جمع اكبر عدد متضرر من مشكلة ونة وخشونة الفيتيس f3 للمطالبة بتغيره

السلام عليكم

كل من هو عنده مشكله مع فيتيس السيارة f3 يا ريت يشارك بنوع المشكلة ورأى لحلها

انا سيارتى 2011 بجد مش فيتيس وبه ونة صوتها عالى جدا من اول يوم استلام فضلا عن خشونة الفيتيس
وذهبت الى التوكيل مرات كثيرة لحل المشكلة
- مرة غيرنا الزيت بزيت لزوجة اعلى
- والمرة التانية هنشوف المشكلة ونحلها وقعدت السيارة عندهم يومين ورجعت الصوت هادى لمدة يوم او يومين بالكتير وبعدها رجع اصعب من الاول لانه الاول كان فى الراجع لغيار الاول والثانى والثالث حاليا فى كل الغيارات فى السحب والراجع

ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة.تم تغير لون الخط

مشرف 7ب
24/6/2011
10.30 pm

حملة ايه بس صلى على النبى ؟
دى مشكلة فى الغالب متعلقة بسيارة سعادتك فقط
ممكن تحاول التواصل مع الاستاذ عماد وان شاء الله هيساعدك
ده موضوع بسيط ياراجل

اقتباس:

---

المشاركة الأصلية كتبت بواسطة lonedoctor

حملة ايه بس صلى على النبى ؟
دى مشكلة فى الغالب متعلقة بسيارة سعادتك فقط
ممكن تحاول التواصل مع الاستاذ عماد وان شاء الله هيساعدك
ده موضوع بسيط ياراجل

---

يا باشا ما تاخدش في بالك عندنا في قسم الاسبرانزا حاجات اشد من كده

اولا : على نبينا افضل الصلاة والسلام
ثانيا : انا مقولتش حملة ولا ثورة ولامشاكل متزعلش عايز اعرف المشكلة موجودة عند ناس اد ايه
ثالثا : ممكن توضح لى الموضوع بسيط ازاى و الونننننننننة الموجودة عالية جدا وراكب سيارة زيرو 2011
وطبعا انا هاخد برايك واتواصل مع الاستاذ عماد يمكن يكون فى حل ان شاء الله . شكراً

color="blue"]b]الاستاذ/ الفاضل
تحياتى
رجاء الاتصال بى على الرقم 0197771747

عماد حبيب[/b][/color]

متتعشمش اوي ان الامل تغيرلك فتيس ب ٥٠٠٠ جنيه او اكتر كان اولي غيرو تيل فرامل للناس اللي بتشتكي منه وسيارتهم في الضمان و تمنه تعريفه واقسم لك برب الكعبه ذياده للتاكيد انهم لن يغيروه لاني في نفس المشكله من سنه و المهندس اميل و صبحي لبسوني العمه ودول شطار في كده واقنعوني مفيهاش حاجه اشتريلك واحد متسوبيشي وريح نفسك اجمل حاجه في شركه الامل حاجتين ١: العملاء بتوع التوكيل المتواجدين في المنتدي واللي عاملين انهم من ملاك السياره ونازلين مدح وطبعا مفقوسين اوي وشكلهم بايخ لسبب واحد وبسيط انه لو واحد عادي فعلا واشتري السياره حيشكر مره وخلصنا مش كل يوم لك وعجن ده يدل علي انه فاضي ولا شغله ولا مشغله نايم علي النت وده شغله الفعلي ده لو صاحب الشركه مكانش حيشكر كده ٢ :طريقه اقناعهم لك ان العربيه مفيهاش حاجه انت بس اللي سمعك ضعيف ونظرك تعبان

كنت راكب تاكسى ابيض مره بى وى دى وقالى فى ونه على الغيار التانى بس أنا ما كنتش عارف اميزها