نفسي اعرف الفرق بين الدونجل-التورشن بيم-والملتي لنك
...والفرق بينهم....وعيوب كل نوع ومزاياه.... وامثله لعربيات لكل نوع من التعليق....ومين احسنهم
وياريت نوع التعليق في
-نيسان بلوبيرد 2011
- مرسيدس e200 موديل 2000 وموديل 1994
-بي ام 523 موديل2006
-فورد فوكس 2011
في انتظار الرد من خبراء المنتدى...وشكرا مقدما لكل اللي هيبذل مجهود ووقت في الرد على سؤالي..
هو السؤال صعب اوي كدا؟؟؟؟\
نحذف اجابتين ؟
متابع
اعتقد المالتى لينك اريح حتى واضح من اسمه
في انتظار الردود.
متابع .....
معنديش فكرة عن الدونجل ده
بس بالنسبة للتورشن بيم و المالتي لينك
التورشن بيم : هو عبارة عن قضيب ملتوي و بيوصل بين العجلتين اللي ورا
و عيبه ان لو عجلة من اللي روا جت في نقرة في الارض العجلة التانية هتتأثر نسبيا معاها
و تكلفته اقل من المالتي لينك و سهل يتعمله setup
و ديه صورته
http://t1.gstatic.com/images?q=tbn:A...Sqt583MAnQ6TTl
اما المالتي لينك : فده واضح من اسمه متعدد الوصلات فبيكون اكتر من دراع و بيكون واصل بين العجل برده اللي ورا لكن كل واحدة لوحدها
و ده بيدي للعربية ثبات احسن ع السرعات العالية و عجلة واحدة تتأثر ميأثرش ع العجلة التانية
بس مشكلته انه مكلف و مش سهل يتعمله setup
و ع حد علمي بيختلف يعني 3linke , 5link
و ديه صورة ليه
http://upload.wikimedia.org/wikipedi...ink3Drear1.gif
اما بالنسبة مين افضل فطبيعي المالتي لينك افضل لأنه احدث و زي ما قولتلك فوق مميزاته عن التورشن بيم
لكن مشكلته التكلفة و الـsetup
متهيألي العكس هو الصحيح (مش متأكد بصراحة) .. ان التورشن بيم هو اللي بيدي ثبات أكتر من المالتي لينك .. وخاصة في الغرز والمنحنيات على سرعات عالية .. بس المالتي لينك بتبقى أريح في العفشة بالنسبة للركاب وتكلفتها فعلاً في صيانتها أعلى .اقتباس:
و ده بيدي للعربية ثبات احسن ع السرعات العالية و عجلة واحدة تتأثر ميأثرش ع العجلة التانية
بس يبقى التساؤل .. أيه الدونجل ده .. أول مرة أسمع عنه
اللي اعرفه عن الدونجل انه هو اللي بيمسك بين العجلتين اللي ورا ف العربيه
ومن ناحيه الثبات والراحة بتاعة العفشه فالمالتي لينك احسن علشان كل عجله مش مرتبطه مع التانيه بس المالتي لينك اغلي من التورشن
وتلاحظ الفرق ده بين الفيرنا والانترا -- الفيرنا تورشن والالنترا مالتي لينك -- وعلشان كدا الالنترا افضل ف الثبات وف النعومه
اقتباس:
المشاركة الأصلية كتبت بواسطة ziabassem
بالعكس يا ريس المالتي لينك اللي بيدي ثبات اكتر ع السرعات العالية اكتر من التورشن بيم
لان مثلا عندك لما تيجي و انت ماشي و عجلة من اللي ورا تيجي في حفرة عجلة واحدة بتتأثر في المالتي لينك فمفيش تأثير ع العجلة التانية و بيفضل الاداء تمام معاك
لكن في التورشن بيم الاتنين لو واحدة جت في حفرة التانية بتتأثر معاها
و طبعا المالتي لينك بجانب الثبات اللي قاعد مش بيتعذب انما في التورشن بيبقي يا ويلة يا سواد ليله ههههه
و نفسي افهم ايه الدونجل ليكون صاحب الموضوع يقصد الدنجل اللي بيمسك العجل ورا برده زي ما moh قال ههههههههه ده الواحد بقي في التراوة خالص
جامد ياaxel
شكرا على المعلومات
اقتباس:
المشاركة الأصلية كتبت بواسطة axel
انت متأكد أن الفيرنا تورشن بيم؟! .. أنا معلوماتي أنها مالتي لينك علشان كدة عفشة الفيرنا طرية .. في انتظار تأكيد المعلومة أو نفيها .. فين أصحاب الفيرنا .اقتباس:
المشاركة الأصلية كتبت بواسطة moh19227
متابع
المرسيدس الw124
مالتي لنك
الدونجل اللي بتكلم عنه ده انا عرفته عن طريق واحد صاحبي معاه صني كان ف عربيه دخلت فيه من الجنب ف العجلتين اللي ورا التوكيل قاله لازم تغير الدنجل وتقريبا كان بــ 2500 فهي دي معرفتي بالدونجل يا ريس :grin54:اقتباس:
المشاركة الأصلية كتبت بواسطة Axel
والدونجل -- مش عارف بيتكتب كده ولا من غير واو :grin54: -- شفته عند صاحبي هو عباره عن حديده طويله وليها جنبين واقفين بزاويه افقيه ووزنه تقيل شويه :grin54:
التعليق الخلفي ف الفيرنا Dual Linkاقتباس:
انت متأكد أن الفيرنا تورشن بيم؟! .. أنا معلوماتي أنها مالتي لينك علشان كدة عفشة الفيرنا طرية .. في انتظار تأكيد المعلومة أو نفيها .. فين أصحاب الفيرنا .
اما الالنترا Multi Link With Stabilizer Bar
لو حضرتك شفت الموضوع اللى فى اللينك دا فان شاء الله يرد على كثير من استفساراتك http://www.nilemotors.net/Nile/116351-a.html
يا جماعة مش مهم التعليق في الفيرنا نوعه ايه، المهم قرروا بقه علشان اللي عاوز يشتري عربية ثابتة ومريحة يبقى عارف يختار ايه?
على فكرة يا جماعة كل اللى قاله axel صحيح مائة بالمائة و شكرا
شكرا على المعلومات
استاذ juba8 حضرتك احييت مواضيع قديمه قيمه
معلومات مهمه بس بردو ماوصلنلش لتأكيد هل الدونجل هوا التورشن بييم