابطة مالكى السريون :)
اعتقد العفشة كويسة اوى... يعنى مقارنة بالفورد فيستا و الكورسا القديمة العربية الحمد لله ممتازة
حوض المتور فيه تصفيح كتير حسب الكتالوج وأقوال الزملاء
العزل (لسة الاخ ابو عبدالله مجاوب على النقطة ديه هنا http://www.nilemotors.net/Nile/showthread.php?t=22689 وفيه كنان تقيم من الأستاذ معاذ الشرباصى كويس اوى)
إعادة البيع أعتقد حضرتك هتحب العربية اوى و مش هاتبيعها :) ده غير ان سعرها بيزيد يعنى ممكن إعادة البيع تكون كويسة
الكماليات الأخ ابو عبدالله كاتب موضوع فيه الأسعار... و انا سألت على الإنذار ب 350 تقريبا و من عند الوكيل.

ربنا يكرم حضرتك وبالتوفيق
ده رد سريع و أكيد أبطال المنتدى ردودهم هتكون أدق كمان :)

**Ahmed-Moustafa** · 29-04-2008 01:37 PM

جزاك الله خيراً على توضيحك ومنتظر ردود من عمالقة السيريون على النتدى مثل الأستاذ أبو عبد الله و الأستاذ معاذ
على العموم انا مابقتش قلقان من موضوع العزل و الكماليات بس لسه خايف من موضوع حوض الموتور و ثبات العربية وأتمنى تكون عفشتها زى ما حضرتك بتقولى (لأن المدام مش هتستحمل المطبات أكتر من كدة كتر خيرها لحد دلوقتى :)) و ساعة إعادة البيع ربنا يفرجها
انا اللى مخلينى أفكر فى ال Gen 2 الثبات و القوة و الشنطة ( مش مشكلة الشنطة بكرة تكبر فى السيريون :) )

أحمد مصطفى
مهندس برمجيات

**ara** · 02-05-2008 09:32 PM

المشاركة الأصلية كتبت بواسطة amfci106

وأتمنى تكون عفشتها زى ما حضرتك بتقولى (لأن المدام مش هتستحمل المطبات أكتر من كدة كتر خيرها لحد دلوقتى :)) أحمد مصطفى
مهندس برمجيات

والله انا كنت لسة بجربها النهاردة شوية (اصلى جديدة فى السواقة فبتعلم على عربية قديمة مانيوال وديه يعنى باخد بيها لفة تفاريح بس :) ) الحمد لله العربية إستجابتها رائعة و الاحساس بالمطبات خفيف جدا... حتى لو المدام جديدة فى السواقة هاتتبسط من العربية إن شاء الله :)

**أبو عبدالله** · 29-04-2008 03:31 PM

أهلا بك في المنتدى أولا
ثانيا هنيجي لحوض الماتور
أولا انا لا أعرف ما هو الخوف منه
يعني هل الخوف ده من تأثرك انت بالموضوع ده ولا تأثر العربيه به

لو الموضوع علشان امانك انت فانا أؤكدلك ان العربيه حاصلة على اربع نجوم في التصادم الأوروبي
وبذلك لما العربيه تكون حاصلة على اربع نجوم فده ليه معان كثيرة
أولا ان العربيه من أأمن العربيات المتواجده وفقا لمعايير الاختبارات الأوروبية
ولو لم أثق بها فبماذا اثق بعد اختبارات الأمان الأوروبية

ثانيا ان العربيه بما ان من داخلها لم يتأثر بهذه الدرجه فده معناه ن الماتور والكبوت عموما لم يتحركوا الى داخل الكابينة لأنهم لو تحركوا لكانوا دخلوا داخل الكابينة
وكانو أثروا على من بداخل السيارة وهذا لم يحدث في الاختبارات
لأن اي دخول الى الكابينة وتأثيرة على الركاب كان سيضعف من حصول اليبارة على نجوم امان تصل الى اربعة

ثانيا عن ثبات العربيه
فأنا أؤكدلك ان ثبات العربيه أكثر من رائع وملاحظ عند ركوبها

ثالثا عن العفشة
فالعفشة تعتبر جيده جدا وقريبة الى الكورولا

واي استفسار أنا وغيري موجودين وان شاء الله ترزق الخير وانصحك بكثرة الأستخارة
وربنا يوفقك ان شاء الله

**Ahmed-Moustafa** · 29-04-2008 04:27 PM

جزاك الله خيراً كثيرا
انا كنت قلقان من موضوع حوض اموتور خوفاً على الخسائر عند أى تصادم ( لا قدر الله ) إنما من ناحية السلامة انا عجبانى اختبارات التصادم بتعتها بس شفت الموتور اتسحق و الناس بخير الحمد لله و فى الأول و فى الأخر قل لن يصيبنا إلا ما كتب الله لنا
و ما أصابك ما كان ليخطئك
وربنا يحفظنا و يحفظكم من أى مكروه
و شكرا على الرد و الإهتمام

