حادثة قدام عيني لعربية ماكنتش أتوقع منها كدة

كان أخويا مخلص أمتحان وواخده هو و أصحابه مروحين
الكلام ده من حوال 3 أيام
عند غبور قليوب الحتة اللي تحت الدائري
العربية الضحية ... بريليانس جالينا
الجاني ... نقل تقيل ... جدا
انا ماشي ورا الجالينا علي بعد عربية
النقل علي شمالي انا والجالينا
فجأة انا سرحت لمدة ثانية
لقيت قدامي الجالينا بتتخبط في الباب اللي ورا شمال والنقل داكل فيه بقل قوته
راحت العربية لفة وبقت بالعرض قدام النقل
النقل ماوقفش !
كأنه مش شايفه نهاااااااااااااائي
هي عربية نقل عالية نضيفة من العربيات الman الكبيرة ده
والعربية كل ده بالعرض وراحت خابطة في الحاجز الخرساني وبقت واقفة كأنها عكس الأتجاه
انا هديت جامد وجيت علي جمب شوية عشان أركن وأشوف ان كنت هعرف أساعد
بتاع النقل شاف اللي حصل وهدي شوية ... وفجأة مشي ولا كأنه عمل حاجة
نزلت أشوف بتاع الجالينا
العربية متبعدلو من الجمب والأزاز وأكسدام مدلدل .. متبهدلة
الغريب بقي في الموضوع !
ان بتاع البريليانس لما شاف بتاع النقل جري
جري بالعربية وراه !
انا ساعتها ركبت وقلت أطلع ورا النقل أعطله ولا حاجة الراجل يعرف يجيبه
بس انا ركبت وطلعت لقيت بتاع البرليانس جابه
انا في الوقت ده سيبتهم واتمنيت بتاع البرليانس يظبطوا ويبهدل اللي جابوه
عالم تستاهل الحرق
يموتك ويجري
وبرضه عليت في نظري قوي البرليانس
بعد اللي حصلها ده ... وطلعت تجري وراه
وغير كدة .. ماتقلبتش لما كانت بتزحف بالعرض !
انا كنت منتظر انها تتقلب !
الحادثة كانت علي سرعة 80

الحمد لله لاحظت مكانش في أصابات

ربنا يسترها معانا..بس هيعرف ياخد منه حق ازاى فى الصحرا دى..ده تلاقي سواق البريليانس دلوقتى فخبر كان

اقتباس:

---

المشاركة الأصلية كتبت بواسطة beshomilan

ربنا يسترها معانا..بس هيعرف ياخد منه حق ازاى فى الصحرا دى..ده تلاقي سواق البريليانس دلوقتى فخبر كان

---

مش صحرا
ده حتة مليانة ميكروباصات واقفة بتحمل واناس والناس شايفة
كان في 3 في البرليانس

المهم عرف ياخد حقه ولة لا

السلام عليكم و رحمة الله و بركاته

مش سيادتك بتتكلم على طريق القاهرة الاسكندرية الزراعى تحت الكوبرى بتاع الدائرى؟؟؟؟

مع احترامى ليها ..
دى صاحبه الصفر الشهير فى اختبار التصادم
بس للامانه انا شوفت واد راكبها و خطف ادامى غرزه فوق ال 170 و الى عجبنى ان العربيه مش بتميل ..فاهم ؟؟ و خدت الغرزه حلو اوى ..وطبعا الى راكبها سواق كويس ..مش مهم بقى عملت فيه ايه بعد كده ههههههههه

اقتباس:

---

المشاركة الأصلية كتبت بواسطة masterzmind

المهم عرف ياخد حقه ولة لا

---

معرفش الحقيقة

اقتباس:

---

المشاركة الأصلية كتبت بواسطة maserati

السلام عليكم و رحمة الله و بركاته

مش سيادتك بتتكلم على طريق القاهرة الاسكندرية الزراعى تحت الكوبرى بتاع الدائرى؟؟؟؟

---

أه هو !
ومش عارف مقولتش ليه كدة من الأول
انا في غيبوبة ولا أيه !

اقتباس:

---

المشاركة الأصلية كتبت بواسطة khaled ayman

مع احترامى ليها ..
دى صاحبه الصفر الشهير فى اختبار التصادم
بس للامانه انا شوفت واد راكبها و خطف ادامى غرزه فوق ال 170 و الى عجبنى ان العربيه مش بتميل ..فاهم ؟؟ و خدت الغرزه حلو اوى ..وطبعا الى راكبها سواق كويس ..مش مهم بقى عملت فيه ايه بعد كده ههههههههه

---

يا خلود الصفر ده كان لأول نسخة نزلت
اللي أتفشفشت وقوايمها أتفرمت
نزلوا فيديو بعدها بفترة والعربية طلعت كويسة ومش فاكر خدت كام نجمة
بس اللي عندنا ده مش اللي خد صفر
في عربيات وهي بتاخد غرز بتحسها بتتحرك حتة واحدة ... عربيات محترمة
وفي عربيات بتحس ان بوز العربية سبق ديلها وبتبقي غرزة منيلة
انا بحترم الجالينا .. وبالذات اللي لونها عاجي وسقفها أسود :)

ربنا يستر طريقنا وان شاء الله يكون خد حقه

اقتباس:

---

المشاركة الأصلية كتبت بواسطة Eng.Geo

معرفش الحقيقة

أه هو !
ومش عارف مقولتش ليه كدة من الأول
انا في غيبوبة ولا أيه !

