الموضوع: سليم العوا

بما انى علمانى ماسونى جاسوس مريخى قولت انشر الحاجات علشان فى ناس بتتصيد للبرادعى فقولت اتصيد انا كمان للعوا مش علشان اثبت انه وحش مثلا , لا علشان الناس تشوف بس ان الموضوع مش ملايكة و شياطين.

الفيديو دا لقبته معموله share على الfacebook

YouTube - ‫ط³ظ„ظٹظ… ط§ظ„ط¹ظˆط§ ظ‚ط¨ظ„ ظˆط¨ط¹ط¯ ط¥طھط®ط§ط° ط§ظ„ط¥ط®ظˆط§ظ† ظ…ظˆظ‚ظپ ظ†ط¹ظ…‬‎


و الlink دا من يناير 2010

ط³ظ„ظٹظ… ط§ظ„ط¹ظˆط§ : طھط±ط´ط.ظٹ ظ„ط±ط¦ط§ط³ط© ط§ظ„ط¬ظ…ظ‡ظˆط±ظٹط© ط£ظ…ط± ط®ظٹط§ظ„ظٹ.. ظˆط§ظ„ط¨ط±ط§ط¯ط¹ظٹ ط£ظ…ظ„ ظ„ظ„ط´ط¨ط§ط¨


كان بيقول البرادعى امل الشباب علشان الناس اللى بتقول البرادعى عميل و مش عارف كلام فارغ ايه , يا ريت نسمع لما مرشح الرئاسة سليم العوا يقول البرادعى امل الشباب.

اخر حاجة مننساش ان العوا كان محامى منير غبور!!! اللى اتحكم عليه بالسجن و 150 مليون غرامة علشان أرض ميراج .

أنا عارف الناس هتطلع تقول دا علمانى ماسونى ديموقراطى ليبرالى بس
انا مش بقول دا كويس و لا دا كويس , البرادعى له عيوبه و انا بوضح بس ان العوا له عيوب هو كمان مش ملاك يعنى.

انا شايف عيب البرادعى النقطة الدينية عنده ضعيفة بس شايفه انسب واحد و العوا كنت ارشحه لولا موقفه من التعديلات الدستورية بس لو كسب مزعلش ابدا و هو التانى فى الترتيب بالنسالى و الصراحة يليهم بالنسبالى عبد المنعم ابو الفتوح و عمرو موسى و اللى مستعد انزل اعتصم لو كسبوا (فى المشمش) شفيق و عمر سليمان.
دا رايى الشخصى , انا نقلت الفيديوهات زى ما هى !!! يعنى انا مش علمانى , ماسونى بس!!!

و قال فيها بوضوح إنه مع الموافقة علي التعديلات لأن دستور 71 ساقط سواء نعم أو لأ

انا مش قادر افهم يعنى ايه سقط , دول جابوا المواد اللى اتعدلت و جابوا بقية المواد من دستور 71 بما فيها 50% عمال و فلاحين و مجلس الشورى و كل حاجة و لزقوها زى ما هى و بعدين سقط ازاى اذا كان الاستفتاء بيقول هل توافق على تعديل المادة كذا و كذا و الغاء المادة كذا !!!!!
مفيش حاجة اسمها ساقط لما يقصوه و يلزقوه فى اعلان دستورى!!!

بس ده مش شرط يكون مكافآته ، منصب الرئاسة

دا مش مكافاة , الراجل من ايام مبارك الوحيد اللى قال انا هترشح قدامه على منصب رئيس الجمهورية يعنى مش كان عايز ينزل كوزير و بعد الثورة بقى منصب رئيس الجمهورية مكافاة ليه.
الراجل اتكلم ايام مبارك و غيره مفتحش بقه و لا حتى عمرو موسى استجرأ يقول هنزل قدام مبارك , لما يبقى فى ديموقراطية نقول لا دا مش كويس و عميل الامريكان؟؟؟؟

دى مش مكافاة الراجل مغيرش كلامه و لا مواقفه قبل او بعد الثورة و انا رايى اكتر واحد ينفع لمصر فى المرحلة دى , لو زويل كان نزل كان افضلى كمان مصر محتاجة عالم فى الفترة دى مش شيخ, فى ناس بتجوع و لازم اصلاحات اقتصادية سريعة جدا علشان يبقى فى مستقبل اساسا للبلدو لازم يبقى فى فكر علمى لحل مشاكل البلد الكتيرة من اول العشوائيات و عدم وجود زراعة و صناعة فى مصر و الاحتكارات , المنصب هو رئيس جمهورية مش رئيس جامعة الازهر , فبنسبالى الاختيار بين العوا و البرادعى مع تفضيلى للبرادعى و دا رايى الشخصى بس انا ضد التصيد للبرادعى تماما

بغض النظر عن التفاصيل و الكلام الغريب اللي في الموضوع
اللي عمل الفيديو ده حرامي بيسرق من نص الكلام و بيقطه و بيرقع

حضرتك وضحلى طيب ايه اللى اتقص , الجزء الاول نزل بالكامل و الحلقة اتقص منها الحتة اللى بيقول نصوت بنعم لتعديل الدستور يبقى بيرقع فين , كلنا عارفين ان موقفه بقى نعم لتعديل الدستور.


على فكرة انا قولت فى الاول انه شخص ممتاز جدا و اننى بتصيدله و ناقل الكلام من الfacebook يعنى مش انا اللى عامل الحاجات دى علشان اثبت بس ان البرادعى الناس بتتصيدله و لما تتصيد لحد ممكن تحس انه معيوب مش اكتر.

لو كسب مش هزعل اطلاقا , الراجل ارائه معتدلة و هو عالم فى رايى و شخص ممتاز جدا و عنده رؤية و فى رايى هو و البرادعى عند كتير من المتعلمين هيكون الاختيار بينهم .
انا شايف البرادعى للاسف النقطة الدينية عنده ضعيفة بس شايفه احسن واحد يقدر بفكره و طريقة ادارته يقوم البلد تانى فى فترة بسيطة كمان هو ديموقراطى جدا و بياخد راى الاغلبية يعنى اللى الناس عايزاه هيتعمل.

احنا نعمل استخارة قبل الانتخابات و ندرس الاتنين كويس اوى و ربنا يوفقنا للاحسن ان شاء الله

تانى انا مش بنتقده انا بتصيدله عن عمد و دى حاجة وحشة (=