يا جماعه انا اشتريت عربيه فولكس بولو فوكس مو 95 1300 سى سى عايز اغير مساعدين امامى و كمان عايز اعلى العربيه شويه اعمل ايه وبكام و مين الصنايعيه اللى بيشتغلوا فيها ارجوكم انصحونى ؟
يا جماعه انا اشتريت عربيه فولكس بولو فوكس مو 95 1300 سى سى عايز اغير مساعدين امامى و كمان عايز اعلى العربيه شويه اعمل ايه وبكام و مين الصنايعيه اللى بيشتغلوا فيها ارجوكم انصحونى ؟
مبروك عليك البولو :16: ... عليك و على سيد عبدوه فى جسر السويس الناحية الى امام سنترال مصر الجديدة ... راجل فاهم مووت فى ميكانيكا و عفشة فولكس و اسعاره حنينة :grin54:
طاب بقولك ايه يا باشا المساعدين الامامى عاملين كام ؟
و مشكور على الرد
أنا بس ليه ملحوظه اول مره حد يشتكي من علو البولو وعايز يعليها أكتر ابلعكس علوها أعلى بكتير من عربيات كتير موجوده يعني ممكن تكون محملها على االخر وأعلى مطب ممكن تشوفوه حتطلعه براحتك خالص .. المساعدين الأمامي اعتقد من 400 ل 650 حسب الصناعه لاني في فرنساوي واسباني وبرازيلي وألماني
اولا مبروك يباشا على العربيه وربنا يباركلك فيها
وبالنسبه انك تعلى العربيه هى مش محتاجه العربيه اصلا عاليه متقلقش ولو عاوز تدفع فلوس اسال عند الشهابى الى فى شارع دمشق عن اسعار المساعدين بس هتلاقيه غالى جدا لان القطع الى بيجبها اصليه
وشوف السعر لو يناسبك اشتريهم وانزل الحرفيين عند الاسطى رضا عمر الراجل ده محترم جدا وبيظبط العربيات صح وسعره معقول وخليك معاه علشان انا لفيت كتير خليك مع رضا ومكانه خلف بلوك 8
وبرده شوف اراء باقى الاعضاء
انا راي من راي كل الزملاء البولو ارتفاعها معقول جدا و احسن من عربيات كتير و بالنسبة للميكانيكي فى مركز م / هاني ورا جنينة بدر جسر السويس غالي شوية بس شغل توكيل و فى برضه وائل فى الحرفيين ش جمال عبد الناصر خلف مستشفي تبارك
ياجماعة عايزين نتفق على حاجة الاول معظم مشاهير الفولكس من الميكانيكيين فى القاهرة بيعتمدوا على حاجة اساسية و هي تغيير اي حاجة بايظة ماحدش يحاول يصلح اي حاجة عالطول شيل ارمي القديم و غير رغم انها ممكن تتصلح و تعيش ضعف الوقت العاشته بس محدش بيعمل كدة منهم علشان كدة هما ادونا احساس ان هما ممتازين و العربية تتطلع من عندهم زيرو قال يعني هما اخترعوا الذرة على كل حال هاني ممكن ياخد على تغيير المساعدين مصنعيات 200 او 250 جنيه دة لو مفتحش فى اي حاجة تانية فى العربية و دي بقى ميزة هاني ممكن يكشفلك على العربية كلها و يقولك محتاجة اية و انت حر تعمل التعمله و غالبا كلامه صح بنسبة 90 %
والله يباشا مش كلهم بيعملوا كده يعنى رضا اكتر ميزه فيه انه بيخاف على فلوسك ولو انتا جايب قطعه غيار غاليه بيخليك ترجعها وتجيب الارخص وبرده بيبص على الحاجه قبل متركب ولو حاجه عاوزه تتصلح بيقولك تصلحها فين ده غير انه شاطر جدا وفاهم مش قصه شيل وركب انا جربته اكتر من مره بصراحه ممتاز