اخوانى الاعزاء سمعت كذا مرة عن اخوة فكو فلتر التكيف لتنظيفة وللان مفيش حد شرح الموضوع ..ليفهم الجميع نرجو الشرح لتعم علينا وعليكم الفائدة وتحياتى لكم واسف للازعاج
عرض للطباعة
اخوانى الاعزاء سمعت كذا مرة عن اخوة فكو فلتر التكيف لتنظيفة وللان مفيش حد شرح الموضوع ..ليفهم الجميع نرجو الشرح لتعم علينا وعليكم الفائدة وتحياتى لكم واسف للازعاج
الموضوع بسيط جدا ان شاء الله .. انت هتفتح درج التابلوه عادى جدا هتلاق على ايدك الشمال جزء مربع كده اضغط عليه هيطلع الكلبس اللى ماسك الدرج فى التابلوه و هتلاقى الدرج طلع معاك برة . و بعدين هتلاقى قدامك جدزء بلاستيك مستطيل مكتوب عليه air flow و مربوط بمسمارين .فك المسمارين و اسحبه .هو ده الفلتر . نضفه كويس بالبلور او فرشة ناعمة و ركبه تانى و اربط المسمارين و ركب درج التابلوه و استمتع بالتكييف بكامل قوته
الف شكر اخى العزيز تم بنجاح الف شكر
موديل 2004 لا يوجد به فلتر تكييف
هو الكلام دة ينطبق علي الكريستالة موديل 99؟
والميراج 97
؟؟؟؟؟؟؟؟؟؟؟؟؟؟؟؟؟؟
والله يا جماعة انا معرفش بس انا جربت اللى قالة السيد.. طارق وبصراحة عملت ما قال والتكيف الان عشرة على عشرة بفضل الله ثم السيد .. طارق واكيد إن شاء الله هوة حيرض عليكو تحياتى
اسمح لي أرد بدل الاستاذ طارق الخميسي في الجزئية دي
ان اللانسر 99 مفيش فيها فلتر تكييف انما تنظيف التكييف (اللي بيتم في التوكيل) بيتطلب فك التابلوه بالكامل وتنظيف ما يسمونه بالثلاجة بتكون ورا التابلوه ثم شحن الفريون والقصة دي كلها بتاخد حوالي ساعتين تلاته شغل وتكلفة حوالي 600 جنيه
فعلا انا بدأ عندي ريحة سيئة عند بدايةالتشغيل للتكيف هل ممكن يكون دا السبب
طيب لو حد يعرف الميراج موديل 97 نظامهة ايه من الموضوع ده
المفروض انها امريكى ومواصفاتها مواصفات خليجى يعنى التكييف يكون قوى جدااااااااا
بس هو مش كده
يا ترى السبب ده من هذا الموضوع ولا ايه؟؟
ايه يا جماعة محدش يعرف حاجة عن الميراج
فين اخوانا الخبراء
?????????????
أستاذ momo44 اهلا بيك ومعلش اتأخرت عليك
بعد سؤال المختصين مطلوب من حضرتك احضار رقم الشاسيه (كاملا 17 حرف) من على العربية علشان نكشف عليه في سي دي الكتالوج ونعرف العربية لها فلتر تكييف ولا لأ وبالتالي نقول لحضرتك كيفية تنظيف الفلتر
???????????????
ولو قصدك على الرقم ده كان فى موقع تحط فيه الرقم ده يجيبلك تاريخ السيارة بس الموقع ضاع منى يا ريت لو حد من الاخوة الاعضاء يعرف عنه حاجة
What about lancer 2002 ?
بعد الكشف على رقم الشاسيه المرسل في كتالوج قطع الغيار للعربية
فالعربية مثل اللانسر 97 و 99 ملهاش فلتر تكييف
كتالوج قطع الغيار هو سي دي عليه كتالوج السيارة وجميع قطع الغيار الخاصة بها
بيتم ادخال رقم الشاسيه فتظهر رسمه للعربية يتم منها تحديد الجزء المطلوب الاستفسار عنه مثلا المحرك ثم منه الى رسمه الردياتير ثم منه الى خرطوم الردياتير وكليك عليه يظهر رقم الصنف للقطعة دي الخاصة برقم الشاسيه اللي تم ادخاله وده مهم جدا لمعرفة قطع الغيار خاصة للعربيات الغريبة زي الميراج كده وهي بالمناسبة في كتالوج سيارات ميتسوبيشي أمريكا - والكتالوج ده بيتم تحديثة بشكل دوري وهو طبعا مخصص للوكلاء ومراكز الخدمة المعتمدة فقط
المفروض انها امريكى ومواصفاتها مواصفات خليجى يعنى التكييف يكون قوى جدااااااااا
بس هو مش كده
وهو لسة مشحون قريب
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
???????????