**tawfi2** · 29-04-2008 05:10 PM

طيب أستأذنك يا أ- ابو عبدالله... أنا عندى سؤال وياريت تفيدنى فيه.. لأنى بصراحة عايز أجيب زيرو الفترة اللى جاية دى ومحتار جدا جدا جدا جدا جدا...........
سؤالى هو ... أنهى عربية من الأتنين أفضل من حيث الثبات والصاج و أسعار قطع الغيار... السيريون ولا ال جين 2 ..!؟
(أنا بسأل السؤال ده لأنى بجد حبيت العربيتين دول جدا ومحتار بينهم ... وخصوصا ان الأتنين تقريبا نفس السعر.. الليريون ب 83.000 جم .... و الجين 2 ب 84.000 جم) .. وشكرا لسعه صدرك ..:)

**معاذ الشرباصى** · 29-04-2008 05:45 PM

المشاركة الأصلية كتبت بواسطة tawfi2

طيب أستأذنك يا أ- ابو عبدالله... أنا عندى سؤال وياريت تفيدنى فيه.. لأنى بصراحة عايز أجيب زيرو الفترة اللى جاية دى ومحتار جدا جدا جدا جدا جدا...........
سؤالى هو ... أنهى عربية من الأتنين أفضل من حيث الثبات والصاج و أسعار قطع الغيار... السيريون ولا ال جين 2 ..!؟
(أنا بسأل السؤال ده لأنى بجد حبيت العربيتين دول جدا ومحتار بينهم ... وخصوصا ان الأتنين تقريبا نفس السعر.. الليريون ب 83.000 جم .... و الجين 2 ب 84.000 جم) .. وشكرا لسعه صدرك ..:)

بالنسبة للاسئلة بتاعتك

الجين 2 صاجها اقوى, و ثباتها كمان , اما قطع الغيار فصراحة معرفش الفرق بينهم

لكن دى فئة و دى فئة تانية خالص

**Ahmed-Moustafa** · 29-04-2008 05:56 PM

تقصد إيه يا استاذ معاذ بكلامك لكن دى فئة و دى فئة تانية خالص
أعتقد إن الفرق فى الشكل بس ( أعتقد برضو إن دى من المعلومات الغلط اللى عندى)
أرجو التوضيح و مش هاعتقد حاجة تانى خالص

**معاذ الشرباصى** · 29-04-2008 06:50 PM

المشاركة الأصلية كتبت بواسطة amfci106

تقصد إيه يا استاذ معاذ بكلامك لكن دى فئة و دى فئة تانية خالص
أعتقد إن الفرق فى الشكل بس ( أعتقد برضو إن دى من المعلومات الغلط اللى عندى)
أرجو التوضيح و مش هاعتقد حاجة تانى خالص

بص يا سيدى, انا هحاول اعملك مقارنة بينهم, الكلام ده كله بناء على امتلاك السريون و امتلاك صديق عزيز لى الجين 2, و انا كنت معاه و هو بيشترى عربيته, و سقتها فترة كمان

اولا السريون عربية هاتشباك, اما الجين فهى Liftback (اقرب للسيدان)

فرق استهلاك البنزين بالنسبة للجين 2 الاتوماتيك و السريون ال 1500 اتوماتيك لصالح السريون

عفشة العربيتين جيدة جدا

الثبات لصالح الجين 2

قوة الصاج لصالح الجين 2

الشكل دى اذواق

التكييف مماثل تقريبا فى العربيتين

القعدة اريح فى السريون عن الجين 2

اماكن التخزين داخل الكابينة متعددة فى السريون, و شبه منعدمة فى الجين 2, لكن العكس بالنسبة للشنطة تماما

الجين 2 فيها حاجات مش موجودة فى السريون زى مثبت السرعة, حساسات الركن الخلفية, فوانيس امامية بموتور تتيح لك امكانية التحكم فى ارتفاع الضوء مع وجود فوانيس شبورة امامية و خلفية, بالاضافة للتحكم فى الراديو سىدى من الدركسيون

الضمان لصالح السريون 100 الف كم او 3 سنين, اما الجين 2 فهى 60 الف او 3 سنين
الاتنين اعادة سعر البيع بتاعهم مش عالى, و ان كان بدأ يعلى بالنسبة لهم هما الاتنين. لكن الجين 2 فى منها كتير كسر زيرو, اما السريون نادرا

التقفيل الداخلى للسريون احسن كتير عن الجين 2, سواء الفرش او الخامات الداخلية

السريون الاتوماتيك فى سلاسة فى ادائها, لكن الجين 2 ادائها بيبقى ضعيف جدا تحت RPM 3

لو فى حاجة تانية افتكرتها هبقى اكتبها :)

الموضوع: أنا خايف من السيريون

LinkBack

أدوات الموضوع

عرض

العرض المتطور

-

أنهى أفضل..!!؟ -

-

-

المواضيع المتشابهه

خايف أغير عربيتى وعارف لية أنا قلبى خايف

أنا خايف على مصر قوي!

خايف

بجد بجد انا خايف

يا ملاك السيريون و خبراء السيريون

الكلمات الدلالية لهذا الموضوع

المفضلات

المفضلات

ضوابط المشاركة