يا خلود الصفر ده كان لأول نسخة نزلت
اللي أتفشفشت وقوايمها أتفرمت
نزلوا فيديو بعدها بفترة والعربية طلعت كويسة ومش فاكر خدت كام نجمة
بس اللي عندنا ده مش اللي خد صفر
في عربيات وهي بتاخد غرز بتحسها بتتحرك حتة واحدة ... عربيات محترمة
وفي عربيات بتحس ان بوز العربية سبق ديلها وبتبقي غرزة منيلة
انا بحترم الجالينا .. وبالذات اللي لونها عاجي وسقفها أسود :)

---

معقول جابولنا الى من غير صفر :grin54: اول مره افتخر انى مصرى هههههههههه
بلاش سيره العربيات الى بوزها بيسبق ديلها فى الغرز بقى لحسن الموضوع يتقلب معركه ..هههههههههه

اقتباس:

---

المشاركة الأصلية كتبت بواسطة KHALED AYMAN

معقول جابولنا الى من غير صفر :grin54: اول مره افتخر انى مصرى هههههههههه
بلاش سيره العربيات الى بوزها بيسبق ديلها فى الغرز بقى لحسن الموضوع يتقلب معركه ..هههههههههه

---

الحق حق يعني :grin54:

انا عايز اقولك انى اعرف واحد معاه جالينا ومرسيدس e240 2006 وبيركب الجالينا اكتر من المرسيدس

الجالينا مع صديق ليا

بامانه العربيه دي جااااااحده بسم الله ماشاء الله عليها

واسعه جدا وطبلوه حلو جدا بس برضو مفيهوش الخامات الفخمه اوي

بس نيجي للنقطه المهمه العربيه فيها ثباات ممتاز جدا جدا جدا وبالنسبه الى ان العربيه مش بتميل

في زرار في الفتيس اسمه hold انا مش عارف طريقه عمله ازاي بس هو ده اللي بيمنع ان العربيه تميل تماما في الغرز

اكتر حاجه بقى تضايق في العربيه دي فعلا برجلها وحش جدا جدا جدا متعرفش تلف على الضيق خااالص ولا تطلع من ورا واحد راكن ولا الكلام ده خالص وانا رايي ان ده عيب في العربيه مقرف اوي بالاضافه الى ان عفشتها ناشفه جدا جدا بس ده طبيعي في كل العريبات الكبيره والواطيه على الارض

الباسات مثلا كل موديلاتها الي شوفتها برجلها احسن من اي عربيه تانيه ممكن تشوفها في حياتك مع انها كبيره جدا بس تصميم البرجل بتاعها مريح العربيه اوي اوي اوي ولا كانك سايق دايو ماتز مثلا

الحوادث بتبقى نصيب
لى صديق عمل نفس الحادثة دى بالضبط بفيرنا و الحمد لله برضه ما انقلبتش رغم قلة ثبات العربية (عشان كده بقول نصيب)
بس فى حالته العربية اتبهدلت و احتاجت زرجينه ورش دواخل والحمد لله هو خرج بدون خدش

عالم زباله بيخبط الراجل و يامشى
يارب يكون ظبطه

عالم تيت بتوع النقل دول يقتل القتيل ويمشي فى جنازتة خبط الرجل ويمشي كدة
يارب الراجل يكون حصلة واداله اللى فية النصيب

اقتباس:

---

المشاركة الأصلية كتبت بواسطة حماده المصري

في زرار في الفتيس اسمه hold انا مش عارف طريقه عمله ازاي بس هو ده اللي بيمنع ان العربيه تميل تماما في الغرز

---

الزرار دة خاص بالفتيس وملهوش علاقة بثبات العربية
بيثبت النقلة علشان لو انت عايز تشد مع حد

قدر الله و ما شاء فعل و يلرب يكون عرف ياخد حقه و لو ان بتوع النقل دول محدش بيعرف ياخد منهم اي حق

أنا مرة شوفت بتاع نقل فى منتهى الغباء خبط تاكسى من ورا ونازل يضرب سواق التاكسى كمان

يا جماعة متنسوش إن الجالينا سعرها معدي ال 140000. عمركوا شفتوا عربية صيني بالسعر ده قبل كده؟ ده مش مجرد سعر بدون دراسة ولا رقم بدون حساب لإمكانيات العربية. لكن فعلا لإن العربية فيها كماليات ومعاملات أمان مش موجودة في عربيات كوري أو حتي ياباني كتير.

