إمتى نروح التوكيل و إمتى نروح برة

عرض للطباعة

19-06-2011, 05:30 PM
ahmedtr9989

إمتى نروح التوكيل و إمتى نروح برة

يا عشاااااق الميجان .... لو عاوزين نغير أو نصلح حجات في العربية ... إمتى نروح التوكيل و إمتى نعملها برة ...
يعني مثلاً لو حد عاوز يغير حاجه في الماتور ... يروح فييين ؟؟
مثلاً في العفشة ..... نروح فييين؟؟
مثلاً الحساسات ( كامه , شكمان , سرعه .... إلخ) ... يروح فييين ؟؟
فرامل .... يروح فييين ؟؟
ترس الديفيوزر .... يروح فييييين ؟؟
طرمبة بنزييين ..... يروح فين ؟؟
كويلات .... يروح فييين ؟؟
صيانات .... يروح فييين ؟؟

أنا ذكرت معظم المواضيع إلي عند أغلبيتنا و إلي يعرف حاجه زيادة يقولها علشان تعم المنفعة ...
و الموضوع هنا قصدي بيه مقارنة بين التوكيل و برة التوكيل ...(مع العلم إني أكيد مش هنروح ﻷي حد برة... ﻷه دحنا أكيد هنروح لحد متخصص في الرينو)
مستني أرأكم بالنسبة للنقاط إلي ذكرتها سابقأً و في إنتظار أرآكم و ردودكم
شكراً .... من عشاق ميجي:b4_611:
20-06-2011, 03:52 AM
ahmedtr9989

معقولة مفيش ردوود.... مع إني شايف انه موضوع مهم هيفيدنا كلنا .... و نعرف الحاجه إلي تستاهل و نفع فيها فلوس كترير و إحنا رايحيين التوكيل علشان نكون مطمينين من الحاجه إلي ممكن أعملها برة التوكيل و نفع فلوس قليله و نكون برضوا مستريحين.....
مستني الردوووود
20-06-2011, 08:55 PM
mohammedly

منابع باهتممممممممممممممممممممم ممممممممام
موضوع ممتاز ويارب حد يفيدنا
21-06-2011, 12:16 AM
ahmedtr9989

اقتباس:

المشاركة الأصلية كتبت بواسطة mohammedly

منابع باهتممممممممممممممممممممم ممممممممام
موضوع ممتاز ويارب حد يفيدنا

يااارب .... أخيراً لقيت حد يهتم بالموضوع ... مع إنه في رأيي موضوع مهم جداً .... ولكن الأعضاء باين عليهم مش مقتنعييين بيه
21-06-2011, 12:25 AM
yoko

أي حاجة في الموتور أو معقده في العفشة أو سينسورات توكيل
تغير تيول وكده بره
21-06-2011, 01:04 AM
chato_eg

لو إنت متابع فى التوكيل من الأول....يبقى مالوش لازمة أى حد يعمل أى حاجة علشان فرق مصنعية بس....
إللى ممكن تعمله بره الحاجات إللى مش متعلقة بالميكانيكا و الكهرباء

يعنى عادى جدا جدا إنك ما تعملش سمكرة فى التوكيل....لإنك أصلا وارد تغير قطع بأخرى استيراد مثلا

على فكرة..من كتر انتشار الميجان و هى فى السوق من سنة 2005 ..حاجات زى ترس الديفيزور بقت بتتعمل بره التوكيل و مافيهاش مشكلة..لكن أنا شخصيا مش هأحب أجرب فى عربيتى

الأهم من الشغلانة تتعمل فين..التشخيص...يعنى مين إللى يقول كويلات و لا حساس أكسجين و لا حساس سرعة و لا طلمبة مثلا....هنا عامل الخبرة هو الأهم..لكن تغيير بتغيير مش فارقة أوى كده

أيمن مومو مغير عربيته من جوه بعربية تانية و بره التوكيل....الميجان لم تعد لغزا زى من 5 و لا 6 سنين فاتوا
21-06-2011, 10:16 AM
Ahmed Selim

هو زى ما قال هانى المهم هو التشخيص.......لو أنت عارف أنت هتغير أيه يبقى أى حاجة فى الحساسات أو ميكانيكا الموتور ( الحاجات المعقدة ) فى التوكيل.

أى حاجة فى العفشة كنت متعود أعملها بره

الكهرباء فى التوكيل ( ما عدا حاجة زى الكويلات مثلاً....او حاجة ليها علاقة بالإضاءة )

مع العلم أن فيه ناس برة التوكيل بتعمل كل حاجة.....بس انا بقول على رأيي الشخصى.

أمال تعمل أيه لو أنت مكانى...........هنا لا يوجد غير التوكيل :(
22-06-2011, 11:03 AM
chato_eg

اقتباس:

المشاركة الأصلية كتبت بواسطة Ahmed A.Maksoud

أمال تعمل أيه لو أنت مكانى...........هنا لا يوجد غير التوكيل :(

يا كبير إنت المفروض تعملها بإيدك خلاص بعد العشرة الطويلة دى معاها :)....مين عارف...يمكن تعجبك الشغلانة و تبقى الميكانيكيون العرب فى الإمارات :colsmil:
23-06-2011, 04:10 PM
triton

انا ما عتبتش التوكيل غير مره واحده عملت فيها كشف علي العربيه ... لكن عملت فيها كل العفاريت الزرق برا التوكيل .........

فأنا رأيي ... كله بره التوكيل
23-06-2011, 07:08 PM
Ahmed Selim

اقتباس:

المشاركة الأصلية كتبت بواسطة chato_eg

يا كبير إنت المفروض تعملها بإيدك خلاص بعد العشرة الطويلة دى معاها :)....مين عارف...يمكن تعجبك الشغلانة و تبقى الميكانيكيون العرب فى الإمارات :colsmil:

هههههههههه تصدق فكرة برضه :)

المشكلة هنا فى الوقت..........التوكيل رحتلهم السبت اللى فات علشان ساعات بعد مشوار طويل تبطل العربية و ترجع تدور تانى تروح مبطلة.....و قولت بالمرة أعمل صيانة.

بالعافية......حلوا المشكلة الأولى بس.......كان الحل أيه ؟؟؟؟؟ تنظيف الثروتل بودى بسبراى!!!!!!!!!!!!!!

الصيانة أجلتها للسبت اللى جاى :)