بسم الله الرحمن الرحيم
السلام عليكم و رحمة الله و بركاته

حبيت انقلكم ما تعرضت له من كام يوم علي الطريق الدائري المؤدي للحي السادس اللي بيمر ببنزينة وطنية و ضهر المدافن في مدينة نصر ( الطريق ده تكون من القاهرة الجديدة في الحي السادس في حوالي 5 دقايق او اقل كمان )
و الوقت كان حوالي الساعة 8 و نص او 9 الا بليل
كنت ماشي مع اهلي و لسه ع اول الطريق و عادي الشارع فاضي
لقيت فجأة مرسيدس قديمة جنبي في حالة يرثي لها و ماشية معوجة خلقة يعني من الاخر عربية عايزة عربية
و جواها 2 شكلهم مش اصحابها اساسا المناظر اللي بنشوفها و اول ما تشوفها تعرف انه صنايعي
طبعا قولت اول ما اوصل للدايرة اللي بعد وطنية هبلغ عنهم لأني دايما بلاقي هناك شرطة او لما اوصل للاشارة بتاعت قسم تاني مدينة نصر
و مفيش ثانية من اللي بفكر فيه لقيت اللي عمال يقفل عليا و يزنق عليا من الجنب الشمال
ساعتها قولت بيني و بين نفسي اهلا ابتدينا
قولت للي معايا اربطوا الحزام و وطوا راسكم و اقفلوا الازاز
و الواحد اتشاهد هي شكلها يا قاتل يا مقتول بقي و مجهز اساسا تحت فرامل اليد مفتاح ربط العجل عشان اي حاجة هلوش عالطول
و هو عمال يقفل و انا حاولت ع اد ما اقدر اخلي مقدمة عربيتي بعد مقدمة عربيته عشان ميقفلش عليا نهائيا
و لاحظت فيه هجوم عربيات جي من بعيد قولت هيكون مصلحة مش هيقدروا يعملوا حاجة وسط الزحمة الجاية ديه
هديت فجأة عشان تكون العربيات قربت شوية و بعدها حرقت ع التالت و شديت بالعربية و عملت نفسي اني هطلع من اليمين راح محود يمين و فجأة كنت محود شمال و كان بيني و بين اني اخبط في شنطته كام سم
راح حود شمال هو كمان عشان يقفل لكن ملحقش كان بيني وبين انه يخبطها لما حود اقل من جزء من الثانية و الحمد الله ان عربيتهم كانت مهكعة اساسا لو كانت المرسيدس في حالة كويسة مكنتش هعرف اعمل كده
و ساعتها حسيت ان الالتو قالت انا جدع و كنت جايب بيها 130 و ببص عليهم لقيت هدواااااااا ع الاخر و اختفوا
و ملقتش حتي عسكري في الدايرة اللي بقولكم عليها مع انهم دايما واقفين هناك
و الحمد الله انها عدت ع خير
وقولت انبهكم و خلوا بالكم بقي من الدائري خاصة بليل
و ربنا يعدي اليومين اللي زي الفل دول ع خير