يعني أنا لو معايا الجالينا مفكرش أغيرها إلا عشان اجيب حاجة ألماني, باسات مثلا أو BMW 316i

اقتباس:

---

المشاركة الأصلية كتبت بواسطة Eslam.Elrefaey

انا عايز اقولك انى اعرف واحد معاه جالينا ومرسيدس e240 2006 وبيركب الجالينا اكتر من المرسيدس

---

مش عارف
بس انا مش عايز توصلني فكرة انه بيستمتع بالجالينا أكتر !
ممكن موفرة عن المرسيدس ماشي
ممكن بيخاف علي المرسيدس
ممكن كتير
بس هو قصدك اللي في دماغي ؟

اقتباس:

---

المشاركة الأصلية كتبت بواسطة حماده المصري

الجالينا مع صديق ليا

بامانه العربيه دي جااااااحده بسم الله ماشاء الله عليها

واسعه جدا وطبلوه حلو جدا بس برضو مفيهوش الخامات الفخمه اوي

بس نيجي للنقطه المهمه العربيه فيها ثباات ممتاز جدا جدا جدا وبالنسبه الى ان العربيه مش بتميل

في زرار في الفتيس اسمه hold انا مش عارف طريقه عمله ازاي بس هو ده اللي بيمنع ان العربيه تميل تماما في الغرز

اكتر حاجه بقى تضايق في العربيه دي فعلا برجلها وحش جدا جدا جدا متعرفش تلف على الضيق خااالص ولا تطلع من ورا واحد راكن ولا الكلام ده خالص وانا رايي ان ده عيب في العربيه مقرف اوي بالاضافه الى ان عفشتها ناشفه جدا جدا بس ده طبيعي في كل العريبات الكبيره والواطيه على الارض

الباسات مثلا كل موديلاتها الي شوفتها برجلها احسن من اي عربيه تانيه ممكن تشوفها في حياتك مع انها كبيره جدا بس تصميم البرجل بتاعها مريح العربيه اوي اوي اوي ولا كانك سايق دايو ماتز مثلا

---

زرار ال hold ده في أغلب العربيات الأوتو
وظيفته انه مثلا لو انت علي التالت ودوست hold مش هيجيب الرابع .. هيفضل يحرق علي التالت لأخره .. وميزته في الشد
ملوش أي علاقة بميلان العربية
عدم الميلان ده بسبب قاعدة العجلات العريضة جدا ومكان المساعد في طرف العربية وقصر المساعد

اقتباس:

---

المشاركة الأصلية كتبت بواسطة أبو_حمزة

الحوادث بتبقى نصيب
لى صديق عمل نفس الحادثة دى بالضبط بفيرنا و الحمد لله برضه ما انقلبتش رغم قلة ثبات العربية (عشان كده بقول نصيب)
بس فى حالته العربية اتبهدلت و احتاجت زرجينه ورش دواخل والحمد لله هو خرج بدون خدش

---

الحمد لله
وهو أكيد نصيبه كدة

اقتباس:

---

المشاركة الأصلية كتبت بواسطة levelpower

عالم زباله بيخبط الراجل و يامشى
يارب يكون ظبطه

---

لو كان مهربش كان ممكن يبقي في كلام تاني
انما ده سابه ومشي !

اقتباس:

---

المشاركة الأصلية كتبت بواسطة eng_mostafa_89

عالم تيت بتوع النقل دول يقتل القتيل ويمشي فى جنازتة خبط الرجل ويمشي كدة
يارب الراجل يكون حصلة واداله اللى فية النصيب

---

يا رب يكون خد حقه

اقتباس:

---

المشاركة الأصلية كتبت بواسطة donzi

قدر الله و ما شاء فعل و يلرب يكون عرف ياخد حقه و لو ان بتوع النقل دول محدش بيعرف ياخد منهم اي حق

---

مش كلهم
وده لازم يعمل معاه الواجب .. ده سابه ومشي !

اقتباس:

---

المشاركة الأصلية كتبت بواسطة elawany13

أنا مرة شوفت بتاع نقل فى منتهى الغباء خبط تاكسى من ورا ونازل يضرب سواق التاكسى كمان

---

يستاهل أعدام

اقتباس:

---

المشاركة الأصلية كتبت بواسطة zemanovaxxx

يا جماعة متنسوش إن الجالينا سعرها معدي ال 140000. عمركوا شفتوا عربية صيني بالسعر ده قبل كده؟ ده مش مجرد سعر بدون دراسة ولا رقم بدون حساب لإمكانيات العربية. لكن فعلا لإن العربية فيها كماليات ومعاملات أمان مش موجودة في عربيات كوري أو حتي ياباني كتير.

يعني أنا لو معايا الجالينا مفكرش أغيرها إلا عشان اجيب حاجة ألماني, باسات مثلا أو bmw 316i

---

يمكن
انا عايز أجربها الحقيقة

والله كان عندى احساس انها عربية محترمة..ربنا يستر طريقنا وطريقكم ياارب

فيديو أختبار التصادم الفاشل للجالينا مازال موجود عاليوتيوب..........يمكن الراجل ده فولسه حلال و ربنا سترها معاه لكن لا احد ينكر البهدلة اللي اتبهدلتها العربية أم 160 الف و اكتر في حين ان عربيات تانية بتاخد خمس نجوم في الاختبار زي الفورد فوكس و الكورولا و غيرها كتيررررررررر......