لو التكييف ضعيف رغم الشحن يبقى ضروري يتم تنظيف التكييف من جوه يعني اللي بيسموه التلاجه وده بيتم بفك التابلوه بالكامل
تكلفته في التوكيل مع شحن الفريون حوالي 600 جنيه
انا فعلا كانت عندي التلاجه عليها شوائب كتير لدرجه انها مكانتش باينه وانا الحمد لله
نضفتها بنفسي ومن غير ما افك شيء من التابلوه سوي الدرج
وبقيت زي الفل والحمد لله والتكييف اتعدل زي الأول بس كان نفسي انضف التلاجه كلها علشان انا نضفتها من جانب واحد فقط بس نص العمي ولا العمي كله
طب ازاى يا upnemo قدرت تنضف التلاجة بدون فك التابلوة لان انا مش مستريح لحوار الفك و التكلفة 600 جنية و انا شايفة مبلغ كبير اوى على تنضيف و شحن و خصوصا لو التكييف مشحون.
يا ريت تشرح الخطوات اللى عملتها و مدى تأثير التنضيف على كفائة التبريد ولو تعرف واحد بتاع تكييف ممكن يعمل القصة دة.
خلي بالك علشان الموضوع كبير
وخطواته كالأتي :
انا فكيت درج التابلوه خالص (مسمارين عشره في المفصله)
هتلاقي قدامك علبه سوداء مكتوب عليها (cooling Unit)
العلبه دي هي اللي جواها التلاجه
هتلاقي فيشه من تحتها حاول تفكها (مسمارين صليبه) بس مكانها رخم بس هتقدر تفكها ما تقلقش
وبعدين هتلاقي علي اليمين خالص من تحت (فوق كف الرجل اليمين بالظبط ) علبه سوداء مدوره وليها (3مسامير صليبه ) و (فيشه) دي بقي تبقي المروحه هتفكها طبعا علشان تنظفها لأنك هتلاقي فيها ورق شجر كتيييييييييييييير
نرجع بقي للتلاجه
العلبه السوداء دي مقسومه نصفين (نصف علوي ونص سفلي ) واللي ماسكهم عباره عن كلبسات حديد بتمسك الجزء العلوي بالسفلي طبعا هتفكهم (4 كلبسات )
وبعدها هتحاول تفتح العلبه (تفصل الجزء السفلي عن العلوي )
بس خلي بالك
خلي بالك
خلي بالك
العلبه مش هتتفتح أكتر من 2 سم بالكتير
طيب ايه الحل بقي ؟؟؟؟
لما انت تفتح العلبه 2 سم بالكتير هتلاقي التلاجه باينه قدامك بس هتبان بجنبها (شبه الرداتير كده نفس الريش بالظبط بس علي أصغر)
حضرتك بقي هتروح مدخل المسدس بتاع البنزينه بحرص شديد انه ما يلمسش التلاجه ويكون ضغط المياه اوطي حاجه يعني والكمبروسر مش شغال (هتلاقي ضغط الميه بسيط تحس انه مسرب ميه وهو ده المطلوب)
وتروح مدخل المسدس وتبتدي تعيش الحياه
وبعد ما تخلص تحط المسدس (بس ياريت خرطوم علشان المسدس لو كبير مش هيدخل ) وده مكان المروحه اللي انت فكتها علشان بيكون في سفنج بالداخل مليان اتربه
وبعد كده تجيب خرطوم الهوا وتبتدي تنضف تاني بالهوا بس
وتسيب التكييف لحد تاني يوم وشغل يا حج وعيش
وانا هحاول اصور الكلام ده في الغسله القادمه بأذن الله
أه صحيح نسيت
المكان اللي بينزل منه الميه (الفايز بتاع التكييف) فيه حته جلده عامله زي الخرطوم بس صغيره خالص وشبه حرف ال (l) دي لازم تفكها علشان الشوائب اللي جوا العلبه هتخرج عن طريق الفتحه دي وبعدها ركبها تاني (سهله جدا)
واي خدمات انا تحت الأمر
الله ينور عليك الخطوات واضحة والشرح ولا اسهل و هحاول إن شاء الله ابقى اعملها بس انا عندى استفسار هو لما انت بتدخل المية على التلاجة مبيكونش فية تسريب جوة العربية.
وحاجة تانية انا عندى التكييف بيطلع ريحة وحشه لما الكومبريسور يفصل و تكون المروحة بس هى اللى شغالة اكنها ريحة عطانة .يا ترى بعد تنضيف التلاجة الريحة دى هتروح؟
شكرا للاخ العزيز طارق
قمت بالخطوات والنتيجة 10\10
شكرا مرة تانية
ابو هاجر المصرى
؟؟؟؟؟؟؟؟؟؟؟؟؟؟
لسة