طريقة الكشف على الديسك والاسطوانة ؟؟!

السلام عليكم ورحمة الله وبركاتة

هوينفع اكشف على الديسك والاسطوانة بمجرد النظر كدة
ولا لازم يحل من تحت عشان يكشف عليهم

عشان كان عندى صووت تزييق حديد كدة لودوست بنزين فى الطلعة جامد يعنى بسيب دبرياج وحدة وحدة بس بضغط بنزين بنسبة اعلى فبسمع الصوت دة

المهم الميكانيكى قالى اركب ودور ونزل تحت الكاوتش اللى قدام وقالى اطلع سنة قدام وسنة ورا
وبعد كدة قالى الاسطوانة متاكلةعلى الاخر مش موجودة تعتبر
وفى نفس الوقت انا مش بشتكى من السحب بالطريقة اللى ممكن تعملها لو فعلا الاسطوانة متاكلة اوى كدة
فياترى فعلا ينفع يكشف على الاسطوانة والديسك بمجرد النظر كدة
طب وصوت التزييق دة اية مع العلم انو راح لوحدو حاليا مش موجود

لو الإسطوانه والديسك بالشكل ده لازم السحب يكون صفر
شوف ميكانيكى تانى .. افضل

متابع معاك !

لو مؤاخذة الميكانيكى دة ميعرفش حاجة لو الاسطوانه و الديسك رايحين او واحد منهم السحب حيقل كتير و العربيه متطلعش مطلعيات وكمان هما ميبانوش من تحت العربيه لازم يفك :angry06:

اقتباس:

---

المشاركة الأصلية كتبت بواسطة elewey

لو مؤاخذة الميكانيكى دة ميعرفش حاجة لو الاسطوانه و الديسك رايحين او واحد منهم السحب حيقل كتير و العربيه متطلعش مطلعيات وكمان هما ميبانوش من تحت العربيه لازم يفك :angry06:

---

ماهو دة اللى محيرنى هو كان بيشتغلنى اما نزل تحت العربية وقالى دى الاسطوانة رايحة خالص
قصدى يعنى عرف ازاى من غير ما يحل من تحت هى الاسطوانة بتبقى باينة منتحت ؟؟؟؟؟!!!

للأسف غالبية الصنايعيه بيشتغلو الناس

اللى يحمل يشيل و لينا رب كريم

تجربة الاسطوانة بتبقى عن طريق انك بتدوس دبرياج وتدى الرابع
وبعدين تشيل رجلك من على الدبرياج سنة سنة
لو بطلت العربية فى اول المشوار تبقى ممتازة
وكل ما المشوار بتاع البدال زاد عشان العربية تبطل تبقى كفاءة الاسطوانة اقل

العربية لازم تكون سخنة

اقتباس:

---

المشاركة الأصلية كتبت بواسطة Silenty

ماهو دة اللى محيرنى هو كان بيشتغلنى اما نزل تحت العربية وقالى دى الاسطوانة رايحة خالص
قصدى يعنى عرف ازاى من غير ما يحل من تحت هى الاسطوانة بتبقى باينة منتحت ؟؟؟؟؟!!!

---

لا طبعآ الاسطوانه متباش ابدآ من تحت ومن اعراض تلف الاسطوانه انك فعلا لو جبت الرابع و طلعت عليه لو العربيه بطلت تبقى الاسطوانه سليمة اما لو صلعت تبقى تعبانه وممكن تجرب على مطلع يعنى مثلا نقول جراج تحت الارض و هات الاول و اطلع عليه لو العربيه كركرت و مرتضتش تطلع يبقى الاسطوانه و الديسك تعبانين كمان تشم بصفة مستمرة و انتا ماشى ريحة شياط جوة العربيه كل دى علامات تلف الاسطوانه و الديسك :Ka_che1[1]:

اهم حاجة اتقالت في الموضوع دا الريحة - لان الريحة دي دليل قوي ان الاسطوانة بح وجرب موضوع الرابع دا ولو انت ماشي علي طريق مفتوح وبتدوس بنزين وصوت الماتور بيعلي والسرعة ثابتة دا برضة دليل ان الاسطوانة او الديسك او ااتنين فيهم مشكلة

جرب والعربية واقفة تجيب التالت
وارفع رجلك من على الدبرياج مرة واحدة
لو العربية بطلت مرة واحدة يبقا الديسك والاسطوانة تمام
لو مبطلتش على طول يبقا فيهم مشكلة احدهم او الاتنين !

السلام عليكم
يعنى اجب الغيار وانا واقف مش ماشية واشيل رجلى واحده واحده ولا ايه مش فاهم قوى

اقتباس:

---

المشاركة الأصلية كتبت بواسطة rasim

السلام عليكم
يعنى اجب الغيار وانا واقف مش ماشية واشيل رجلى واحده واحده ولا ايه مش فاهم قوى

---

المفروض العربيه تبقى سخنه او بعد مشوار

التجربه ترفع فرامل اليد و تجيب التالت او الرابع
ارفع رجلك من ع الدبرياج واحده واحده
المفروض العربيه علي طول في اول مشوار الدبرياج

لكن لو لقيتها بتكركر و العربيه مابطلتش و عديت نص مشوار الدبرياج يبقى كدا الطقم دا بايظ

لو شلت رجلك خالص بقى و لقيتها لسه مابطلتش يبقى الطقم دا ودع


هي فكرته كلها قايمه علي الاحتكاك بين الاسطوانه و الديسك و كل ما قل الاحتكاك كل ما ضعفت الاسطوانه و فقدت قدرتها علي الفصل

السلام عليكم
جزاك الله خيرا اخى الكريم على التوضيح

اهم حاجه مش تغير اسطوانه الدبرياج غير الميكانيكى حسبى الله ونعم الوكيل