ارجو مساعدة حضراتكم نيو اكسنت

**ZeZoZeZ** · 19-06-2011 07:13 PM

بفضل الله و نعمته اشتريت الحمد لله. نيو أكسنت 2011 أوتوماتيك من اوتو سمير ريان
فارجو من حضراتكم تفيدوني أشيك علي إيه وانا بستان بكرة ان شاء الله وجزاكم الله كل خير

**eldeplomasy** · 19-06-2011 10:06 PM

الف الف مبروك مقدما وربنا يديك خيرها ويكفيك شرها
اولا بص على الحاجات اللى جايه معاها زي الاستبن والمفكات وكل حاجه
ثانيا جرب الانوار والكاسيت وجميع الاضاءات الموجودة بما فيهم جهاز الاذار
ثالثا شغلها وسيبها شغاله وانت بتتكلم معاهم او بتشوف الحاجات دي وشوف الموتور هيسخن ولا لأ المراوح شغاله ولا لأ
رابعا افتح الكابوت وبص كويس شوف في اثار حاجه مفكوكة ولا لأ
خامسا اركب واستمتع وربنا يباركلك فيها

**ZeZoZeZ** · 19-06-2011 10:58 PM

تسلم يا باشا علي الرد و المساعدة نجملك في الا فراح يارب ان شاء الله

**khaled_ali** · 20-06-2011 01:36 AM

الف الف مبروك ياباشا وربنا يكفيك شرها وانتة بتشيك شغل المكيف لاني اشتريت السيارة في الشتاء وقالوا متشغلش المكيف بعد الالف احذر هذا شغل المكيف كويس وانتة بتشيك وياريت تسيبة فترة وربنا يوفقك

**HOSSAM99** · 20-06-2011 01:52 AM

السلام عليكم
ألف مبروك أولا و ربنا يبارك لحضرتك فيها
نبدأ بالبودي الخارجي شوف الدوكو هل فيه غلطات أو تجريح أو خلافه شيك علي كل جزء لوحده رفرف لوحد كله متسبش حاجه فيه باب لوحده كبوت و خلافه
شيك علي مرايات مساحات و فوانيس و خلافه
دلايات التراب موجوده مكسوره و لا سليمه
تفتح الشنطه كل شئ في مكانه الليباد سليم اللمبه شغاله ترفع اللباد الكوريك و اللافيه و مفتاح العجل و الإستبن و مفيش جروح في الشنطه أو غيره
تفتح الكبوت مفيش سوائل مسيله علي القرب أو الخراطيم(كله بمجرد النظر)
زيت في مستواه الطبيعي و الرياداتير مليان ميه
الموتور شكله جديد كل شئ شكله عاطفي و تحس أنه زيرو تمام
سيب الكبوت مفتوح روح دور كل اللمبات بتشتغل قبل الإستارت و بتطفي بعد الدواره إلا الهاند و الحزام
تمام
سيب العربيه تسخن و الحمد لله مفيش دخنه أو صوت مزعج أو أي شئ غير طبيعي
نقفل الكبوت و نروح الصالون نفتح الباب نطمن علي فرش الباب و الزراير و جلود دواير الباب و خلافه و متسبش زرار إلا أما يشتغل
نفتح الباب الخلفي تشك سريع علي ما سبق و كذلك جميع الأبواب
نركب و نقفل الباب نشغل التكييف علي 1 ثم دقيقه و2 و لغاية 4 و نشوف التكييف شغال تمام و لا كفائته قليله (متسمعش كلام يلاش التكييف في التليين)
نفتح النور الصغير شغال و كل شئ شغال نشغل الكاسيت و معانا سي دي و فلاشه(الفلاشه بتشتغل دايركت علي بعض موديلات كاسيت هيونداي و البعض بيبقي مع الكاسيت واصله)
كله تمام و الكاسيت بيعلي و يوطي
و الأنوار و الإشارات و الهاند بينزل بسلاسه و بيطلع ماسك نفسه
تمام حرك الكرسي الراكب للأمام و للخلف و الضهر و كذلك كرسي السواق
أظبط المرايات و توكل علي الله
في إنتظارك نبارك لحضرتك بعد الإستلام
متقرصش علي العربيه خليك تحت 100

**bentrewsha** · 20-06-2011 03:03 AM

الف مبرووووووووووووووووووووك
سمير ريان ناس محترمين وحاجتهم تمام التمام
انا اشتريت منهم واحده فى شهر يناير والحمد لله
زى الفل

**ZeZoZeZ** · 21-06-2011 06:41 PM

السلام عليكم ورحمة الله وبركاته
شكرا يا جماعة جدا بس انا مجبتش اكسنت بعد ما اجزت حصل شوية حاجات كدة و فى الاخر جبت كارينز 2011 شكرا جدا للجميع الحمد لله