النهارده يا جماعه كان عندى امتحان ( كلية حقوق جامعة القاهرة) وطبعاً كـ العاده

خارج متأخر

وماشى على طريق الدائرى وطبعاً واخد الشمال والسرعه تتراوح من 100 لـ 120 ما بين النزله بتاعت الوراق

والنزله بتاعت روض الفرج فى طريقى إلى الوصله الجديدة لجامعة القاهرة


وفوجئت بـ عربيه نقل جايه فى وشى وبتقلب نور .. طبعاً الحمد لله فاديتها مستريح جداً

لكن اللى ورايا


اتفاجئو بالنقل من على مسافه قريبه اوى ويااااااااااااادوب قدروا يفادوا النقل على اخر ثوانى




الطريق الناحيه التانيه كان واقف ولقيت معظم الموتوسيكلات بدأت تمشى على الفاصل بين الطريقين


كذالك العربيات النص نقل



ياريت الناس تاخد بالها وتتوقع غباء الأخرين اللى زااااااااااااد اوى الفتره دى خصوصاً على الطرق السريعه

والدائرى



السؤال بقى ... هل الواحد كان ليه ديه لو لقدر الله حصل تصادم مع بتاع النقل ده ؟؟


ولا كان هيبقى الرد من الشرطه وبتوع المرور .. روح لشباب الثوره يجيبولك حقك ؟؟ زي ما بيحصل ؟؟