بلية الشداد

**eng_hoba13** · 19-06-2011 09:26 PM

ازيكوا يا جمتعة كلكوا عايز رأيكم لو سمحتم
انا معايا بروتون جين 2 موديل 2010 اوتوماتيك وعاملة 8000 كم المهم من شهر كدة تقريبا كنت باسمع صوت صفارة عالى طالع من جنب الموتور من عند السير فالمهم رحت كشفت عليها فى مركز عصام وصفا المهندس عصام قاللى ان ديه بلية الشداد وهى بتتغير فى الضمان فسألت عليها فى عز العرب ما لقيتهاش قالولى احجزها لما تيجى فى الدفعة التانية المهم حجزتها بس اللى انا عايز اسأل عليه هل ده مش خطر على العربية ان امشى بيها كدة؟؟؟؟؟؟؟

**eng.m7md.ali** · 19-06-2011 09:31 PM

للاسف حضرتك تاني واحد تحصله المشكلة دي وميلقيش البلية في التوكيل
بس مفيش خطر ولا حاجة غير انك تتعايش مع الصوت لحد ماتيجي

**eng_hoba13** · 19-06-2011 09:51 PM

شكرا يا باشا على ذوقك وسرعة ردك وادينى باحاول اتعايش مع الصوت اما اشوف اخرتها ايه

**mohamed5800** · 19-06-2011 10:06 PM

على فكرة هية موحودة برة عند محل مكة وانا كنت شريها من عندة ومتهايالى انها كانت ب25

**eng.m7md.ali** · 19-06-2011 10:10 PM

صحيح
اكيد هتلاقيها بردة
انا افتكرتها بلية كاتينة

**ehabsharaf** · 21-06-2011 12:28 PM

بلية الشداد غالبا موش هتلاقيها برة وهيا ب 1400 جنية فى التوكيل بس بالنسبة لحضرتك موش هاتدفع حاجة عشان الضمان انا ليسة مغير عندى البلية الاسبوع اللى فات وعلى التوكيل موجود فية دلوقتى البلة الحق اتصل واحجز احسا دية بتخلص علطول

**m_marmoush** · 21-06-2011 02:42 PM

أيه الفرق بين بلية الشداد و بلية الكاتينه؟

**RedBull_30** · 21-06-2011 06:29 PM

بلية الكاتينة هي رولمان بلي الخاص بسير التقسيمة و بلية الشداد وهي من اسمها انها بتبقى في مكان معين وبيلف عليها نفس السير الخاص بالتقسيمة وبيكون استخدامها لشد السير بحيث ميكونش مرتخي ويلف على الفاضي

**m_marmoush** · 22-06-2011 12:53 PM

المشاركة الأصلية كتبت بواسطة redbull_30

بلية الكاتينة هي رولمان بلي الخاص بسير التقسيمة و بلية الشداد وهي من اسمها انها بتبقى في مكان معين وبيلف عليها نفس السير الخاص بالتقسيمة وبيكون استخدامها لشد السير بحيث ميكونش مرتخي ويلف على الفاضي

طب و ليه فى صيانة ال 60000 بنغير بلية الكاتينه و مابنغيرش بلية الشداد ؟

**RedBull_30** · 22-06-2011 03:53 PM

المشاركة الأصلية كتبت بواسطة m_marmoush

طب و ليه فى صيانة ال 60000 بنغير بلية الكاتينه و مابنغيرش بلية الشداد ؟

انا لغاية الان مغيرتش بلية الكاتينة ولا الشداد وكان معايا قبل الجين 2 عربيتين كل واحدة منهم غيرتلها السير على 90الف ومن غير ما اغير البلي ولما غيرت السير للجين 2 طلبت منه انه يشوفلي السير كويس ولا لا وعلى اساسه هغير وطبعا قالي محتاج التغيير ولما السير طلع و شوفته لقيته مش محتاج تغيير بس بصراحة بيني و بين نفسي قولت خليني في الامان وكمان طلب مني اغير البلية وانا قولتله مش سامع ليها صوت يبقى مش هغيرها وفعلا مغيرتهاش

بس انا عاوز اسئل عن معاد تغيير السير بيبقى فعلا بالكيلو متر ولا ممكن يفرق من سواق لسواق عشان اسلوب القيادة والتحميل على الموتور؟؟

الموضوع: بلية الشداد

LinkBack

أدوات الموضوع

عرض

-

-

-

-

المواضيع المتشابهه

بلي الشداد

تلف بلية الشداد و تأتيرها على العربيه

بلية الشداد

تلف بلية الشداد وتغييرها ( شرح بالصور والفيديو )

هل بلية الشداد بتاثر فى سحب العربية

الكلمات الدلالية لهذا الموضوع

المفضلات

المفضلات

ضوابط المشاركة