مطلوب علي وجه السرعة لو سمحتم

معايا سيارة لانوس اتوماتيك وحالتها اكثر من ممتازة وشوفت السيارة اللأنشيا موديل 93 مانيوال وبفكر اني ابدل فهل يا تري ده تفكير سليم ولو ممكن حد يقولي عن مميزات وعيوب السيارة لانشيا ديدرا موديل 1993

الديدراوالريجاتا يشتركوا فى بعض قطع الغيار وبالتالى تكلفة الصيانة ستكون معقولة كذلك الفرق الرهيب فى الاداء بين الانوس والديدرا.

العربية الالديدرا حلوة فعلا شكلا واداءا ، وراى الشخصى انها احسن فعلا بس متنساش قطع الغيار وده مهم جدا جدا ، العربية مش منتشرة مقارنة طبعا بالدايوا لانوس اللى معاك وبالتالى قطعها مش سهلة اوى شوف الاول قطع الغيار قبل ما تتخذ القرار ده

لانشيا ديدرا هيا نفسها الفيات تمبرا
نفس الموتور و نفس قاعده العجلات
و متهيالي نفس اجهزه التعليق.
عربيه حلوه بس اهم حاجه اسأل علي قطع غيارها
(زجاج .فوانيس.صاج..الخ)
اما الاجزاء الميكانيكه ما تحملش همها هيا نفسها التمبرا

طبعا العربيه دي احلى حاجه فيها شياكتها... بس متتوقعش فرق آداء بينها و بين الانوس

يا جماعة انا لسه محتار يعني ابدل ولا لأ ارجو الرد الحاسم وشكرا لجميع الأخوة اللي اهتموا بالرد

زي ما قولت لحضرتك
لو لقيت قطع غيارها اللي ذكرتها فوق متوفره يبقي توكل علي الله

لو بدالك لا لعده اسباب
اولها فرق الموديل الانوس تكسب
فرق الانتشار الانوس تكسب
فرق اعاده البيع و مسك السعر الانوس تكسب
الاداء بصراحه معرفش بس الانوس تكسب
و ده قرار حضرتك في الاخر شوف انت و قول

واحد صحبى معاه الانشيا بيقول انه جاب ليها ماستر عمومى ب700 جنيه ومكانش لاقيه
بيقول ان حاجتها موجوده عن ناس معينه بتبيع حاجات الفيات معاها

الكلام ده على لسان صحبى وهوه معاه لانوس 99 مانوال برضو فى نفسى الوقت وكانت عجباه الانوس اكثر