السلام عليكم ورحمة الله وبركاته
ممكن الإخوة فى المنتدى ينصحونى بسيارة رخيصة فى حدود 35 الف جنية وتكون فيها باور وياريت تكييف و إعادة بيعها لا تسبب خسارة كبيرة لأنى هاستعملها لمدة شهرين او ثلاثة بالكثير جدا ولكنى هاسافر بيها مشوار حوالى 400كم كل اسبوع ولو حد عنده سيارة تصلح ياريت يضع لها صور ويبين لنا مواصفتها والسعر المطلوب
شكرا لكل من يهتم بالنصيحة
هيونداى اكسيل كويسه
وكمان فيه Skoda - felicia بس احسن اعاده بيع الهيونداى اكسيل
وفيه الشاهين موديل 96 و 97 هتلقيهم بالسعر ده
جزاك الله خيرا أخ محمد وربنا يسهل أنا بافكر فى الإكسيل بس مش لاقى حاجة نظيفة والله المستعان
ابعد عن الاكسيل خليك في السويفت احسن وسوقها ماشي وممكن تركب كماليات بسهوله زي التكيف وقطع غيارها كتير ورخيصه وشكلها كويس وممكن تبيعها بسهوله بعد كده وسعرها نزل لحد 27 لف اليومين دول بس دور علي موديل 1994 او 1993 ويادوب بنزين قليل جدافي السفر الطويل اما الاكسيل مش ثابته علي الطريق وصاجها اخف من السويفت وسعرها كمان نزل الي حوالي 30 الف .
وعلي فكره المنتدي مليان شرح لمميزات السياراتين وتجارب الاعضاء عليهم